1 Amadapụ 13:3 - FỊAFỊA BAỊBỤLỤ

³ Ịkịankoroḅọ ḅe nwẹnị gbọrụ elekima ḍuko ọ̀ pịrị anị gbọrụ ene mẹ ḅụ tẹ ḅẹẹm, “Mị agbamịẹ-anga mẹ kaan-sara ḅa, tẹ anị ọgọnọ ḅẹ fọọn ma gala-gala ḅa.”

1 Amadapụ 13:3 Iomraidhean Croise

1 Amadapụ 13:4

Amadaḅọ Jerobohamụ ịkịankoroḅọ ḅe Bẹtẹlị ḅẹ agbamịẹ-anga mẹ si anga ḅụ ḍukoye mẹ naa tẹso, ọ̀ nwẹnị ọ̀ ḅara sụn pakama-ḅo agbamịẹ-anga mẹ ḅụ tẹ ḅẹẹm, “ọmịnị ori ọlọọ!” Tẹ anị ḅara mẹ tẹ ọ̀ sụn pakama-ḅo ọ̀ da ye mẹ nwẹnị samụnọ tẹ ọ̀ ḅarị inetẹ anị nụnụ pịkị ọ̀ ḅụụ pịrị-a

2 Amadapụ 20:8

Hẹzịkaya nwẹnị Ayịzaya ḅẹẹ, “Tọ elekima mịẹ ḅa mịnẹ KỊNỊNYANAḄỌ ḅe ị̀ gwọ ḅa, tẹ tẹra aḍin karama ene ḅụ à saakị tẹ KỊNỊNYANAḄỌ ḅe warị mẹ mu ḅẹ?”

Paka-so 4:1

Anịtẹso Mozizi nwẹnị pakịrị, “Kụma ḍikii, ini ì minini ḅịa, anịanịa ị̀ pọkọ poki, kẹ gotẹ ọkọ ḅẹẹarị, ịn ḅẹẹ ḅa, ‘KỊNỊNYANAḄỌ ḅe amịna ḅụụ kẹ í ḍie-a.’ ”

Paka-so 7:10

Mie ḅụ Mozizi na Erọnị na Fero dama-mu tẹ KỊNỊNYANAḄỌ ḅe tọn ḅara mịẹm. Erọnị Fero na ori afịrịmẹnjịapụ na tọrọkọ ori mkpara mẹ wakị koromam tẹ anị oronwi ḍim.

Ayịzaya 38:22

Anịtẹso Hẹzịkaya gbelam, “Ndẹẹ à kẹ nimi ḅarị elekima mịnẹ arị inetẹ Tamụnọ warị mẹ mu ḅẹ?”

Jerimaya 44:29

Yẹrị, KỊNỊNYANAḄỌ ḅe elekima kẹ ó ḍie ḅa mịnẹ à fomu-ḅara kẹ ọ́ pịrị ḅa mị yọ, tẹ à minini ma guluguluma ọkị-ḅo ọmịna ọgọnọ gbana ḅa ḅẹ ye mẹ nwẹnị karakaraye sọ ḅa.

Jọnị 2:18

Juu-ḅẹ ḅẹrẹtọn-apụ ma, pakịrị ḅụ gbelam, “Í inetẹ tọ ḅụụ-buamaye mịẹ tẹ kẹ wa ḍie ḅẹ mịnẹ, ị́ nwẹn mịẹ ye mẹ anie ị́ mịẹ na-iḅi ye?”

1 Kọrịntị 1:22

Juu-ḅẹ-apụ ḅụụ-buama-aị ẹrị ḅẹ ḍọkịarị, anịsakị Girisi ḅẹ apụ nimi ḍọkịarị.

Ḅẹrẹkọn-apụ 6:17

Gidiyọnị nwẹnị ọ̀ ḅẹẹ, “Mịọkụ arị ị́ ḅụụ ḍiki-ḅụụjịrị ḍọkị-ẹrị tẹ ḅẹḅẹ, gbọrụ elekima kẹ ị̀ ḍie mịnẹ ị̀nịna ẹkwẹn-arị ḅọ ḅe ị́yẹrị.

1 Samụẹlị 2:34

Anịsakị miemẹ tẹ ị́ maa owiapụ-awọmẹ Hofini na, Finihasi na la ḅarịye mẹ elekima sọ ị́ pịrị ḅa; ini maa apụ ma gbọrụ ene mẹ ḅụ fịị ḅa.