1 Amadapụ 16:1 - FỊAFỊA BAỊBỤLỤ

¹ KỊNỊNYANAḄỌ ḅe nwẹnị ẹkwẹn Hanani owiḅọtụḅọ Jehu pịrị, ò ḍuko Basa pịrị ḅẹ ye, tẹ ḅẹẹm,

1 Amadapụ 16:1 Iomraidhean Croise

1 Amadapụ 15:33

Juda ḅẹ amadaḅọ Asa tẹrẹị karama kụra ḅụ mịẹ Ahija owiḅọtụḅọ Basa sakị Tariza ḅụ sime tẹ Izirẹlị mẹmgba da yee, tẹ nwẹnị si inia kụra finji kẹ ama-da.

1 Amadapụ 16:7

Aniemẹ sikima, Hanani owiḅọtụḅọ ịkịankoroḅọ Jehu KỊNỊNYANAḄỌ ḅe ẹkwẹn-ḅịḅị ḍuko Basa na ọ̀ warị na pịrịm, gbala ọ̀ KỊNỊNYANAḄỌ ḅe ḍiki-tọrụ ḅụ siye mịẹm tẹ ori ịganịmam; ọ̀ ḅara ḅẹ kọrịnama pịkị Jerobohamụ warị mẹ kịkam, tẹ ori anie pịkị Jerobohamụ warị mẹ ḅaa fama ye ẹrẹsị.

2 Amadapụ 17:13

Ịn ọkọ mịẹm, anịsọ KỊNỊNYANAḄỌ ḅe ịkịankoroḅọ goḅọ-goḅọ na, so-ḅịrịḅọ goḅọ-goḅọ na Izirẹlị na Juda na aḅeri nụnụ-nụnụ tẹ ḅẹẹm, “Ọmịnị ọmịna asi etela ma ḅụ pịkịị, tẹ à tọn ọ́ pịrị aị ma kokoo, anie Oloko mẹ tẹ à kẹ ọmịna atẹngịapụ pịrị ye mẹ pịkị kẹ ị̀ afịrịmẹnjịapụ ịkịankoroapụ ma ḅara ọ́ fịrịma ye mẹ ḅụ kẹẹ wararị aị ma.”

2 Paka-aị 19:2

Kụma Jehu, Hanani owiḅọtụḅọ so-ḅịrịḅọ ḅe nwẹnị paka mu Amadaḅọ Jehosafatị na bịama tẹ ọ̀ ḅẹẹ, “ị́ ḅarasụa si-sịḅịḅio-sụa ḅo ḅe pịrị tẹ KỊNỊNYANAḄỌ ḅe ḅụụ ḅioḅẹlẹ-a apụ ma ḅẹlẹma na-iḅi? Miemẹ gotẹ KỊNỊNYANAḄỌ ḅe ḅụụ ịganị paka ị́ pịrị tẹẹ.

2 Paka-aị 20:34

Mịọkụ tarịye ḅụ ọkị mu kunomaye la kirikọntẹ Jehosafatị amịẹaị goyegoye Jehu, Hanani owiḅọtụḅọ ḅe ḅụụ Paka-aị Ḍiri mẹ, anie pịkị Izirẹlị Amadapụ Ma Aḅụụ Paka-aị Ḍiri mẹ na gboloma ye mẹ ḅio kẹẹ wararị.

Jerimaya 32:18

Í kuno-kuno-a ḅẹlẹma nyana kịnị ẹndẹ-ẹndẹ pịrịarị, kụma ị́ pịkị fomu-ḅara kẹ tomi pịrịarị ịna ḍapụ-na-iyingiapụ-na asi gotẹ. Ị́yẹrị anie opu na kụrọ na nyana Tamụnọ; ị́yẹrị anie Kụrọmamgba nyana KỊNỊNYANAḄỌ ḅee.