1 Amadapụ 19:3 - FỊAFỊA BAỊBỤLỤ

³ Ịlayịja nwẹnị ḅalafaa, tẹ saakị tẹ ò ḍumo-mangị kọn ḅo Biyasẹba, sime Juda pịrị anga la tẹ nwẹnị anịanga ọ̀ fịrịmẹnjịḅọ koroma so

1 Amadapụ 19:3 Iomraidhean Croise

Suku-saakị 21:14

Mie ḅụ ene-ḅaa ḅẹ dede-funfun ḅụ Ebira-amụ saakịm tẹ fịye na, minji ḅin wararị gbọrụ nama oju minji-sụaye na ọkị tẹ kẹ Ega pịrị tẹ kẹ arị apana gbanam, tẹ á tụḅọ na arị na pakamam. Á nwẹnị paka-so tẹ mu Biyasẹba ḅẹ ịkpa mẹ ḅio sime tẹ ikelekele.

Suku-saakị 21:31

Anịẹrẹsị ini anịjụ mẹ sịnm, Biyasẹba; gbala anịjụ mie ini maa apụ ma ọḅọkụ fị ye ẹrẹsị.

1 Amadapụ 4:25

Ò ḍumo mu la sakị mẹmgba ḅụ, Juda na Izirẹlị na ikelema-koro Danị ḅụ ọkị mu Biyasẹba la, tomi mamgba gberie-sọ ḅụụ laa ḅara kẹ kpaịn simem, ọrụ furo-furo amịna kụrọ suku na amịna ịla suku na ḅụ simem.

Paka-so 2:15

Fero anị ḅẹ ye naa tẹso, ò Mozizi ḅaa ḅẹ ḍọkịm. Kụma Mozizi Fero ḅụ ḍumo-mangị kọn tẹ mu Midiyanị ḅẹ sịẹ ḅụ angam; tẹ ọ̀ gbọrụ suḅe suku lẹgị-simem.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Matiyo 26:56

Kụma mie mẹmgba paka tẹ, mịẹtẹ ịkịankoroapụ ma Fịafịa Ḍiri mẹ ḅio kẹẹ koroma wararị aị ma karakara aị sọ ḅẹ ḅara.” Anịtẹso ò ḍukamẹnjịapụ mamgba ò koroma mangị-som.

2 Kọrịntị 12:7

Kụma mịẹtẹ àrị ẹrị tọnwa ḅụụ-gbiripuma-aị ma gotẹ ḅụụ-gelema ḅịa ḅara gotẹ, gbọrụ oju fụka obi ị̀ lam; anị nwẹnị Ekwesu fịrịmẹnjịḅọ sọ tẹ ị̀ kẹ fomu, à ḅarị ḅụụ-gelema ḅịa ḅara.

1 Samụẹlị 27:1

Devidi nwẹnị ò ḅioḅẹngbọ ḅụ ḅẹẹ, “À gbọrụ ene Sọlụ ḅara-ḅio fịị-faa so ḅịa; ị̀ ḅụụ iḅi à mangị-so Filisiteniapụ ma ama mẹ mu nẹngị ḅẹ jen ye ofori; anịrẹ Sọlụ Izirẹlị agara ma ḅio ị̀ ḍọkịma-ḅọrọ ḅụ ḅio ḅịkị ḅa, tẹ arị ọ̀ ḅara ḅụ mangị paka-so ḅa.”

1 Samụẹlị 8:2

Ori mgbe ḅe ẹrẹ anie Jowẹlị, anịsakị ò gbolo ḅe ẹrẹ Abija; ini anie Biyasẹba ḅụ ḅẹrẹkọn sime apụ.