1 Amadapụ 11:2 - FỊAFỊA BAỊBỤLỤ

² KỊNỊNYANAḄỌ ḅe tọn Izirẹlịapụ ma pịrịm, mịna asịẹ ma na ọmịnị na ọmịnị ere-sime pịrị-a pịrị-a ma, gbala in sịḅị-tuu oru-atamụnọ pịrịarị, in ḅofa ó toluma mu sịḅị-tuu ịna oru-atamụnọ ma pịrị, ḅẹ apụ ma sọ, ọ̀ ḍụkụ-a tẹ mu simem tẹ nwẹnị pịkị in ḅẹlẹma lama.

1 Amadapụ 11:2 Iomraidhean Croise

Suku-saakị 2:24

Anịẹrẹsị owiḅọ ọ̀ ḍa na ò iyingi na koroma-so mu ọ̀ ta na gboloma ḅa, tẹ ịn ḅo gbọrụ oju meni mịẹ ḅa.

Suku-saakị 34:3

Ò ḅioḅẹngbọ nwẹnị Dayịna, Jekọbụ ẹrẹḅọtụḅọ ma ọgọnọ gbana; ò nwẹnị á ḅẹlẹma, tẹ bala ḅara kẹ ẹkwẹn á pịrị.

1 Amadapụ 11:9

KỊNỊNYANAḄỌ ḅe nwẹnị Sọlọmọnị ḅụụ ịganị nyana, gbala ò ḅioḅẹngbọ KỊNỊNYANAḄỌ, Izirẹlịapụ tẹkẹarị Tamụnọ ḅe tẹ maa sakị kẹ ḅụụ kẹ ò ḍie tẹ ḅọ ḅe ḅụụ pịkị-so tẹ ye ẹrẹsị.

2 Paka-aị 19:2

Kụma Jehu, Hanani owiḅọtụḅọ so-ḅịrịḅọ ḅe nwẹnị paka mu Amadaḅọ Jehosafatị na bịama tẹ ọ̀ ḅẹẹ, “ị́ ḅarasụa si-sịḅịḅio-sụa ḅo ḅe pịrị tẹ KỊNỊNYANAḄỌ ḅe ḅụụ ḅioḅẹlẹ-a apụ ma ḅẹlẹma na-iḅi? Miemẹ gotẹ KỊNỊNYANAḄỌ ḅe ḅụụ ịganị paka ị́ pịrị tẹẹ.

2 Paka-aị 21:6

Ori Izirẹlị ḅẹ amadapụ mẹnjị-mẹnjị etela mẹ ḅụ mẹnjịm, Ehabụ warị mẹ wẹrịtẹ mịẹ ḅara, ọ̀ ta anie Ehabụ ẹrẹḅọtụḅọ ẹrẹsị. Ọ̀ nwẹnị KỊNỊNYANAḄỌ ḅe ḍiki-tọrụ ḅụ siye mịẹ.

Ẹzịra 9:12

Anị ẹrẹsị ọmịnị ọmịna eremịna-awọmẹ kẹ ịna owiapụ-awọmẹ pịrị sime ma, ọ́ pịkị ịna eremịna-awọmẹ sime ọmịna owiapụ-awọmẹ pịrị ma, gbala-gbala ó dein ḍọkị in pịrị ma, anịanịa ịna lọkọlọkọ ḍọkị, mịẹtẹ ọmịnị ịnyọ nyana, tẹ ama mẹ ḅẹ iḅi mẹ fị, tẹ anị kẹ ḍuu ḅụ koroma ọmịna awọmẹ pịrị nyana gbamaso ḅẹ ḅara.’

Devidi-Anume 139:21

Yei KỊNỊNYANAḄỌ, àrị í ḍiki-ḅioḅuarị apụ ma ḍiki-ḅioḅu la ḅara ḍikii! À kọngọ kụrọma ị́ pịrịarị apụ ma ḍiki-sima la ḅara ḍikii!

Paka-so 23:31

Anịsakị àrị ọmịna oke pakama ḅa Awụ Tọrụ mẹ ḅụ saakị mu Filisiteniapụ ma la, pịkị Ịkpa mẹ ḅụ saakị mu Yuferetisi la; gbala àrị ama mẹ ḅio angarị apụ ma ḅọrọma ọmịna ḅara-ḅio suu ḅa, tẹ ọmịnị ọmịna tọrọkọ ḅụ ịn dee-pakama ḅa ẹrẹsị.

Paka-so 34:12

Ọmịnị ọmịna aḅụụ ẹbị, anieofori ó ḅofa ó muarị ama mẹ ḅio angarị apụ ma na ḅịḅị-kẹ-ogbosọ nyana; anieofori anị ḅofa ḅo ḍiein sọ ọ́ pịrị.

Paka-so 34:16

tẹ ịna eremịna-awọmẹ ḅụ kịnị ọkị sime ọmịna owiapụ-awọmẹ pịrị, tẹ ịna eremịna-awọmẹ ma ịna oru-atamụnọ sẹfị amịẹaị ma mie tẹ ọmịna owiapụ-awọmẹ ma mịẹ tẹ ini ịna oru-atamụnọ ḍukamẹnjị sẹfị amịẹaị ma mịẹ.

Malakayị 2:11

Juda ḅẹ apụ ma ịna ḅịḅị sima tẹẹ, in minini Tamụnọ pịrị ye ḅụ; Jeruselemu na Izirẹlị na sọ si mịẹ tẹẹ; bebe amakiri mẹ kana-koro ḅụ ịn sịḅị-ngụngụmaye mịẹ tẹẹ. Ịn KỊNỊNYANAḄỌ ḅe ḅẹlẹmarị ọ̀ Warị mẹ pilema tẹẹ. Owiapụ ja sịẹ ḅẹ oru-atamụnọ tẹkẹarị ereme sime tẹẹ.

Romu 1:32

In nimi wararị mịnẹ Tamụnọ Oloko mẹ ḅẹẹm mị ḍumo ḅara mẹ kọn apụ, kọn apụ fịị na-iḅim. Anịsọ ịn paa ma amịẹaị ma mịẹ ma-muarị, tẹ pịkị ọkọ mịẹarị jen-apụ mịẹ kụrọmarị.

Romu 12:9

Ọ́ ḅụụ ḅụ gbọrụ aka sọ ofori ḅẹlẹma nyana tomi pịrịị. Ó siye goyegoye sịkị tẹ iḅiye goyegoye fịnamaa.

1 Kọrịntị 15:33

Ọ́ ḍụkụ tẹ kịnị oḅori kẹ ọ́ sịn ma. “Si ikia-ogbo iḅi-yemịẹ-ḅara sima simam.”

Mịẹfinji 2:4

Kụma à kẹ ị́ ọgọnọ gbanarị ye anie, tarị ị́ kẹ ị̀ ḅẹlẹma-ḅẹlẹma ḅara mẹ mịọkụ ị́ ḅarị ọkọ mịẹ-a.