1 Amadapụ 10:3 - FỊAFỊA BAỊBỤLỤ

³ Ọ̀ nwẹnị arịmgba pakịrị fama, arị ḅụ kẹlẹ kẹ ọ̀ ḅụụ kụrọ tẹ ori inetẹ puu-finji giregirema-a ye ofori.

1 Amadapụ 10:3 Iomraidhean Croise

2 Samụẹlị 14:17

Anịsakị à nwẹnị kẹ ḅiokoroma mịnẹ ị́ ẹkwẹn-ḅịḅị mẹ, ị̀ nyanaḅọ, ịnyọsara kẹ ì pịrị ḅa; kẹ gotẹ ọkọ ḅẹẹarị, Tamụnọ enjẹlị ḅe iḅiye na siye na lekiri ḅara mie í sime-ḅara. KỊNỊNYANAḄỌ ị́ Tamụnọ ḅe ị́ na simee!”

2 Samụẹlị 14:20

Kẹ mịẹ tẹ mịẹ-aị ma simearị ḅara mẹ ḍima gotẹ ị́ fịrịmẹnjịḅọ Johabụ miemẹ mịẹm. Kụma ị̀ nyanaḅọ, ị́ Tamụnọ enjẹlị ḅe nyana nimi pembema nimi nyanam, kẹ ye mamgba tẹ tomikiri mẹ ḅụ simearị aị ma nimi.”

1 Amadapụ 10:1

Sẹba ḅẹ amada-ẹrẹḅọ KỊNỊNYANAḄỌ ḅe ẹrẹ gbolomaye ḅụ Sọlọmọnị ereso naa tẹso, á nwẹnị kụrọ-kụrọtẹ ḅii-aḅịḅị kẹ ọ̀ daaḍiki ḅẹ tẹ dọkụ Jeruselemu mu.

1 Amadapụ 10:2

Á tọnwa fịrịmẹnjịapụ ogbo kẹ á ḅụụ sụa tẹ kẹ ḅom, ẹnyị dogi ike-sụa-anama na, yela lama tẹ aḍụḅarị na, pịkị gburo-gburotẹ tọnwa golu sọ á nwẹn kẹ sụa ḅom. Á ḅo Sọlọmọnị na bịama tẹso, á nwẹnị arị inetẹ kuroma-ḅo ḅii-aḅịḅị mamgba kẹ ò gbela.

1 Amadapụ 10:4

Sẹba ḅẹ amada-ẹrẹḅọ Sọlọmọnị nimi mẹ na, ọ̀ nama wararị amada-opu-warị mẹ na ẹrịm.

1 Amadapụ 3:12

Àrị ị́ ḅii ye mẹ mịẹ ḅa. À ja nimi na yefieye naa na kẹ ị́ pịrị ḅẹḅọ-ḅẹḅọ nẹngị ḅa tarị arị nyanaḅọ sime-sime, anịanịa tọrọkọ ḅụ jen ene fa-a jen ene ḅụ nyana ḅẹ ḅọ sọ.

2 Paka-aị 9:2

Sọlọmọnị nwẹnị arị ḅii-aḅịḅị mamgba pakịrị; mie kụma Sọlọmọnị ḅụụ kikimatẹ ḅọịtẹ ori inetẹ giregirema ḍuko finji á pịrị-a ye ofori.

Egberima-Ẹkwẹn 13:20

Ye-nimiapụ na mẹnjị gbolomaa, anịsakị í ḅo ye-nimiḅọ sọ ḅa. Ị́ apantu amẹẹ ma na ikia-sọ kụma í gulugulu-faa ḅa.

Ayịzaya 42:16

“À tọrọkọ tarị tẹ ị̀ atọrụngbọ-pụụntẹ-apụ kẹ jene-jene amụ ịn ḅọrọ ye mu-a etela ḅụ ḅọrọ ḅa. Arị ịna kanakana kẹ bele sọma tẹ gbima-gbima amakiri mẹ mịẹ miniminima ḅa ịna tọrọkọ. Ma ma mie à minini aị ma, tẹ gbarị-a ḅara ḅụ arị arị mịẹ ḅa.

Matiyo 13:11

Jizọsị nwẹnị pakịrị, “Tamụnọ Ama-da mẹ ḅẹ ḅọị aị ma nimi mẹ ịn kẹ ọ́ pịrị tẹ, kụma ini ịn kẹ ịn pịrị-a.

Jọnị 7:17

Minini tẹ Tamụnọ ḅiiarị ye mịẹ ḍọkị ḅọ, ḍọkị ḅọ nimi ḅa ì tolumaye mẹ Tamụnọ ḅara ḅoarị na yẹrị ḅarana ị̀ kụrọ ḅụ ẹkwẹn-arị na.

1 Kọrịntị 1:30

Kụma Tamụnọ ọ́ kẹ ḅo Kịrayịsị Jizọsị na gboloma tẹ, Tamụnọ Kịrayịsị kẹ wamịna nimi sọma tẹ. Ọ̀ ḅụụ ḅụ wa pịkị ḅo Tamụnọ na kura apụ sọ tẹ, pịkị Tamụnọ fịafịa atomi, tẹ ḅo si omoni ḅara-ḅio ofori apụ sọ tẹ.

Kọlọsị 2:3

Ori anie sambị mẹ tẹ ịn kẹ Tamụnọ kikima wẹrị wararị ngọ mamgba ḅẹ warị finjiarị ḅọ, anie nimi na, ye ḍawọ ḍin na, tẹ ọ̀ ḅụụ ngẹrị ḅụ simearị aị ma.