1 Amadapụ 16:2 - FỊAFỊA BAỊBỤLỤ

² “À fọọn mẹ ḅio ị́ saakị-gelema tẹ ị́ kẹ ị̀ atomi Izirẹlịapụ ma tọrọkọ-tarịḅọ mịẹ kụra-ḅio, í mu Jerobohamụ mẹnjị etela mẹnjị tẹ, mịẹtẹ ị̀ atomi Izirẹlịapụ ma si mịẹ tẹẹ, tẹ ịna asi ma ḅụ ị̀ ịganị sịn-saakịma tẹẹ.

1 Amadapụ 16:2 Iomraidhean Croise

1 Amadapụ 14:16

Ori Izirẹlị kẹ gbin koroma ḅa, Jerobohamụ mịẹ asi ma, tẹ Izirẹlịapụ ma ḅọrọma mu si ḅio sunm ẹrẹsị.”

1 Amadapụ 14:7

Mu tẹ ḍuko Jerobohamụ pịrịị. Mịẹ KỊNỊNYANAḄỌ, Izirẹlịapụ tẹkẹarị Tamụnọ ḅe ḍuko yee, ‘Gbala tomina ogboku ḅụụ arị ị́ saakị-gelema tẹ ị́ kẹ Izirẹlị ì atomi ma tọrọkọ-tarịḅọ mịẹm,

1 Amadapụ 15:26

Ọ̀ KỊNỊNYANAḄỌ ḅe ḍiki-tọrụ ḅụ siye mịẹm, ori ọ̀ ḍa mẹnjị etela ḅụ mẹnjịm, tẹ pịkị ò si mẹ tẹ ori Izirẹlịapụ mịẹtẹ in mịẹ si mẹ mịẹm.

1 Amadapụ 15:34

Ò KỊNỊNYANAḄỌ ḅe ḍiki-tọrụ ḅụ siye mịẹm, ò Jerobohamụ mẹnjị etela ḅụ mẹnjịm, tẹ pịkị ò si mẹ tẹ ori Izirẹlịapụ mịẹtẹ in mịẹ si mẹ mịẹm.

Paka-so 32:21

Mozizi nwẹnị Erọnị ḅẹẹ, “Mịna atomi ma tiye kẹ ị́ mịẹ, tẹ ị́ nwẹn sime gburo-gburotẹ opu si ọkị-ḅo ini ọgọnọ gbana?”

Jerimaya 7:18

Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Matiyo 5:19

Ọkọẹrẹsị, ḅẹḅọ-ḅẹḅọ tẹ Oloko mẹ tọn koroma tẹ tolumarị aị ma ḅụ ịrụ-tẹịn ye kan tẹ anị ḅara kẹ ja apụ toluma tẹ ini anị ḅara mịẹ-mịẹ, ini anị ḅọ mẹ kẹ Tamụnọ Ama-da suku-ḅio simearị atomi ma ḅụ iderima tẹịnḅọ sọma ḅa. Jen pakịrị anga kẹ anị ḍiki ḅụ, ḅẹḅọ-ḅẹḅọ tẹ Oloko mẹ ḅẹẹ ye mịẹ tẹ anị ḅara kẹ ja apụ tolumaḅọ mẹ, mḅọ opu sọ tẹịn ḅọ sọ ḅa Tamụnọ Ama-da tẹ ḅẹrẹtọn ḅarị sakị mẹ ḅụ.

Luku 1:52

Ori opu amadapụ ma siin koroma tẹ ịna emine ma ḅụ, tẹ iderima kiri ḅụ sime apụ ma iwoma tẹ.

1 Samụẹlị 2:24

Ẹn-ẹn, ì owiapụ-awọmẹ; KỊNỊNYANAḄỌ ḅe atomi ma ḍuko wasamarị tẹ à naa ye mẹ anị iḅi ḍuko sụa ye-a.

1 Samụẹlị 2:8

Ọ̀ fọọn mẹ ḅio igoinḅọ ḅe saakị-gelemarị, kpoli wararị fọọn mẹ ḅụ, ori ngiri-ngiriḅọ ḅe saakị-gelemarị; mịẹ tẹ in sịḅịdapụ na lẹgị, tẹ kụn nyana ịkasiye nyana ḅẹ ḅara. Gbala tomikiri mẹ ḅẹ ḅeriaị ma KỊNỊNYANAḄỌ ḅe aị, tẹ arị ọgọnọ ò tomikiri mẹ nama tẹ ẹrẹsị.

1 Samụẹlị 26:19

Anịẹrẹsị yee mịọkụ ị̀ nyana amadaḅọ ḅe ọ̀ fịrịmẹnjịḅọ ḅe ẹkwẹn-aḅịḅị ma naa. Oriḅe tẹ í jike saakị tẹ ị́ ị̀ da-pakarị ḅọ ḅe nwẹnị KỊNỊNYANAḄỌ ḅe ḅẹḅẹ, yee ori agba daa-ọkị; kụma anị nwẹnị tomi ḅẹḅẹ, yee KỊNỊNYANAḄỌ ḅe tọrọkọ in woritẹ apụ sọ, kẹ gotẹ ọkọ ḅẹẹarị, mịmgba ḅụ ini ì dee-pakama tẹẹ, mịnẹ à KỊNỊNYANAḄỌ ḅe ḍuu ḅụ ḍiekiri nyana ma, tẹ ḅẹẹm, ‘mu fịrịmẹnjị ja oru-atamụnọ pịrịị.’