1 Amadapụ 2:2 - FỊAFỊA BAỊBỤLỤ

² “À fịị ḅarị sakị mẹ ḅo laa tẹẹ. Ị́ ḅụụ ḅiokpọ nyana-a tẹ ye tọn-pẹlẹẹ,

1 Amadapụ 2:2 Iomraidhean Croise

2 Samụẹlị 10:12

Iḅi ḅiokpọ nyana-a, tẹ yee wa owiapụ ḅara kẹ owu sọ wamịna atomi na, wamịna Tamụnọ opu ama ma na pịrị; anịsakị yee KỊNỊNYANAḄỌ ḅe ḍiki tẹ ori na iḅi ḅara, iḅi ḅara mịẹ.”

2 Samụẹlị 12:23

Kụma mịọkụ tụḅọ mẹ fịị tẹ ḅẹẹ-sakị, à tiegotẹ ḅuru-ịmọ na-iḅi? Àrị inetẹ siin ọ̀ pịkịma-ḅo ḅẹ? Yẹrị mie ò ḍọkụma-mu ḅarịye, kụma ori ḅarị pịkịma ị̀ ḍọkụma-ḅo ḅịa.”

1 Amadapụ 3:7

Yei KỊNỊNYANA-TAMỤNỌ í mininitẹ àrị amada-kụlọ ḅụ ị̀ ḍa ḅe kiri ọkị tẹ, anịsọ àrị asambịrịma lama wararị tẹ kẹ ḅẹrẹtọn ḅarị ḅara nimi-a.

1 Paka-aị 22:13

Anịtẹrẹmẹ mie ị́ lolo ḅarịye, ị́ ị́ ḅụụ ẹbị tẹ kẹẹ wararị oloko ma na, kụrọ Mozizi ḅara sime sakị KỊNỊNYANAḄỌ tọn Izirẹlị pịrị aị ma na kẹ elekima sụa-sụa. Kụrọ sịẹsimee, tẹ iḅi ḅiokpọ nyana-a. Ḅalafa ma; ḅụụ-tukutuku ma.

1 Paka-aị 22:16

golu na, seleḅa na, ojo na, ikulele na kẹ kọrịnama kọrị ḍin apụ emii. Saakị tẹ saakị kọrịị! KỊNỊNYANAḄỌ ḅe ị́ na simee!”

1 Paka-aị 28:10

Ị́ ḅụụ ẹbịị mịọkụ, kẹ gotẹ ọkọ ḅẹẹarị, KỊNỊNYANAḄỌ ḅe ị́ gbọrụ warị nama ọ̀ fịafịa yọ mẹ pịrị ḅẹ gotẹ ị́ sẹlẹ-ọkị tẹ; kụrọ sịẹ, tẹ anị mịẹ.”

1 Paka-aị 28:20

Anịtẹso Devidi nwẹnị ori owiḅọtụḅọ Sọlọmọnị ḅẹẹ, “Kụrọ sịẹ iḅi ḅiokpọ ḅụ, tẹ anị kọrịị. Ḅalafa ma, ḅụụ-tukutuku ma; kẹ gotẹ ọkọ ḅẹẹarị, KỊNỊNYANA-TAMỤNỌ jen-a jen-a ị̀ Tamụnọ ị́ na emii. Ori í pikirima, anịanịa ị́ sịkị ḅịa nwenii KỊNỊNYANAḄỌ ḅe warị mẹ ḅụ kọrị na-iḅi kọrịnama mẹmgba kọrị fama ḅa.

Jobu 16:22

Gbala boowa akụra ḅo ḅọrọ sakị, à mu tẹ ḅarị pịkịma-ḅo-a etela mẹ mẹnjị ḅa.

Jobu 30:23

Inn à nimi wararị mịnẹ ị́ ị̀ kẹ ḅo fịị ḅio suu ḅa na tọọn koro ḍumo wararị apụ mamgba pịrị warị mẹ na

Devidi-Anume 89:48

Tụḅọ inetẹ ḍumo tẹ gbala-gbala fịị ḅịa? Ndẹẹ tomi inetẹ ḍuḅu gbarị ḅẹ ḅara?

Nimi Tolumaḅọ 12:13

Ye mamgba ó naa fama tẹẹ. Ḅẹrẹ mẹ ḅẹ kunoma anie: Tamụnọ mangịma tẹ ori oloko ma kokoo, kẹ gotẹ ọkọ ḅẹẹarị, miemẹ anie bebe kọrịnama mẹ tẹ sime tomi mamgba pịrịm ịn kọrị ḅẹ ye.

1 Kọrịntị 16:13

Ọmịnị ẹbịị; mininiye mẹ ḅụ ọ́ sịẹ-kụrọọ; ó ḅiokpọọ; ọ́ kụrọ-sịẹ.

Ẹfisọsị 6:10

Kunoma ye, ọmịnị ịnyọ sụa ḅinma, KỊNỊNYANAḄỌ ḅe na gbọrụ ḅụ sime na ori opu kụrọ mẹ ḅụ sịrẹrẹ na ḅụ.

Ditẹrọnọmị 31:23

KỊNỊNYANAḄỌ ḅe kụrọ kẹ Jọsụwa, Nọnị owiḅọtụḅọ ḅe pịrịm, tẹ ḅẹẹm: Iḅi-ḅiokpọ ḅụ kụrọ sịẹsimee; kẹ gotẹ ọkọ ḅẹẹarị, ị́ Izirẹlị ḅẹ awọmẹ ma ọkị-ḅo ama mẹ tẹ à ye karị ḅara kẹ mininim à kẹ ịn pịrị ḅẹ ama mẹ ḅio suu ḅa; àrị ị́nịna sime ḅa.

1 Timoti 4:12

Ḍụkụ tẹ gbọrụḅọ-sọ ị́ kala mẹ kẹ í ḍiki-sima ma, kụma kịnị í ḍikima mịẹ ḅẹ ḅara sime Kịrayịsị minini apụ ma pịrị, ị́ ẹkwẹn na, í ye-mịẹ-ḅara na, í ḅẹlẹma na, minini na, fịafịa ḍumo na ḅụ.

2 Timoti 2:1

Ị́yẹrị kịngẹ kụma, ị̀ tụḅọ, wa Kịrayịsị Jizọsị na gbọrụ ḅụ emi ye ḅụ ḅo wa laarị ḍiki-ḅụụjịrị mẹ ḅụ kụrọ-sịẹ simee.

Hiburu 9:27

Tomḅọ nwẹn-sịn tomḅọ, gbọrụ sakị ngẹrị kẹ fịị nyanam, anịtẹso Tamụnọ mḅọ kọn ḅa.

Jọsụwa 23:14

“Mịọkụ à fịị ḅẹ-yearị, anịsakị ọmịnị-mgba ọmịna aḅioḅẹngbọ na, ọmịna atẹmẹ na ḅụ nimi wararị mịnẹ iḅi aị mamgba tẹ KỊNỊNYANAḄỌ ọmịna Tamụnọ ḅe ò gbolomaye ḅụ kẹ ọ́ karịma aị ma ḅụ gbarị tẹ gberie-sọ ofori, arịmgba ḅo mịẹ-mịẹ ọ́ pịrị fama tẹ ḅọrọ tẹ, gbarị tẹ gberie-sọ ofori.