1 Amadapụ 13:2 - FỊAFỊA BAỊBỤLỤ

² Ịkịankoroḅọ ḅe nwẹnị oloku agbamịẹ-anga mẹ pịrị tẹ ḅẹẹ, “Yei agbamịẹ-anga, agbamịẹ-anga, mịẹ KỊNỊNYANAḄỌ ḅe ḍuko yee, ‘in Josaya kẹ sịịn ḅẹ gbọrụ owiḅọtụḅọ iyi Devidi warị mẹ pịrị ḅa. Ori ị́ ọgọnọ ḅụ gele anga ma ḅụ agbamịẹapụ ma kẹ agba mịẹ ḅa, tẹ tomina mgbe ọ̀ nwẹn dọkịma ḅa ị́ ọgọnọ ḅụ.’ ”

1 Amadapụ 13:2 Iomraidhean Croise

1 Amadapụ 13:32

Gbala KỊNỊNYANAḄỌ ḅe ẹkwẹn-ḅịḅị mẹ tẹ ọ̀ kọn Bẹtẹlị ḅio ḅụ sime agbamịẹ-anga mẹ na, Sameriya ḅe ama ma ḅụ sime gele-ayeyọ ma ḅụ simearị oru-awarị mamgba pịrị ẹkwẹn mẹ karakara-ḅara-ḅụ paka ḅa.”

2 Paka-aị 34:1

Josaya sịḅị nine akụra ḅọrọ tẹso, ọ̀ saakị ama-dam, tẹ kụra suei gbọrụ kụra finji (31) kẹ ama-dam Jeruselemu ḅụ.

2 Paka-aị 34:3

Kẹ gotẹ ọkọ ḅẹẹarị, ori ama-da tẹ nine akụra karama kụra ḅụ, ọ̀ paa owiḅọtụḅọ ḅụ emi ogbo ọ̀ saakị ọ̀ ḍa Devidi Tamụnọ ḅe ḍọkịm; tẹ oyi maa kụra finji karama kụra ḅụ, ọ̀ saakị Juda na, Jeruselemu na ḅụ gele ayeyọ ma na, Asẹra oru ma na, in ye kịkama ḅara kẹ kara na tẹmẹ wararị aị ma gbọrsịḅị arị sịkịrị siin famam.

Ayịzaya 1:2

KỊNỊNYANAḄỌ ḅe ḅẹẹm, “So na Kiri na, ọmịnị à ḍukoarị ye pokii! Yẹrị ḍikiḍiki-pakamaḅotẹ awọmẹ ma kọngọ-kụrọma ị̀ pịrị tẹẹ.

Ayịzaya 42:9

À ḍuko wẹrị aị ma ḅo paka tẹ mịọkụ. Mịọkụ arị ịwọ aị ḍuko ị́ pịrị ḅa amụ arị paka ḅẹ sakị la-a ogbo.”

Ayịzaya 46:10

Sukuyọ-saakị ḅụ à mịẹ sime ye mẹ dogi-ḅo ḅẹ ye ḍukom; alatẹ sakị ḅụ à ḍuko wẹrịm paka ḅẹ ye mẹ. À ḅẹẹm mịnẹ à tọn tẹ aị ma gbala-gbala gbarị ḅịa, anịsakị à mịẹ ḅẹ tẹ kẹ ḅiotọn ye goyegoye à mịẹ ḅa.

Ayịzaya 58:1

KỊNỊNYANAḄỌ ḅe mẹẹ, “Ị́ ine-ḅara ine-ḅara kẹ oloku pakamaa! Ị̀ atomi Izirẹlị asi ma gboloma ye ḍuko ịn pịrịị!

Jerimaya 1:2

Josaya Amọnị tụḅọ ḅẹ Juda da tẹ oyi tẹrẹị finji karama kụra mẹ ḅụ mie KỊNỊNYANAḄỌ ḅe ẹkwẹn Jerimaya pịrị yee,

Jerimaya 22:29

Yei amakiri, amakiri, amakiri! KỊNỊNYANAḄỌ ḅe ḍuko tẹ ye mẹ pokii:

Izikẹlị 36:1

KỊNỊNYANAḄỌ ḅe ḅẹẹm, “Fịị-fịị tomḅọ, ẹkwẹn Izirẹlị ḅẹ tụndụ ma pịrị tẹ ịn ḅẹ ini oku mẹ poki, anie yẹrị,

Izikẹlị 36:4

Mie ḅụ, ọmịnị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ọ́ pịrịarị ye pokii — ọmịnị tụndụ ma na, kala-tụndụ ma na, ḍawọ ma ma, tụndụ asuku ma na, ọmịnị kaan-sara simearị ayọ ma na, pịkị ọmịnị kịnị mangị-so famatẹ opu ama ma tẹ ikelema-koro wararị asịẹ ma fọịntẹ opu ama ma.”

Izikẹlị 38:4

Àrị ọ̀ da pịkị ikele-ikele ḅa, àrị arị kẹ ori amgba ma sụka tẹ ori na ori ọmụapụ mamgba na fọnọ so ḅa. Ori ọmụ-ogbo mẹ, kịrị kapa sụa tẹ asụ kpọlị tẹ kẹ mẹnjị apụ sọ nyana ye mẹ, ḍụḅa ḅụram; tẹ inimgba ekpeke dogi tẹ okologie ọlọm.

Luku 19:40

Jizọsị nwẹnị pakịrị, “À ḍuko ọ́ pịrịarị, ini ḅịḅị gbaịnm ḅẹḅẹ mịna aḍụḅarị ma ḅioju saakị oloku pakama ḅa.”

Ditẹrọnọmị 32:1

Yei ọmịnị So, ó ḅeri-tokolomaa, anịsakị àrị ẹkwẹn ḅa; tẹ yee Kiri mẹ, ị̀ ḅịḅị ḅẹ ẹkwẹn-aḅịḅị ma naa.