1 Amadapụ 2:1 - FỊAFỊA BAỊBỤLỤ

¹ Devidi fịị ḅẹ tẹso, ọ̀ nwẹnị ori owiḅọtụḅọ Sọlọmọnị sịn, tẹ ò kunoma toluma-aị kẹ ò toluma:

1 Amadapụ 2:1 Iomraidhean Croise

Suku-saakị 47:29

Izirẹlị gbarị-a ḅara ḅụ fịị ḅarị sakị mẹ ḅo kpeki tẹso, ọ̀ nwẹnị ori owiḅọtụḅọ Josẹfụ sịn tẹ ọ̀ ḅẹẹ, “À nwẹnị í ḍiki-tọrụ ḅụ ḅẹlẹma ḍọkị-ẹrị-ẹrị, ị́ ḅara kẹ ị̀ ḅụọ-ẹtẹnẹ suku-ḅio suu tẹ mininii, ị́ ị̀ kẹ ye-sịn ḅara na karakara ḅara na kẹ ị̀ na mịẹ ḅa. Ị̀ kẹ Ijiputi ḅụ ḍiḅi;

2 Samụẹlị 7:12

Í aḍin ma kara tẹ ị́ ị́ aḍapụ ma na mono sime sakị, àrị ị́ ḅụụ paka-ḅo ḅọ saakị pakama-ḅo ḅa, oriḅe tẹ í oju ḅio paka-ḅo ḅọ; anịsakị àrị ori ama-da mẹ sịẹma kụrọma ḅa.

1 Amadapụ 1:53

Amadaḅọ Sọlọmọnị nwẹnị anịtẹso fịrịma Adonịja sịn agbamịẹ-anga mẹ ḅụ tẹ ini ori ọkị-ḅom. Adonịja nwẹnị amadaḅọ ḅe ḍọkụma-mu tẹ ọ̀ tọrọkọ sịḅị-tuu iderimam, tẹ amadaḅọ ḅe nwẹnị ọ̀ ḅẹẹ, “Í inetẹ so warị mu ḅa.”

1 Paka-aị 22:6

Anịtẹso ọ̀ nwẹnị ori owiḅọtụḅọ Sọlọmọnị sịn, tẹ tọn ọ̀ pịrị ọ̀ warị nama kẹ KỊNỊNYANAḄỌ, Izirẹlịapụ tẹkẹarị Tamụnọ ḅe pịrị.

Kịẹn-aḅịḅị 27:19

ọ̀ mịẹtẹ ori Ẹlịyeza, agbamịẹḅọ ḅe na, tomina-ogbo mẹmgba na tọrọkọ ḅụ sịẹsime, tẹ ịna tọrụ-ogbo ḅụ kụrọ mẹ kẹ ọ̀ pịrịị.

Ditẹrọnọmị 3:28

Kụma tọn Jọsụwa pịrịị, ò ḅiokpọmaa, ịnyọ kẹ ọ̀ pịrịị; kẹ gotẹ ọkọ ḅẹẹarị, ori mie mị atomi ma kẹ sịḅịda tẹ kẹ saḅa ḅarịye, anịsakị ori mie ama mẹ tẹ ị́ ẹrị ḅarịye mẹ ḅio ịn kẹ suu tẹ ịn nyana ḅarịye.

Ditẹrọnọmị 31:14

KỊNỊNYANAḄỌ ḅe Mozizi ḅẹẹm, “Ḍikii, ene ma sọma kpekiarị, ị́ fịị nyanam nwẹn ḅẹẹ sakị mẹ. Jọsụwa sịn, tẹ Kobiri Akpụrụ-warị mẹ ḅio ọmịnị ọmịna aḅụụ ḍie-pakama, mịẹtẹ à kụrọ kẹ ọ̀ pịrị ḅẹ ḅara.” Tẹ Mozizi na, Jọsụwa na, ịna aḅụụ ḍie-pakamam Kobiri Akpụrụ-warị mẹ ḅio.

Ditẹrọnọmị 31:23

KỊNỊNYANAḄỌ ḅe kụrọ kẹ Jọsụwa, Nọnị owiḅọtụḅọ ḅe pịrịm, tẹ ḅẹẹm: Iḅi-ḅiokpọ ḅụ kụrọ sịẹsimee; kẹ gotẹ ọkọ ḅẹẹarị, ị́ Izirẹlị ḅẹ awọmẹ ma ọkị-ḅo ama mẹ tẹ à ye karị ḅara kẹ mininim à kẹ ịn pịrị ḅẹ ama mẹ ḅio suu ḅa; àrị ị́nịna sime ḅa.

Ditẹrọnọmị 33:1

Mie boma mẹ tẹ Mozizi Tamụnọ Fịrịmẹnjịḅọ ḅe tẹrẹmẹ ọ̀ fịị, kẹ Izirẹlị ḅẹ awọmẹ ma boma boma mẹ.

1 Timoti 1:18

Ị̀ tụḅọ Timoti, à mị oloko mẹ kẹ ị́ ḅara sụarị, anie ịkịankoro ẹkwẹn ma tẹ ḅọrọtẹ sakị ḅụ ḍuko tẹ aị ma na kura wararị ye mẹ, í gboloma ye ḅụ. Arị ẹkwẹn ma ọkị tẹ kẹ owuna-aị sọma ị́ ḅụụ pịrịị, mịẹtẹ ị́ iḅiọkụ owu sọ ḅẹ ḅara,

1 Timoti 6:13

Tamụnọ, ḍumo kẹ ye mamgba pịrịarị ḅọ ḅe tọrọkọ, na Kịrayịsị Jizọsị, Pọnịtịyọsị Payịleti tọrọkọ amịna minini mịẹ kụrọma ḅọ ḅe, tọrọkọ, à tọn ị́ pịrịarị,

2 Timoti 4:1

Tamụnọ tọrọkọ ḅụ na, Kịrayịsị Jizọsị, ḍumo wararị apụ na fịtẹ-apụ na kọn ḅarị ḅọ ḅe tọrọkọ ḅụ na, anie ori Amadaḅọ ḅara kẹ ḅẹrẹtọn ḅẹ ḅoarị ẹrẹsị, à tẹmẹ-la ḅara kẹ ḍuko kụrọma ị́ pịrịarị,

2 Timoti 4:6

Yẹrị kịngẹ kụma, ini ị̀ kẹ agbamịẹ ḅẹ sakị mẹ la tẹ; mie à mị tomikiri ḅẹ ḍumo mẹ koroma-so ḅẹ sakị mẹ.