1 Amadapụ 2:7 - FỊAFỊA BAỊBỤLỤ

⁷ “Kụma iḅi-anga kẹ Bazilayị, Gilẹdị ḅụ ḅo ḅọ ḅe owiapụ-awọmẹ ma na angaa tẹ ịna ḍikiḍikii, gbala ini iḅi-anga kẹ ị̀nịna kọnm àrị iyimbere Abusalọmụ ḅụụ fịị mangị kọn-arị sakị ḅụ.

1 Amadapụ 2:7 Iomraidhean Croise

Suku-saakị 40:14

Kụma ye ḅo ị́ na iḅi sakị ị̀ kẹ ḅiokoroma, tẹ iḅi-anga mẹ kẹ ị̀ na kọọn; arị ị́ tẹkẹm, ị́ ẹrẹ go Fero pịrịị, tẹ mị-ḅara ḅụ mị warị mẹ ḅio ori ị̀ pakama-ḅo ḅarị ḅara.

2 Samụẹlị 19:28

Kẹ gotẹ ọkọ ḅẹẹarị, ị̀ ḍa warị mẹmgba anie tomi tẹ ịn fịị pẹlẹ pịrị tẹ apụ famam, ị́yẹrị ị̀ nyanaḅọ ḅe tọrọkọ; kụma ị́ yẹrị ị̀ fịrịmẹnjịḅọ kẹ inima tẹ ị́ dẹbịlẹ ḅụ fịye fịarị apụ ma ogbo-ḅio wẹrịm. Anịtẹrẹmẹ tọ jen ye sime ị̀ pịrị na-iḅi tẹ àrị owu ị́yẹrị ị̀ nyanaḅọ ḅe pịrị ḅẹ?”

2 Samụẹlị 9:10

Anịsakị ị́yẹrị na, í owiapụ-awọmẹ na ị́ afịrịmẹnjịapụ na, ḍụọ ḍiḅi-ḍiḅi ọ̀ pịrị ḅa, anị ḅio paka-ḅo aị ọkị-ḅo ḅa, mịẹ tẹ ị́ sịḅịdaḅọ taa-owiḅọtụḅọ ḅe inetẹ fịye nyana tẹ fị ḅẹ ḅara; kụma Mẹfibosẹtị ị́ sịḅịdaḅọ taa-owiḅọtụḅọ ḅe sakị mamgba ị̀ dẹbịlẹ ḅụ fịye fị ḅa.” Mịọkụ Ziba owiapụ-awọmẹ jei apụ na, fịrịmẹnjịapụ si-kem na nyana wararị.

2 Samụẹlị 9:7

Devidi nwẹnị ọ̀ ḅẹẹ, “Ḅalafa ma, kẹ gotẹ ọkọ ḅẹẹarị, ị́ ḍa Jonatanị gotẹ arị iḅi-anga kẹ ị́ na kọn ḅa, tẹ í opu ḍaḅọ Sọlụ kiri mẹmgba pịkịma ị́ pịrị ḅa, anịsakị ị̀ dẹbịlẹ ḅụ mie sakị mamgba í fịye fị ḅarị” ye.

2 Amadapụ 25:29

Anieḅụ Jehohakịnị nwẹnị ori oju ḅụụ ikoli opu akapa ma siin-koroma. Ọ̀ nwẹnị ò ḍumo ḅụ ene-ḅaaene-ḅaaene, sakị mẹmgba amadaḅọ ḅe dẹbịlẹ ọgọnọ ḅụ yefịm.

2 Amadapụ 25:30

Anịsakị ọ̀ ḅara-ọlọkọma ye kụma, amadaḅọ ḅe sakị mẹmgba ḅara-ọlọkọma ye kẹ ọ̀ pịrịm ò ḍumo wararị ene mamgba ḅụ.

Ẹzịra 2:61

Pịkị agbamịẹapụ ma owiapụ-awọmẹ ma ogboku Habaya na, Hakọzị na, Bazilayị na — anie Gilẹdị ḅẹ Bazilayị ẹrẹḅọtụḅọ sime tẹ ịna ẹrẹ mẹ fị ḅọ ḅe.

Egberima-Ẹkwẹn 27:10

Í ikiapụ anịanịa ị́ ḍa ikiapụ kẹ ḅioḅọrọma ma. Ḅụụ-fụka ị́ la ḅẹḅẹ, í iyimbere ḅara ḅarasụa ḅii ma; jen tomḅọ inetẹ ḅarasụa ḅele-fa wararị mịnaḅọ nẹngị lama ḅa.

Jerimaya 52:33

Anie ḅụ ò minini Jehohakịnị pịrịtẹ ori ikoli kapa ḍima tẹ amadaḅọ ḅe dẹbịlẹ ḅụ fịye fịm ò ḍumo mu la ene mamgba ḅụ.

Luku 12:37

Ịn Nyanaḅọ ḅo la tẹ in mono-a tẹ koruarị ye ẹrị kụma anị opu ḅioḅẹlẹma ye sọ arị afịrịmẹnjịapụ ma pịrị ḅa! À ḍuko ọ́ pịrịarị, ori ori ọgọnọ ḅẹ kapa sin koroma tẹ ịn ḅẹẹ tẹ ịn lẹgị tẹ ye fị ḅa, tẹ ori rẹ fịrịmẹnjị ịn pịrị ḅa.