1 Amadapụ 13:1 - FỊAFỊA BAỊBỤLỤ

¹ KỊNỊNYANAḄỌ ḅe tọn ḅara ḅụ, gbọrụ ịkịankoroḅọ nwẹnị Juda ḅụ ḅo Bẹtẹlị la Jerobohamụ agbamịẹ-anga mẹ akaka ḅụ sịẹsime tẹ agba mịẹ ḅẹ-yearị ogbo.

1 Amadapụ 13:1 Iomraidhean Croise

1 Amadapụ 12:22

Kụma Tamụnọ nwẹnị ori ịkịankoroḅọ Sẹmaya ḅẹẹ,

1 Amadapụ 13:26

Elemu ịkịankoroḅọ ḅe tẹ ọ̀ pịkịma ḅo ḅọ ḅe miemẹ naa sakị, ọ̀ nwẹnị ḅẹẹ, “Anị ịkịankoroḅọ ḅe tẹ KỊNỊNYANAḄỌ ḅe ẹkwẹn-ḅịḅị mẹ poki-a ḅo ori; ọkọẹrẹsị KỊNỊNYANAḄỌ ḅe ọ̀ kẹ ọkụkụ ḅe pịrị tẹ ori ò kanị-kọsịma tẹ ọ̀ ḅaa tẹẹ, KỊNỊNYANAḄỌ ḅe wẹrịtẹ ẹkwẹn kọn ọ̀ pịrị ḅara ḅụ.”

1 Amadapụ 13:32

Gbala KỊNỊNYANAḄỌ ḅe ẹkwẹn-ḅịḅị mẹ tẹ ọ̀ kọn Bẹtẹlị ḅio ḅụ sime agbamịẹ-anga mẹ na, Sameriya ḅe ama ma ḅụ sime gele-ayeyọ ma ḅụ simearị oru-awarị mamgba pịrị ẹkwẹn mẹ karakara-ḅara-ḅụ paka ḅa.”

1 Amadapụ 13:5

Agbamịẹ-anga mẹ nwẹnị pịkị kaan-sara, tẹ fọọn ma nwẹnị gala-gala kiri ḅio sara, anie ịkịankoroḅọ ḅe KỊNỊNYANAḄỌ ḅe ẹkwẹn-ḅịḅị ḅụ ọ̀ kẹ ọ̀ pịrị elekima mẹ.

1 Amadapụ 13:9

Gbala mịẹ KỊNỊNYANAḄỌ ḅe ori ẹkwẹn-ḅịḅị ḅụ tọn ị̀ pịrị ḅara, ‘ị́ gbọrụ anga ḅụ sọ ye fị, anịanịa minji ḅuu, anịanịa í ḅo etela ḅụ pịkị-so ḅịa.’ ”

1 Amadapụ 20:35

KỊNỊNYANAḄỌ ḅe tọn ḅara ḅụ, ịkịankoroapụ ma owiapụ-awọmẹ ma ḅe gbọrụ owiḅọ nwẹnị ò pembe gbọrụḅọ ḅẹẹ, “Arị ị́ tẹkẹm, ì fomuu.” Kụma tomḅọ ḅe ò fomu ḍụkụ-a.

2 Amadapụ 23:15

Anie sikima, Jerobohamụ Nebatị owiḅọtụḅọ ḅe tẹ mịẹtẹ Izirẹlị si mịẹ ḅọ ḅe, Bẹtẹlị ḅụ nama ebeka mẹ na gele-ayeyọ ma na, ori arị sukuruma gbin tẹ ḍụḅarị ma kẹ pakịrị-pakịrị puu tẹ arị gbẹẹ kọsịma fọọn mịẹm, tẹ pịkị Asẹra fụḅara mẹ dọkịmam.

2 Amadapụ 23:17

Anịtẹso, ọ̀ nwẹnị gbela, “Tọrọkọ arị ẹrịarị kpokobia mẹ tiye?” Ama ḅẹ apụ ma nwẹnị ḍuko ọ̀ pịrị, “aniemẹ anie Ịlayịsa tẹ Juda ḅụ ḅo mẹnịa ḅiri ḅụ mịna aị ma tẹ ị́ kẹ Bẹtẹlị ḅẹ ebeka mẹ mịẹ ḅara ḍuko ḅọ ḅe ḍuḅu.”

2 Paka-aị 26:16

Kụma ọ̀ kụrọ tẹso, ọ̀ nwẹnị saakị opu amịẹaị mịẹ ọ̀ ḅaa ḅe ye pịrị. Ọ̀ gbala papaaye mịẹm KỊNỊNYANAḄỌ ọ̀ Tamụnọ ḅe ḅụụ, tẹ kụnụaị kẹ KỊNỊNYANAḄỌ ḅe Tẹkẹ-warị mẹ ḅio sọ-mu kụnụaị dọkịma edeni mẹ ọgọnọ dọkịma ḅẹ mum.

2 Paka-aị 26:18

tẹ ịn nwẹnị Amadaḅọ Uzaya dasịẹma tẹ ọ̀ ḅẹẹ, “Uzaya kụnụaị dọkịma KỊNỊNYANAḄỌ ḅe pịrị mẹ sime ị́ pịrị-a, kụma anị sime agbamịẹapụ ma Erọnị owiapụ-awọmẹ ma pịrịm, inima tẹ in mịẹ fịafịama kẹ kụnụaị dọkịma pịrị apụ ma. Pakaa, fịafịa yọ mẹ ḅụ; gbala ị́ mịẹ-irima tẹ ẹrẹsị, anịsakị anị KỊNỊNYANA-TAMỤNỌ ḅe ḅụụ gbọrụ kụn sọ ọkị-ḅo ị́ pịrị ḅịa”

2 Paka-aị 9:29

Mịọkụ tarịye ḅụ mu kunomaye la, Sọlọmọnị amịẹaị ḅụ kirikọntẹ ịn kẹ ịkịankoro Netanị mịẹ aị ḅẹ ḍuko-aị na, Ayija Silo ḅẹ ḅo ḅe koro ịkịan ḅụ na, Ido, so-ḅịrịḅọ ḅe Jerobohamụ, Nebatị owiḅọtụḅọ ḅe gboloma ịkịan mẹ ḅụ kẹẹ wararị aị ma ḅio arị ofori?

Jerimaya 11:12

Anịtẹso Juda na Jeruselemu na ḅẹ apụ ma ini agbamịẹ pịrịarị atamụnọ ma dama-mu tẹ ḅarasụa gotẹ ịn sịn oloku ḅa. Kụma arị atamụnọ ma inetẹ ịna ḅọrọma ḅịa mịẹ ḅaa-guluguluma mẹ ḅoarị sakị.

Jerimaya 25:3

“si tẹra akụra finji ḅụ, Josaya, Amọnị tụḅọ ḅe Juda da tẹ oyi tẹrẹị finji karama kụra ḅụ ọkị-ḅo mịmgba la, KỊNỊNYANAḄỌ ḅe ẹkwẹn ị̀ pịrị tẹẹ, amụ à pịkị gbarị-a gbala-gbala, ori ị̀ ḅẹẹ ye ḍuko ọ́ pịrị ḅụ. Kụma ọ́ kẹ ye-sịn-a.

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Emọsị 7:13

Ḅarị jen kẹ mịanga Bẹtẹlị ḅụ ịkịan kuro ma. Mie amadaḅọ ḅe sunsin Tamụnọ pịrịarị anga, sịẹ mẹ ḅẹ Tamụnọ-warị mẹ.”

Emọsị 7:16

Mie ḅụ mịọkụ KỊNỊNYANAḄỌ ḅe ḍukoarị ye pokii. Ị́yẹrị ị̀ ḅẹẹarị à ḅarị ịkịan koro ma, tẹ maa-tọrụsụaḅọ ḅara kẹ ẹkwẹn Izirẹlị ḅẹ apụ pịrị dasịẹmaa.

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Kịẹn-aḅịḅị 16:40

anị ye kẹ kịnị ḅiokoromaye sọ Izirẹlịapụ ma pịrị ḅarị ḅara, mịẹtẹ agbamịẹḅọ-a tomḅọ, Erọnị furo ḅụ paka-ḅo-a ḅọ, sọma mu agbamịẹ-anga mẹ kpeki, tẹ KỊNỊNYANAḄỌ ḅe tọrọkọ agba dọkịma ḅịa ḅara, anieofori mḅọ ḅofa ḅo Kora na ori ogbo ḅẹ apụ na sọ KỊNỊNYANAḄỌ ḅe wẹrịtẹ Mozizi ḅụ ḅọrọ tẹ kẹ Ẹlịyeza ḅẹẹ ḅara.

1 Tẹsalonịka 4:15

Mịọkụ wa kẹ ó tolumarị ye mẹ anie KỊNỊNYANAḄỌ ḅe ḅara ḅo tolumaye: wamịna ḅụ KỊNỊNYANAḄỌ ḅe ḅoarị ene mẹ ḅụ ḍumo simearị apụ ma fịị apụ ma kẹ tọrọkọ tarị tẹ mu ḅịa.

Mịẹfinji 8:3

Tẹ jen enjẹlị, tẹ golu kụnụaị dọkịma ye ọlọ ḅọ ḅo agbamịẹ-anga mẹ akaka sịẹm. Ịn nwẹnị tọnwa dọkịma ḅẹ kụnụaị kẹ ọ̀ pịrị, ọ̀ kẹ Tamụnọ atomi ma kọn-arị atẹkẹ ma ḅụ sụa tẹ kẹ golu agbamịẹ-anga mẹ, tẹ Tamụnọ emine mẹ tọrọkọ sịẹ wararị ye mẹ ọgọnọ agba mịẹ Tamụnọ pịrịị.

1 Samụẹlị 2:27

Gbọrụ Tamụnọ ịkịankoroḅọ anịjụ Ịlayị dama-ḅom, tẹ KỊNỊNYANAḄỌ ḅe kẹ ọ̀ fịrịma oku ḍuko ọ̀ pịrịm: “Àrị ị̀ ḅụụ mịẹ pakama ị́ ḍa Erọnị warị mẹ ḍiem ini Ijiputi ḅụ Fero warị mẹ suku-ḅio sime sakị.

1 Samụẹlị 9:6

Kụma fịrịmẹnjịḅọ ḅe nwẹnị ọ̀ ḅẹẹ, “ḍikii, mị opu ama mẹ ḅio gbọrụ Tamụnọ tomḅọ emi, anịsakị ori anie tomḅọ tẹ kụn nyana wararị ḅọ, ò ḍukoye ḍukoye, ḅo karakaraye sọarị. Yee wa anịjụ mu; sosi-ọkụma ori inetẹ miemẹ tẹ wa gotẹ igoni mẹ kẹ paka-ḅo ye gbolomaye ḍuko wa pịrị ḅa.”