1 Amadapụ 2:3 - FỊAFỊA BAỊBỤLỤ

³ tẹ KỊNỊNYANAḄỌ ị́ Tamụnọ ḅe tọn ị́ pịrị aị mịẹ. Mozizi Oloko mẹ ḅio anị wẹrịtẹ kẹẹ wararị ḅara ḅụ ori oloko ma na ọ̀ tọn aị mamgba na ḅụ ọ̀ ḅịḅị pokii, mịẹtẹ í mu anga mu anga ḅụ ị́ mịẹ ye mịẹ ye lolo ḅarị ḅara.

1 Amadapụ 2:3 Iomraidhean Croise

2 Samụẹlị 8:14

Devidi nwẹnị ọmụgbin-apụ itu-itu kẹ Idọmụ ḅụ koroma; Idọmụ mẹmgba ikelema-koro ori ọmụgbin-apụ itu-itu kẹ koromam. Idọmụ ḅẹ apụ mamgba nwẹnị ḅo Devidi afịrịmẹnjịapụ sọ. Anịsakị Devidi mu anga mu anga KỊNỊNYANAḄỌ ḅe owu-ḅara-iḅi kẹ ọ̀ pịrịm.

2 Samụẹlị 8:6

Anịtẹso Devidi nwẹnị ọmụgbin-apụ itu-itu kẹ Damasịkọsị ḅụ Aramụ nwẹn-sịn ama ḅụ koroma; Siriya ḅẹ apụ ma nwẹnị ḅo fịrịmẹnjịapụ sọ Devidi pịrị, tẹ sịẹ oso jen sịẹ pịrịarị igbigi oso-oso ḅom. Anịsakị Devidi mu anga mu anga ḅụ, KỊNỊNYANAḄỌ ḅe owu-ḅara-iḅi kẹ ọ̀ pịrịm.

1 Amadapụ 3:3

Sọlọmọnị KỊNỊNYANAḄỌ ḅe ḅẹlẹmam tẹ nwẹnị ọ̀ ḍa Devidi kẹ ò toluma toluma aị ma ḍukamẹnjịm, kụma ori sọ nama ḅaa tẹ arị kẹ agba mịẹ tẹẹ, kịrị-kịrị agbamịẹ-anga ḅụ.

2 Amadapụ 18:7

KỊNỊNYANAḄỌ ḅe ori na simem; ò mu anga, mu anga, ò lolom. Ọ̀ sịḅịḅio kụrọma Asiriya ḅẹ amadaḅọ pịrịm, tẹ fịrịmẹnjị ọ̀ pịrị-a.

1 Paka-aị 29:19

Ì owiḅọtụḅọ Sọlọmọnị mịẹ tẹ ori ò bebe ḅioḅẹngbọ kẹ í oloko ma na, ḍuko aị ma na, ị́ kẹẹ koroma wararị oloko ma na, koko tẹ arịmgba mịẹ mẹ kẹ ọ̀ pịrịị, tẹ mịẹ tẹ ori amadaḅọ warị mẹ nama à gotẹ ye tẹlẹma koroma tẹ ye mẹ.”

Devidi-Anume 119:111

Ị́ sụa kuroma oloko ma sime ị̀ pịrị gbamasom arị mie ì ḅioḅẹlẹmarị.

Devidi-Anume 119:138

Ị́ kẹ ọrụtọn kuroma aị ma gbala-gbala aḍụa ofori ḅara na kura ḅara na simem.

Devidi-Anume 119:2

Ḅioḅẹlẹ sime ọ̀ tọn kuroma aị ma ḍukamẹnjịarị apụ ma pịrịm, anie amịna ḅioḅẹngbọ mamgba kẹ ọ̀ ḅịḅị pokiarị apụ ma.

Devidi-Anume 19:7

KỊNỊNYANAḄỌ ḅe oloko mẹ karakara famam, anị ịwọ ịnyọ pịrịarị. KỊNỊNYANAḄỌ ḅe tọn kuroma aị ma ḅioḅẹngbọ kẹ arị ḅụụ gbana na-iḅim, nimi kẹ ye-nimia-apụ pịrịarị.

Nimi Tolumaḅọ 12:13

Ye mamgba ó naa fama tẹẹ. Ḅẹrẹ mẹ ḅẹ kunoma anie: Tamụnọ mangịma tẹ ori oloko ma kokoo, kẹ gotẹ ọkọ ḅẹẹarị, miemẹ anie bebe kọrịnama mẹ tẹ sime tomi mamgba pịrịm ịn kọrị ḅẹ ye.

Lẹvitikọsị 8:35

Sọnọma aḍin ọ́ nwẹn kẹ Kobiri Akpụrụ-warị mẹ ḅọkọ ḅụ ḍin na, ene ḅaka na sime ḅa, KỊNỊNYANAḄỌ ḅe tọn tẹ ḅara mịẹ ḅụ, anieofori ó ḅofa fịị, kẹ gotẹ ọkọ ḅẹẹarị, anị ḅara mie ịn tọn ị̀ pịrị ḅara.”

Malakayị 4:4

“Ọmịnị ị̀ fịrịmẹnjịḅọ Mozizi toluma aị ma kẹ ḅiokoromaa, à sụa oloko ma na à tọn koroma aị ma na Sayịnayị Tụndụ ḅụ, tẹ à kẹ ọ̀ pịrịm ọ̀ kẹ ị̀ atomi Izirẹlịapụ pịrị tẹ in poki tẹ mịẹ ḅẹẹ oloko ma.”

Ditẹrọnọmị 29:8

tẹ ịna ama ọkịm, tẹ anị kẹ sime-anga mịẹ Rubẹnị furo-ḅẹ-apụ na, Gadi furo-ḅẹ-apụ na, Manasẹ furo-ḅẹ-apụ kẹ maa anga ḍiya ḅẹ gbọrụ anga mẹ na pịrịm.

Ditẹrọnọmị 29:9

Anịẹrẹsị ọ́ mị ọḅọkụ mẹ ḅẹ ẹkwẹn-aḅịḅị ma mịẹ ḅẹ ḅara kẹ ḅụụ ẹbị-ẹbị, mịẹtẹ ọmịnị inetẹ ọ́ mịẹ ḅẹ aị mamgba ḅụ lolo ḅẹ ḅara.

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:45

Mịna aị ma anie mịẹ tẹ ḍuko-pakama aị ma na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ Mozizi ḍuko Izirẹlị ḅẹ awọmẹ ma pịrị aị ini Ijiputi ama mẹ ḅio paka-ḅo sakị,

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 4:8

Anịsakị tọ gburo-gburotẹ opu sịẹ emi, tẹ oloko mẹ tẹ à kẹ mịmgba ọmịna tọrọkọ koroma wararị kẹẹ wararị oloko ma na, kụrọ ḅara-ḅio sime apụ sụa oloko ma na, mị oloko mẹmgba karakara ḅara karakara oloko nyana?

Ditẹrọnọmị 5:1

Mozizi Izirẹlị mẹmgba sịn kobiri tẹ ịn ḅẹẹm, “Izirẹlịapụ ó poki yee! Ọ́ kẹẹ wararị oloko ma na tọn-pịrị-aị ma na tẹ à mịmgba ọ́ naarị ḅara kẹ ḍuko ọ́ pịrịarị aị ma naa, anịsakị ọmịnị arị ḍawọ tẹ ḅụụ ẹbị-bịtẹ arị mịẹ ḅa.

Jọsụwa 22:5

Ọmịnị iḅiọkụ ḅụụ ẹbị tẹ tọn ye mẹ na, oloko mẹ na tẹ Mozizi, KỊNỊNYANAḄỌ ḅe fịrịmẹnjịḅọ ḅe sụa aị ma kẹ elekima sụa, KỊNỊNYANAḄỌ ọmịna Tamụnọ ḅe ḅẹlẹma, tẹ ori etela mamgba ḅụ mẹnjị, pịkị ori oloko ma koko tẹ ọ̀ fịnamaa, tẹ ọmịna ḅioḅẹngbọ mẹmgba na, tẹmẹ mẹmgba na kẹ fịrịmẹnjị ọ̀ pịrịị.”

Jọsụwa 23:6

Anịẹrẹsị ọmịnị iḅiọkụ jike-a ḅara kẹ kụrọ-sịẹ, Mozizi Oloko ḍiri mẹ ḅio kẹẹ wararị ye mẹmgba koko tẹ anị mịẹ ḅụ, anị ḅụ pịkị ama-ḅara, anịanịa ere-ḅara da-a ḅara,

1 Samụẹlị 18:14

Tẹ KỊNỊNYANAḄỌ ḅe Devidi na emi ẹrẹsị, ọ̀ nyanatẹ mịẹ aị mamgba ori na-iḅim.

1 Samụẹlị 18:30

Anịtẹso Filisiteni ḅẹ ọmụapụ ma paka-paka-ḅo owu sọm, anịsakị in paka-ḅo sakị paka-ḅo sakị, ye Devidi na-iḅi Sọlụ afịrịmẹnjịapụ mamgba nẹngịm; anieḅụ ọ̀ nwẹnị ereso lama.

1 Samụẹlị 18:5

Tẹ Devidi mẹnjị-pakam, anịsakị Sọlụ ọ̀ fịrịma tẹ ò mu anga mu anga, ye ori na-iḅim; anieḅụ Sọlụ ọ̀ kẹ ọmụ akụrọnịapụ ma sịḅị-damam. Anịsakị miemẹ tomi mamgba ḍiki-tọrụ na, Sọlụ ḅẹ afịrịmẹnjịapụ mamgba ḍiki-tọrụ ḅụ sọ iḅim.