Biblia Todo Logo
Bìoball air-loidhne

- Sanasan -




1 Amadapụ 18:3 - FỊAFỊA BAỊBỤLỤ

3 Ehabụ nwẹnị obadaya amadapụ warị mẹ onyo-sẹịnḅọ ḅe sịn. (Obadaya anie gburo-gburotẹ ḅara kẹ KỊNỊNYANAḄỌ ḅe kụn-arị ḅọ.

Faic an caibideil Dèan lethbhreac




1 Amadapụ 18:3
21 Iomraidhean Croise  

Tẹ enjẹlị ḅe nwẹnị ḅẹẹ, “Ị́ ḅara, anịanịa gberie-sọ kẹ tụḅọ ḅe lama ma, kẹ gotẹ ọkọ ḅẹẹarị, mẹkịnẹ à nimi tẹ mịnẹ ị́ Tamụnọ ḍiki-ḅalafarị, tẹ tọrụ-gelegele í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ọ̀ kẹ ị̀ pịrị ḅụ.”


Anịtẹso fịrịmẹnjịḅọ ḅe Ebira-amụ ike-sụa-anama ḅụ oyi ọkị, tẹ ọ̀ sịḅịdaḅọ ḅara ḅụ ja sẹlẹ-ọkị na-iḅi aḍiepịrị-aị mamgba kẹ sụa ọkịm. Ọ̀ nwẹnị saakị tẹ so Mẹsopotemịya, Nahọ opu ama mẹ mu.


Ebira-amụ nwẹnị ọ̀ fịrịmẹnjịḅọ, ọ̀ warị mẹmgba ḅụ omongiḅọ tẹịn ḅọ, tẹ ọ̀ nyana aị mẹmgba ḍikiḍikiarị ḅio-koruḅọ ḅẹẹ, “Ị́ ḅara kẹ ị̀ aḅụọ-ẹtẹnẹ suku-ḅio suu,


Mị warị mẹ ḅio ọ̀ ḅarị ḍụḅa ị̀ nẹngị-a, ị́yẹrị ọ̀ ta gotẹ í sikima ọ̀ kẹ ì kikima gberie-sọ ofori; anịtẹrẹmẹ à tọ-ḅara kẹ mu Tamụnọ ḅụụ ḅụ nwẹn sime opu si-sịḅịḅio-sụa ḅẹ?”


Ị́ ḅẹrẹtọn ị̀ warị pịrị ḅa, anịsakị ị̀ atomi mamgba ịna aḅụụ kẹ ị́ tọn ịn pịrị ọrụ ḅụ wẹrị ḅa, emine mẹ gbolomaye ngẹrị ḅụ mie à ḍụḅa ị́ nẹngị ḅarị ye.”


Tẹra aḍin karama ene ḅụ Josẹfụ nwẹnị ịn ḅẹẹ, “Ó miemẹ mịẹ anịsakị ó ḍumo ḅa, gbala à Tamụnọ ḍiki-ḅalafarị ẹrẹsị.


Kụma ọ̀ fịrịmẹnjịḅọ Zimiri, ori ḅe tẹ ò kirimẹnjị-ọmụarụ ma kẹ maa anga ḍiya ḅẹ gbọrụ pakịrị kẹ sịḅịdaḅọ ḅe nwẹnị ọ̀ kẹ ḅẹrẹ-ḅiya. Gbọrụ ene ḅụ, Tariza ḅụ, Ẹla amada-ogigo mẹ ḍikiḍikiarị ḅọ ḅe, anie Aza, warị ḅio iru ḅuu ọ̀ tọrụ-ḅaama wararị ogbo,


KỊNỊNYANAḄỌ ḅe Tẹmẹ ḅe nwẹnị à mu gbọrụ sakị í dogi-so à nimi-a anga mu tẹ anieḅụ à mu ḍuko Ehabụ pịrịm mịnẹ ị́ mịangaa ḅụ emii tẹ ò ḅo tẹ ị́ ḍọkị ẹrị-a kụma, ori ị̀ ḅaa ḅa, yẹrị ị́ fịrịmẹnjịḅọ ḅe kala-sakị kụra-ḅio KỊNỊNYANAḄỌ ḅe nimim ḅẹsọ.


Anieḅụ Ịlayịja nwẹnị ọ̀ ḅụụ kẹ Ehabụ ḍie ḅẹ mu. Mị sakị mẹ ḅụ kụrọ ịnụ Sameriya ḅụ emi.


Ịkịankoroapụ ma ogbo ḅẹ gbọrụ owiḅọ ta nwẹnị owu Ịlayịsa pịrị, “Ị́ fịrịmẹnjịḅọ ì di ḅe ọ̀ fịị tẹẹ; í nimi wararị mịnẹ ị́ fịrịmẹnjịḅọ ḅe KỊNỊNYANAḄỌ ḅe ḍiki-ḅalafaam, kụma ọ̀ ḅara ḅụ saa fị ḅọ ọ̀ fị saa mẹ gotẹ ḅo ị̀ maa awọmẹ ma ọkị ori omoni sọma ḅẹ tẹẹ.”


Ḅọrọtẹ ḅẹrẹtọn-apụ ma tẹ ị̀ tọrọkọ sime apụ ma iku dogiye kẹ tomi ma ọgọnọ gbanam, tẹ ịna aḅara seleḅa pakịrị amesi mẹ sikima fịye na, iru na ọkịm. Ịna afịrịmẹnjịapụ kịngẹ sọ anị tọn kẹ tomi ma ọgọnọ gbanam. Kụma arị ọkọ mịẹ-a, Tamụnọ mangịma ẹrẹsị.


à nwẹnị Jeruselemu ḍikiḍiki mẹ kẹ ì iyimbere Aneni na, Hananaya ama ḍikiḍiki kụrọtẹ gele warị mẹ ḅẹ ḅẹrẹtọnḅọ ḅe na pịrị, gbala ò minini nyanam tẹ Tamụnọ mangịma tọnwa tomi nẹngịm ẹrẹsị.


Ọ̀ nwẹnị tomi ḅẹẹ, “Ḍikii, KỊNỊNYANAḄỌ ḅe mangịma mẹ, anie nimi mẹ; anịsakị siye ḅụ ḅụụ sikima mẹ anie yefieye-naa mẹ.”


Ọ́ KỊNỊNYANAḄỌ ḅe tokinii! Ḅioḅẹlẹ sime KỊNỊNYANAḄỌ ḅe kụn-arị ḅọ mẹ pịrịm, anie ọ̀ tọn aị poki tẹ mịẹ mẹ ḅụụ-ḅẹlẹ arị ḅọ mẹ.


Kụn kẹ KỊNỊNYANAḄỌ ḅe pịrị mẹ ḅiokpọ kẹ tomḅọ pịrịarị, anị pịkị mịẹ tẹ mḅọ na mḅọ warị-suku na ye ḅụụ la-a tẹ simearị.


Anịtẹso KỊNỊNYANAḄỌ ḅe mangịmarị atomi ma ẹkwẹn jụmọ-jụmọ pịrị tẹ KỊNỊNYANAḄỌ ḅe poki tẹ in ḍuko ye naam. Ọ̀ tọrọkọ ḅụ, ịn KỊNỊNYANAḄỌ ḅe kụn tẹ ọ̀ mangịmarị apụ ma ẹrẹ kẹ ḍiri ḅio kẹẹ koromam.


Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.


Anị gbọrụ ḅara mẹ ḅụ sọnọ ẹndẹ da fịrịmẹnjịḅọ ḅe sọ jen sọnọ ẹndẹ sọye mịẹm.


Ori Tamụnọ nimi tomḅọ, tẹ ori na ò bebe warị-kpo mẹmgba na sakị mamgba Tamụnọ tẹkẹ tẹkẹm. Ọ̀ pịkị ḅẹlẹma ḅarasụa Juu-ḅẹ igoin-apụ pịrị, pịrịm, tẹ sakị mamgba Tamụnọ tẹkẹ, tẹkẹm.


Ḅẹḅọ-ḅẹḅọ tẹ Tamụnọ tẹkẹarị, tẹ karakara mịẹarị ḅọ, mḅọ paka anga, paka anga sọ, ori mḅọ daa-ọkịarị.


Lean sinn:

Sanasan


Sanasan