1 Amadapụ 2:5 - FỊAFỊA BAỊBỤLỤ

⁵ “Jen pịkị emi, í Johabụ kẹ ị̀ mịẹye kẹ ḅiokoroma ḅa, ori Izirẹlị ọmụ-ogbo ma ḅẹ maa ḅẹrẹtọn-apụ ḅaa ye mẹ, inima anie Naha owiḅọtụḅọ Abụna na pịkị Amasa, Jẹta owiḅọtụḅọ ḅe na. Ị́ ori dein sakị ḅụ ịn nini ḅara kẹ ḅiokoromam, ọmụ sakị ịn ḅaa wararị apụ gbẹẹfị ḅii gotẹ. Ọ̀ mịẹye-ofori atomi ḅaam, tẹ mịọkụ yẹrị ḅo ọ̀ mịẹ ye mẹ ḅẹ onyo-sẹịn tẹ anị pakama-ḅo tọrụsiẹrị ẹrịarị.

1 Amadapụ 2:5 Iomraidhean Croise

2 Samụẹlị 17:25

Mịọkụ Abusalọmụ, Johabụ kiri ḅụ Amasa kẹ ọmụ-ogbo mẹ sịḅịdaḅọ mịẹ tẹ. Amasa anie Isimẹlị furo mẹ ḅe Itira kẹ ẹrẹ kẹ koro gbọrụ owiḅọ iyi owiḅọtụḅọ, oriḅe tẹ Abigẹlị, Nahasi ẹrẹḅọtụḅọ, Zeruya, Johabụ iyingi ịyịmbara ma na sime ḅọ ḅe.

2 Samụẹlị 18:12

Kụma owiḅọ ḅe nwẹnị Johabụ ḅẹẹ, “À nwẹnị ị̀ ḅara-ḅio seleḅa pakịrị maa ẹndẹ, oyia asi finji ọlọ tẹ ḅụụ-nimi sọ, arị ị̀ ḅara sun pakama tẹ kẹ amadaḅọ ḅe owiḅọtụḅọ ḅe lama ḅịa; kẹ gotẹ ọkọ ḅẹẹarị, wamịnị-mgba naarị ḅara ḅụ amadaḅọ ḅe tọn ị́yẹrị na, Abisahị na, Itayi na pịrịm, ‘Ì gotẹ ọmịnị Abusalọmụ, asambịrịma owiḅọ ḅe ḅụụ ḍikiḍikii.’

2 Samụẹlị 18:14

Johabụ nwẹnị ḅẹẹ, “À ḅarị mị-ḅara kẹ ị́ na sime sakị fama ḅịa.” Tẹ ọ̀ nwẹnị tẹra ḅẹkẹrẹ ọkị ọ̀ ḅara sụa tẹ Abusalọmụ paa ịn kẹ oku sịn-arị opu sịn mẹ ḅụ fịị-a tẹ simearị ogbo, ọ̀ nwẹnị arị kẹ Abusalọmụ ekpe ḅio temi-temi suu.

2 Samụẹlị 18:5

Tẹ amadaḅọ ḅe nwẹnị tọn Johabụ na, Abisahị na, Itayi na pịrị, “Ọmịnị ì gotẹ dein ḅara kẹ Abusalọmụ asambịrịma owiḅọ ḅe na mịẹ.” Anịsakị tomi mamgba naam Abusalọmụ gbolomaye ḅụ amadaḅọ ḅe tọn ḅẹrẹtọn-apụ mamgba pịrị sakị.

2 Samụẹlị 2:13

Johabụ, Zeruya owiḅọtụḅọ ḅe na, Devidi afịrịmẹnjịapụ na nwẹnị mẹnjị paka tẹ ḅo Gibiyọnị ḅẹ ḍaḅa mẹ ḅụ ini na donia; tẹ ịn nwẹnị lẹgị-sime; gbọrụ apụ ḍaḅa mẹ ḅẹ gbọrụ akaka ḅụ lẹgịm, gbọrụ apụ pịkị ḍaḅa mẹ ḅẹ osi akaka ḅụ lẹgịm.

2 Samụẹlị 2:18

Zeruya tẹra owiapụ-awọmẹ ma anie Johabụ na, Abisahị na, Asahẹlị na. Mịọkụ Asahẹlị ḅụọ-ọfịrịma piri-ḅio tuu mangị ḅara mangịarị;

2 Samụẹlị 20:10

Kụma Amasa, okologie mẹ tẹ Johabụ ḅara-ḅio emi ye mẹ kẹ elekima sụa-a; anieḅụ Johabụ anị kẹ ò furo ḅụ ò temi, tẹ maaịn karama sakị kẹ ò temi-a ḅara ḅụ ò furo ḅẹ ịla ma tan ḅo kiri-ḅio saram, tẹ ọ̀ fịịm. Anịtẹrẹmẹ Johabụ na, ò iyimbere Abisahị na Sẹba, Bikiri owiḅọtụḅọ ḅe ḍukam.

2 Samụẹlị 3:27

Abịna pịkịma-ḅo Hẹbụrọnị la tẹso, Johabụ nwẹnị ḅeri-ḅio ḅeri-ḅio ẹkwẹn ọ̀ pịrị ḅẹ ḅara kẹ ori ọkị akaka pịrị ogigo-ḅọkọ mẹ ogboku, tẹ nwẹnị anịjụ ò furo ḅụ ogie kẹ ò temi, anieḅụ ọ̀ nwẹnị fịị; ò iyimbere Asahẹlị sịḅị ẹrẹsị.

2 Samụẹlị 3:39

Ini ama-da pulo kẹ ị̀ sịḅị sara tẹ ḅẹsọ, mịmgba ịnyọ ị̀ ḅụụ faam; mịna owiapụ ma, Zeruya owiapụ-awọmẹ ma ịn kụrọ ị̀ nẹngịm. KỊNỊNYANAḄỌ ḅe siye mịẹḅọ ḅe si-sịḅịḅio wẹrịtẹ sime-ḅara kẹ ọ̀ gbẹẹ!”

1 Amadapụ 1:7

Ò Johabụ na ẹkwẹnm. (Johabụ ḅe iyingi Zeruya) ọ̀ pịkị Abịyata, agbamịẹḅọ ḅe sọ na ẹkwẹnm tẹ ịn nwẹnị minini ọ̀ pịrị mịnẹ ini ori na emii.

1 Amadapụ 2:32

Johabụ kọn wararị nini ma tẹ ị̀ ḍa Devidi ḅe sọ nimi-a ye mẹ KỊNỊNYANAḄỌ ḅe arị kẹ Johabụ fomu ḅa. Johabụ mịẹye-ofori ḅẹ iḅi ọ̀ nẹngị maa atomi ḅaam: Abụna, Naha owiḅọtụḅọ ḅe tẹ ḅẹrẹtọn Izirẹlị ọmụ-ogbo mẹ pịrị sime ḅọ ḅe na Amasa, Jẹta owiḅọtụḅọ ḅe tẹ ḅẹrẹtọn Juda ọmụ-ogbo mẹ pịrị sime ḅọ ḅe na.

Jerimaya 2:34

Ọmịna akapa ma igoin-apụ na mịẹ si ofori apụ na ọmbie arị ọmbịma wararị, warị kan sọ-sọ tẹ ye furuarị apụ ọmbie-a. Kụma ma mamgba ọgọnọ ḅụ sọ,

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Matiyo 3:4

Nambulo ḅe oju ḅẹ isuke anie ịn kẹ Jọnị kapa ḍori yee; tẹ nama oju ḅẹ apara mie ọ̀ kẹ ò ḅiri pono yee, anịsakị ọ̀ fị-fị fịye anie ịn kẹ igurube nwẹn-sịn akịdị na piri-ḅio-ḅẹ ḅẹm na.

Ditẹrọnọmị 27:24

Wori-nume sime oriḅe tẹ ḅọị ḅara kẹ amịna pembema tomḅọ ḅaaḅọ ḅe pịrịị. Anịsakị tomi mamgba ḅẹẹ ḅa, “Amẹnị!”