1 Amadapụ 1:5 - FỊAFỊA BAỊBỤLỤ

⁵ Mịọkụ mẹ Abusalọmụ fịị tẹ ḅẹẹ-sakị, Adonịja, Devidi na Agiti na iyi owiḅọtụḅọ ḅe anie omongiḅọ tẹịnḅọ ḍumo wararị apụ ma ḅụụ. Ọ̀ nwẹnị ọ̀ ḅụụ saakị-gelema tẹ ḅẹẹ, “Yẹrị mie amadaḅọ ḅe sọ ḅarị ḅọ.” Ọ̀ kpọma owiḅọ iḅi kọnm. Ọ̀ nwẹnị kirimẹnjị-arụ na, asụ-dọkụ-ọmụapụ na, pịkị kịnị amesi oyi finji tẹlẹma ọ̀ ḅụụ pịrị anie ọ̀ panmu ḅarị apụ.

1 Amadapụ 1:5 Iomraidhean Croise

2 Samụẹlị 15:1

Miemẹ ḅọrọ tẹso, Abusalọmụ nwẹnị gbọrụ kirimẹnjị-ọmụarụ na, asụ amẹẹ na, ọ̀ kẹ tọrọkọ tarị, tarị mẹnjị ḅẹ owiapụ amesi oyi finji na nyana ọ̀ ḅụụ pịrị

2 Samụẹlị 3:4

anịsakị ini karama ḅọ anie Adonịja, Agiti owiḅọtụḅọ ḅe; anịsakị sọnọ karama ḅọ anie Sẹfataya, Abitali owiḅọtụḅọ ḅe;

1 Amadapụ 1:11

Anịtẹso Netanị nwẹnị Sọlọmọnị iyingi Batisẹba ḍọkụma-mu tẹ á gbela, “Amụ ị́ naa-a mịnẹ Agiti owiḅọtụḅọ Adonịja amịna ḅụụ kẹ amadaḅọ mịẹ tẹ ḅara? Tẹ Amadaḅọ Devidi sọ anị gbolomaye nimi-a!

1 Amadapụ 1:4

Árị iḅi lamam, tẹ sime tẹ amadaḅọ ḅe ḍikiḍiki tẹ pịkị fịrịmẹnjị ọ̀ pịrịm, kụma ori árị na gboloma-a.

1 Amadapụ 2:13

Anịtẹso Adonịja ò iyingi Agiti nwẹnị Sọlọmọnị iyingi Batisẹba ḍọkụma-mu. Á nwẹnị gbela, “Ikia ḅara kẹ í ḅọ toluma ì ḍiki ḅẹ ḅọ mọ?” Ọ̀ nwẹnị pakịrị, “Ọkọọ,”

1 Amadapụ 2:15

Ọ̀ nwẹnị pakịrị, “Í nimi wararị mịnẹ mimgbe à ḅo amadaḅọ sọ tẹẹ, anịsakị Izirẹlị ḅụ ḅẹḅọ-ḅẹḅọ sọ anị kẹ ḅiotọnm. Kụma kịrị ḅara mie anị kẹ paka ye, tẹ ì iyimbere ḅe ḅo amadaḅọ sọ ye, gbala anie KỊNỊNYANAḄỌ ḅe kẹ anị ḅii ḅara.

1 Amadapụ 2:24

KỊNỊNYANAḄỌ ḅe iḅiọkụ ị̀ mịẹ pakama tẹẹ, ị̀ ḍa Devidi emine mẹ ọgọnọ ḅụ; ori ọ̀ karịma ye mẹ koko tẹ sịẹ mẹ kẹ yẹrị na ị̀ ḅụụ paka-ḅo apụ na pịrị tẹẹ. À ḍumo wararị KỊNỊNYANAḄỌ ḅụụ ye karịm mịnẹ mịmgba mẹ ḅụ Adonịja fịị ḅa!”

1 Paka-aị 28:5

Anịsakị ị̀ owiapụ-awọmẹ mamgba ogboku ḅụ — gbala KỊNỊNYANAḄỌ ḅe tọnwa owiapụ-awọmẹ kẹ ị̀ pịrị tẹ ẹrẹsị — ori ị̀ owiḅọtụḅọ Sọlọmọnị sẹlẹ-ọkị tẹ, ò ḅo Izirẹlị KỊNỊNYANAḄỌ ḅe ama-da mẹ ḅẹ emine mẹ ọgọnọ lẹgị.”

1 Paka-aị 29:1

Devidi, amadaḅọ ḅe nwẹnị kobiri-ogbo mẹmgba ḅẹẹ, “Ì owiḅọtụḅọ Sọlọmọnị ngẹrị oriḅe tẹ Tamụnọ sẹlẹ ọkị tẹ ḅọ ḅe ori asambịrịma wararị tẹ sịḅịḅio-kuḅua, kọrịnama mẹ pịkị gburo-gburo wararị; kẹ gotẹ ọkọ ḅẹẹarị, amadaḅọ warị mẹ sime tomḅọ pịrị ḅịa, kụma KỊNỊNYANA-TAMỤNỌ ḅee.

1 Paka-aị 3:2

Gbolo ḅe palịḅọ anie Abusalọmụ, oriḅe iyingiḅọ anie Mahaka, Talịmayị Gẹsọ ḅẹ amadaḅọ ḅe ẹrẹḅọtụḅọ ma; ini karama ḅọ anie Adonịja, oriḅe iyingiḅọ anie Agiti;

Paka-so 9:17

Ị́ paa ị́ ḅụụ saakị-gelema tẹ ị̀ atomi ma ẹngbẹsẹ tẹ ịn wẹrịso tẹ ịn so-a.

Egberima-Ẹkwẹn 16:18

Ḅụụ-gelema tomḅọ ḅọrọma mu gulugulu fịị ḅio suu-suum, tẹ opu ẹkwẹn tomḅọ ḅịkịma gbereima koroma-koromam.

Egberima-Ẹkwẹn 18:12

Tomi mangịmarị gbọrụḅọ-sọ ofori ḅụụ-iderimarị ḅọ sikima; opu ẹkwẹn kọn-arị apụ ma ịn mẹnjị mu gulugulu-faa ḅẹ muarị.

Ayịzaya 2:7

Ịna amakiri mẹ ḅụ seleḅa na golu na ḅin tẹ, tẹ in kiki ofori ḅara kẹ ngọ-kọn sara tẹ. Ịna amakiri mẹ ḅụ asụ-asụ-asụ ḅin tẹ, tẹ in kiki ofori ḅara kẹ kirimẹnjị-ọmụarụ nyana sara tẹ.

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Luku 18:14

Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

Ḅẹrẹkọn-apụ 9:2

“Ó ḅeri ḅio Sẹkẹmụ ḅẹ apụ mamgba gbela, ‘Tiye ọmịna aḅụụ iḅitẹịn? Jerubalị owiapụ-awọmẹ kịnị atesi oyi finji mamgba ḅẹrẹtọn ọ́ pịrị, anịanịa gbọrụḅọ ḅẹrẹtọn ọ́ pịrị?’ Ọ́ pịkị kẹ ḅiokoroma mịnẹ yẹrị anie ọmịna mgbe na, ọmịna oju meni na.”