1 Amadapụ 10:1 - FỊAFỊA BAỊBỤLỤ

¹ Sẹba ḅẹ amada-ẹrẹḅọ KỊNỊNYANAḄỌ ḅe ẹrẹ gbolomaye ḅụ Sọlọmọnị ereso naa tẹso, á nwẹnị kụrọ-kụrọtẹ ḅii-aḅịḅị kẹ ọ̀ daaḍiki ḅẹ tẹ dọkụ Jeruselemu mu.

1 Amadapụ 10:1 Iomraidhean Croise

Suku-saakị 10:28

Obalị na, Abimẹlị na, Sẹba na,

Suku-saakị 10:7

Kusi owiapụ-awọmẹ ma anie: Sẹba na, Havila na, Sabụta na, Rahama na, Sabitẹka na. Rahama owiapụ-awọmẹ ma anie: Sẹba na, Dedanị na.

Suku-saakị 25:3

Jokisanị anie Sẹba na, Dedanị na ḍaḅọ. Dedanị owiapụ-awọmẹ ma anie Asurimụ na, Letusimụ na, Lehumimụ na.

1 Amadapụ 10:24

anịsakị bebe tomikiri mẹmgba ḅo-ḅo tẹ Tamụnọ kẹ ọ̀ pịrị nimi mẹ poki ḅẹ ḅiim.

1 Amadapụ 4:31

Tomi mamgba ḅụ ori ye-nimi tẹịnm: Ò ye-nimi kẹ Ẹtanị, Ẹzịra ḅẹ ḅọ ḅẹ na, Mahọlị owiapụ-awọmẹ Hemanị na, Kalịkọlị na, pịkị Dada na sọ nẹngịm, tẹ ori ereso nwẹnị inina kpeki opu sịẹ mamgba ikelema-korom.

1 Amadapụ 4:34

Tomikiri mẹmgba ikelema-koro ḅụ amadapụ mamgba ò nimi mẹ gbolomaye naam tẹ kịnị fịrịma ò poki ḅẹ mum.

1 Amadapụ 5:14

tẹ nwẹnị Aduniramu kẹ ịna sịḅịdaḅọ mịẹ. Ọ̀ nwẹnị ịn kẹ tẹra kpo ḍie, gbọrụ kpo kịnị gbọrụ puku, sọnọ ẹndẹ finji, finji. Gbọrụ kpo kpo nwẹnị Lẹbanọnị ḅụ gbọrụ akalụ sime tẹ maa akalụ kẹ ama ọgọnọ ḅụ sime

Jobu 28:28

Ọ̀ nwẹnị tomi ḅẹẹ, “Ḍikii, KỊNỊNYANAḄỌ ḅe mangịma mẹ, anie nimi mẹ; anịsakị siye ḅụ ḅụụ sikima mẹ anie yefieye-naa mẹ.”

Jobu 6:19

Tẹma ḅẹ ịkpa mẹnjị apụ ma ḍikim Sẹba ḅẹ ye-mu apụ ma ḅiokpọm.

Devidi-Anume 49:4

Egberi-egberi mie à tọrụ kẹ da tẹ gbaa ḅarịye, tẹ ọbọ ḅụ arị fiearị ye ḍuko finji ḅarịye à farịarị ogbo.

Devidi-Anume 72:10

Sipeni na sọ, sọ ma na ḅụ ama-daarị apụ ma ḍiepịrị-aị kẹ ọ̀ pịrị ḅa; Arebịya na Ẹtịyopịya na ḅẹ amadapụ ma agbamịẹ-aị kẹ ḅo ọ̀ pịrị ḅa.

Devidi-Anume 72:15

Nangwọ ḍumo sime amadaḅọ ḅe pịrịị! Yee kịnị Arebịya ḅụ ḅo golu kẹ ọ̀ pịrị; yee tomi tẹkẹ ọ̀ pịrị sakị mamgba; yee Tamụnọ aboma ori ọgọnọ sime sakị mamgba!

Ayịzaya 60:6

Ike-sụa-nama kẹ ogbo-ogbo ḅụ ye-muarị apụ opu ogbo Midiyanị na Ẹfa na ḅụ sime tẹ ḅo ḅa. Kịnị Sẹba ḅụ sime tẹ golu na kụnụaị agbamịẹ aị na ọkị-ḅo ḅa. Kịnị KỊNỊNYANAḄỌ ḅe kọrị tẹ ye mẹ ḅẹ iḅi-oku mẹ ḍuko ḅa!

Jerimaya 6:20

Sẹba ḅụ ini ọkị-ḅo ị̀ pịrịarị kụnụaị dọkịma aị ma à kẹ tiye mịẹ ḅẹ, anịanịa sụma-jụ ḅẹ amakiri ḅụ ḅo kụnụaị ma? Ịn kẹ ḅoarị ḍiepịrị-aị ma à da ḅịa, anịanịa ịna agba ma ị̀ ḅụụ-ḅẹlẹ aị sọ.

Izikẹlị 16:14

Sịẹ goyegoye ḅụ ị́ eresom ị́ kpaịntẹ iḅi gotẹ, yẹrị anie ị́ mịẹ tẹ ị́ ọkọ kẹ ḅụụ-ḅẹlẹma ye ẹrẹsị.” Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye.

Izikẹlị 38:13

Sẹba na Dedanị na Sipeni na ama ma ḅụ sime tẹ ḅo masịnịapụ ma í gbela ḅa, ‘Ị́ ọmụ-ogbo kobiri tẹ, owu paka tẹ ye fọịn tẹ kụrọ-ḅara kẹ ye tan so ḅẹ ḅara? Ị́ ḅiiarị í seleḅa na golu na nyana, opu ama ma na ja ngọ na, tẹ gbọịn-gbọịnma arị ọmụ ḅio ị́ fọịn ḅo aị mamgba kẹ mẹnjị-so?’ ”

Matiyo 12:42

Ḅẹrẹkọn Ene ḅụ Sẹba ḅẹ Ama-da ẹrẹḅọ ma saakị tẹ ḅẹrẹ ḍuko ọmịna sịḅị sẹịn ḅa, anị gotẹ ọkọ mịẹ ḅarịye árị ma amịna ama jụ ḅio sime tẹ Ama-da Sọlọmọnị ye-nimi tolumaye mẹ poki ḅẹ tẹ saakị ḅom. Ó nimii mịnẹ mịanga ḍụḅa Sọlọmọnị nẹngị ye emi.

Matiyo 13:11

Jizọsị nwẹnị pakịrị, “Tamụnọ Ama-da mẹ ḅẹ ḅọị aị ma nimi mẹ ịn kẹ ọ́ pịrị tẹ, kụma ini ịn kẹ ịn pịrị-a.

Matiyo 13:35

Ò gotẹ miemẹ mịẹ ye, kẹ mịẹtẹ ịkịankoroḅọ ḅe ḍuko ḅọrọma tẹ ye mẹ paka tẹ ye sọ ḅẹ ḅara, “Arị ẹkwẹn ịn pịrị ḅarị sakị, arị egberi gbaa ḅa; à ḍuko ḅarị aị ma tomikiri bịan tẹmẹ kụra-ḅio kịnị amụ nimi-a aị.”

Makị 4:34

Ori egberi gbaa-a ḅara kẹ ẹkwẹn ịn pịrị ḅẹ ḅii-a, kụma ori ngẹrị ò ḍukamẹnjịapụ ma na sime anga, ò ye goyegoye ḍuko finji ịn pịrịm.

Luku 11:31

Ḅẹrẹkọn Ene ḅụ Sẹba ḅẹ Amada-ẹrẹḅọ ma saakị sịẹ tẹ ḅẹrẹ ḍuko mị sakị ḅẹ atomi ma fịnama ḅa; anị gotẹ ọkọ mịẹ ḅarịye, árị ma árị ama jụjụ-ḅio sime tẹ ḅo Ama-da Sọlọmọnị nimi tolumaye mẹ pokim. Tẹ à ḍuko ọ́ pịrịarị Sọlọmọnị nẹngị ḅọ mịanga emi.

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.