1 Amadapụ 21:2 - FỊAFỊA BAỊBỤLỤ

² Miemẹ ḅọrọ tẹso, Ehabụ nwẹnị Nebọtị ḅẹẹ, “Ị́ girepu-ḍụọ mẹ kẹ ị̀ pịrịị, à kẹ ọgụ ḍụọ mịẹ, gbala anị ị̀ warị na kpeki wararị ẹrẹsị; anịsakị arị iḅi anị nẹngị jen girepu-ḍụọ kẹ anị kiri ḅụ ị́ pịrị ḅa, anịanịa anị nwẹnị ị́ ḅụụ ḅẹlẹ ḅarị ḅẹḅẹ arị anị la ḅẹ igbigi kẹ ị́ pịrị ḅa.”

1 Amadapụ 21:2 Iomraidhean Croise

Suku-saakị 16:6

Kụma Ebiramụ nwẹnị Sẹrayị pakịrị, “Ḍikii ị́ fịrịmẹnjị-ẹrẹḅọtụḅọ ma ị́ kụrọ mẹ suku-ḅio arị emi; ị́ ḅụụ ḅẹlẹ ḅara, ḅẹlẹ ḅara kẹ á mịẹ.” Anịtẹso Sẹrayị guda-guda ḅara kẹ arị na mịẹm, tẹ arị á ḅụụ ḅụ ḍumo-mangị kọnm.

Suku-saakị 3:6

Mie ḅụ ẹrẹḅọ ma sịn mẹ fị ḅụ ḅụụ-ḅẹlẹma wararị ḅara na, ḍiki-tọrụ ḅụ anị pọkọsọlịma la ḅara na ẹrị, anịsakị mịẹtẹ tomḅọ ye-nimi ḅụ mḅọ anị ḅii ḅa, anịtẹso á nwẹnị anị ḅẹ sịnmgbọlụ ọkị fị, tẹ pịkị anị ḅụ kẹlẹ kẹ á di sọ pịrị, tẹ ọ̀ nwẹnị fị.

1 Amadapụ 21:3

Kụma Nebọtị nwẹnị Ehabụ ḅẹẹ, “KỊNỊNYANAḄỌ minini tẹ arị ị̀ aḍapụ ma ḅụ à fị ḍuḅu mẹ kẹ ị́ pịrị!”

1 Amadapụ 21:6

Ọ̀ nwẹnị á pakịrị, “À gbala ẹkwẹn Nebọtị Jẹzirili ḅẹ ḅọ ḅe pịrị tẹ ọ̀ ḅẹẹm, ‘Ị́ girepu-ḍụọ mẹ kẹ ị̀ pịrị à fẹ, anịanịa anị ị́ ḅụụ ḅẹlẹ ḅarị ḅẹḅẹ à jen girepu-ḍụọ kẹ anị kiri ḅụ ị́ pịrị;’ tẹ ọ̀ nwẹnị pakịrị, ‘Àrị ị̀ girepu-ḍụọ kẹ ị́ pịrị ḅịa.’ ”

2 Amadapụ 9:27

Juda ḅẹ amadaḅọ Ahazaya miemẹ ẹrị tẹso, ọ̀ nwẹnị tọrụ kẹ Bẹtị-aganị pakịrị da tẹ mangị. Jehu nwẹnị ò ḍuka tẹ ḅẹẹ, “Ọmịnị ori sọ tẹịn;” ọ̀ kpọlị mu Gọọ, Ibilamụ ama na kpeki ama mẹ la ḅẹ-muarị ogbo mie ini ọ̀ tẹịn ye ori kirimẹnjị-ọmụarụ mẹ ḅio. Ọ̀ nwẹnị mangị mẹ kẹ mu Mẹgido la tẹ anịjụ fịị

Paka-so 20:17

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.

Nimi Tolumaḅọ 2:5

À warị akaka ḅẹ aḍụọ ḍiḅi, pịkị sara-sime na-iḅi anga pakama ị̀ ḅụụ pịrị tẹ arị ḅio tọrụ-kịrịkịrị mgbọlụ sụarị asịn ḍiḅim.

Sọlọmọnị Ḅẹlẹtẹịn Nume 4:15

Ḍaḅa ma minji kẹ ḍụọ mẹ pịrịarị, Lẹbanọnị Tụndụ ma ḅụ sara ideri-ḅo okolo puu-puu tẹ mẹnjịarị minji mẹ.

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Luku 12:15

Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Ditẹrọnọmị 11:10

Kẹ gotẹ ọkọ ḅẹẹarị, ama mẹ tẹ ọmịnị ọkị nyana ḅẹ muarị ama mẹ anị Ijiputi ḅẹ ama mẹ tẹ ó sime tẹ ḅo ama mẹ sime-ḅara sime-a, anịanga mẹ tẹ ọ́ sịnmgbọlị, ọgụ ḍụọ pembe ye ḍiḅi tẹ ḅụọ kẹ mẹnjị-mẹnjị tẹ minji kẹ arị suku sara sara ye mẹ;

Ditẹrọnọmị 5:21

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.

1 Timoti 6:9

Kụma ye kọn ḅẹ-ḅiiarị apụ mu daaḍiki ḅio sọ sọm, tẹ oḅori kẹ tomḅọ sịn na, ye kẹ mḅọ lama ḅẹ akuroma na ḍiein ḅio sọ, anị nwẹnị ịn nụnụ mu fịị na fa na ḅio suu.

1 Samụẹlị 29:6

Anịtẹso Akisi nwẹnị Devidi sịn tẹ ọ̀ ḅẹẹ, KỊNỊNYANAḄỌ ḅe ḍumo-sime wararị ogbo, amụ ị́ ọḅụ furu-a, anịsakị ị́ ị̀ ḅụụ sọ tẹ ọmụ-ogbo mẹ ḅio mẹnjị sọ-na-paka-na mẹ, ị̀ ḅụụ anị kuram; kẹ gotẹ ọkọ ḅẹẹarị, ị́yẹrị ị̀ ḍọkụma-ḅo ene ḅụ ọkị-ḅo mịmgba la, arị ị́ ḅụụ gbọrụ mịẹ-irima sọ ḍọkị-ẹrịa. Anịsọ kịnịnyanapụ ma ḍụkụ ị̀ pịrị-a.

1 Samụẹlị 8:14

Ori ọmịna iḅitẹịn aḍụọ na, kụrọ aḍụọ na, olivu aḍụọ na ọkị tẹ arị kẹ ori afịrịmẹnjịapụ pịrị ḅa.

1 Samụẹlị 8:6

Kụma ye mẹ Samụwẹlị ḅụụ ḅẹlẹ-a, ịn “ḅẹrẹtọn wa pịrị ḅẹ gbọrụ amadaḅọ kẹ wa pịrịị,” ḅẹẹ tẹso. Tẹ Samụwẹlị nwẹnị KỊNỊNYANAḄỌ ḅe tẹkẹ.