1 Amadapụ 10:4 - FỊAFỊA BAỊBỤLỤ

⁴ Sẹba ḅẹ amada-ẹrẹḅọ Sọlọmọnị nimi mẹ na, ọ̀ nama wararị amada-opu-warị mẹ na ẹrịm.

1 Amadapụ 10:4 Iomraidhean Croise

1 Amadapụ 10:3

Ọ̀ nwẹnị arịmgba pakịrị fama, arị ḅụ kẹlẹ kẹ ọ̀ ḅụụ kụrọ tẹ ori inetẹ puu-finji giregirema-a ye ofori.

1 Amadapụ 10:5

Ọ̀ dẹbịlẹ ọgọnọ in gbana ọ̀ pịrị afịaị ma na ọ̀ fịrịmẹnjị-opuapụ ma angarị awarị ma na, ori afịrịmẹnjị-opuapụ ma lẹgị ọrụtọn ḅara mẹ amadapụ warị mẹ ḅio na, pịkị gbọrụ tọrụ sụa kapa ma tẹ in sụa wararị aị ma na, fịrịmẹnjịapụ ma tẹ ò fịye fị kiri ḅụ ò koru tẹ ò ḍikiḍikiarị apụ ma na, pịkị dọkịma-agba tẹ ọ̀ Tamụnọ-warị mẹ ḅio mịẹ agba ma ẹrị fama tẹso, á nwẹnị ḅụụ-gbiripu tẹ tẹmẹ-naịn-naịn.

1 Amadapụ 3:28

Izirẹlịapụ Sọlọmọnị ḅẹrẹ-pẹlẹ ḅịḅị mẹ naa tẹso, pokolotẹ mangịma nwẹnị ịna ḅio ḅụ ḅin kẹ ọ̀ pịrị, ịn nwẹnị gbala anịsakị rẹ nimi mịnẹ Tamụnọ nimi mẹ kẹ ò pịrị tẹ ọ̀ kẹ iḅi ḅara kẹ ịgbanịya kọn pẹlẹ.

Nimi Tolumaḅọ 12:9

Ye-nimi mẹ sikima, Nimi Tolumaḅọ ḅe ye ḍawọ ḍịịn na, ye bala ḅara ḅụ egberima-ẹkwẹn ḍawọ tẹ anị fie ye nimi tẹ anị kẹ anị sime na-iḅi kiri koroma na kẹ tomi tolumam.

Matiyo 12:42

Ḅẹrẹkọn Ene ḅụ Sẹba ḅẹ Ama-da ẹrẹḅọ ma saakị tẹ ḅẹrẹ ḍuko ọmịna sịḅị sẹịn ḅa, anị gotẹ ọkọ mịẹ ḅarịye árị ma amịna ama jụ ḅio sime tẹ Ama-da Sọlọmọnị ye-nimi tolumaye mẹ poki ḅẹ tẹ saakị ḅom. Ó nimii mịnẹ mịanga ḍụḅa Sọlọmọnị nẹngị ye emi.

Matiyo 6:29

Kụma yẹrị ọ́ ḅẹẹarị, mịnẹ Ama-da Sọlọmọnị, ọ̀ kọn sara ngọ mamgba ḅụ sọ, ọ̀ sụa kapa amụ iḅi mịna afịlawa ma na gbasị-a.

Luku 12:27

Ó piri-ḅio-ḅẹ afịlawa ma so-pakarị ḅara ḍikii: ịn kọrịnama kọrị-a, ịn pịkị ḅịtẹ ḍori ḅụụ pịrị-a. Kụma à ḍuko ọ́ pịrịarị mịnẹ Ama-da Sọlọmọnị, ori ngọ la ḅara mamgba sọ, ò ye ḅiri mịna afịlawa ma na gbasị-a.