1 Amadapụ 10:5 - FỊAFỊA BAỊBỤLỤ

⁵ Ọ̀ dẹbịlẹ ọgọnọ in gbana ọ̀ pịrị afịaị ma na ọ̀ fịrịmẹnjị-opuapụ ma angarị awarị ma na, ori afịrịmẹnjị-opuapụ ma lẹgị ọrụtọn ḅara mẹ amadapụ warị mẹ ḅio na, pịkị gbọrụ tọrụ sụa kapa ma tẹ in sụa wararị aị ma na, fịrịmẹnjịapụ ma tẹ ò fịye fị kiri ḅụ ò koru tẹ ò ḍikiḍikiarị apụ ma na, pịkị dọkịma-agba tẹ ọ̀ Tamụnọ-warị mẹ ḅio mịẹ agba ma ẹrị fama tẹso, á nwẹnị ḅụụ-gbiripu tẹ tẹmẹ-naịn-naịn.

1 Amadapụ 10:5 Iomraidhean Croise

1 Amadapụ 10:4

Sẹba ḅẹ amada-ẹrẹḅọ Sọlọmọnị nimi mẹ na, ọ̀ nama wararị amada-opu-warị mẹ na ẹrịm.

1 Amadapụ 10:6

Á nwẹnị Amadaḅọ Sọlọmọnị ḅẹẹ, “Í gboloma aị ma tẹ arị ì opu sịẹ mẹ ḅio sime tẹ naa aị ma na, í ye-nimi mẹ na karakara yee.

2 Amadapụ 16:18

Ọ̀ nwẹnị pịkị KỊNỊNYANAḄỌ ḅe warị mẹ ḅụụ ịn gbaịn tẹ kẹ Ịnyọsara-Ene mẹ pịrị etela mẹ tẹ ịn amadaḅọ warị mẹ ḅio nama tẹ ye mẹ na, sime amadaḅọ ḅe pịrị mẹnjị-paka ḅọkọ mẹ na sin Asiriya ḅẹ amadaḅọ ḅe gotẹ.

1 Paka-aị 26:16

Ịrụa-ideriarị-anga mẹ na Salẹkẹtị ḅẹ ogigo-ḅọkọ mẹ tẹ etela mẹ mẹnjị iwo anga ḅụ sime ye mẹ na paka-ḅo Supimu na Hosa na pịrịm. Gbọrụ ye ḍikiḍikiḅọ na jụmọ na korom.

1 Paka-aị 9:18

amadaḅọ ḅe ogigo-ḅọkọ ịrụa-saakịarị-anga ḅụ simem. Mịna apụ ma anie Livayị furo-ḅẹ-apụ ma akpụrụ-warị mẹ ḅọkọ ḍikiḍiki sime apụ ma.

2 Paka-aị 23:13

Á toluma ḍiki tẹso, á nwẹnị ẹrị amadaḅọ ḅe mẹnjị sọ anga mẹ ḅụ ò ḅeriye akaka ḅụ sịẹsime wararị, tẹ ọmụ alapụ ma na, ọdụ ofuro apụ ma na amadaḅọ ḅe akaka emi, tẹ ama mẹ ḅio ḅẹ apụ mamgba ḍereku tẹ ọdụ ofuroarị, anịsakị nume-suapụ ma ịna afarị-farị aị kẹ alalị mẹ kẹ tọrọkọ tarị wararị. Atalaya nwẹnị árị akapa kan, tẹ oloku, “Ama kan! Ama kan!”

2 Paka-aị 9:4

ò dẹbịlẹ ọgọnọ ḅẹ fịye mẹ na, ọ̀ fịrịmẹnjịapụ opu apụ ma lẹgị ḅara mẹ na, ori afịrịmẹnjịapụ wẹrịtẹ fịrị mẹnjịarị ḅara na, in sụa kapa na, ò minji-ḅuuye dogi wararị apụ na in sụa kapa na, KỊNỊNYANAḄỌ ḅe warị mẹ ḅụ mịẹ dọkịma-agba ẹrị tẹso, á tẹmẹ nwẹnị á ḅụụ faa.

Izikẹlị 44:3

Anịsọ Izirẹlịapụ Ḅẹrẹtọnḅọ ḅe mu anị anga ị̀ tọrọkọ ḅụ sime tẹ fịafịa fịye fị ḅa. Ogigo-ḅọkọ mẹ ḅẹ mẹnjị-toluḅọrọ-anga mẹ ḅụ, mie ọ̀ ḅọrọ sọ-na-paka-na ḅarị ye.”

Izikẹlị 46:2

Izirẹlịapụ Ḅẹrẹtọnḅọ ḅe etela da ogigo mẹ ḅụ ḅọrọ sọ mẹnjị-toluḅọrọ-anga mẹ la tẹ ogigo-ḅọkọ mẹ ḅụ sịẹ ḅa ḅeriaị ma akaka, agbamịẹapụ ma ò bebema dọkịma-agba ma na gbọrụḅụụ-sime-agba ma na mịẹarị sakị. Anị anga ogigo-ḅọkọ mẹ ḅụ ò sime tẹ sunsin Tamụnọ pịrịị, tẹso, ọ̀ pịkị mẹnjị paka. Ogigo-ḅọkọ mẹ ịn gbaịn ma nwenii ḅoḅiri-so la.

Luku 18:10

“Maa apụ gbọrụ sakị Tamụnọ-warị mẹ ḅio tẹkẹ ḅẹ mum, gbọrụḅọ Farịsiiḅọ, osi-ḅọ ama-igbigi da ḅọ.

Jọsụwa 5:1

Amọrayịtị apụ ma amadapụ mamgba tẹ Jodanị ịrụa-ideriarị-anga ḅụ sime-sime apụ ma na, Kenanị ḅẹ apụ ma amadapụ mamgba tẹ opu tọrụ mẹ akaka sime sime apụ ma naam mịnẹ KỊNỊNYANAḄỌ ḅe Jodanị mẹ ḅẹ aminji ma samụnọma Izirẹlị ḅe atomi ma pịrị nwenii ịn saḅa-korom ḅẹ ye ḅụ ịna ḅioḅẹngbọ sanịm ịn ḅarị ḅioḅẹngbọ nyana-a, tẹ tẹmẹ gbọrụmgbọ-sọ ḅarị ịna aḅụụ ofori, Izirẹlị ḅe atomi ma gotẹ.