1 Amadapụ 1:2 - FỊAFỊA BAỊBỤLỤ

² Ọkọẹrẹsị ori afịrịmẹnjị-opuapụ nwẹnị ọ̀ ḅẹẹ, “Ị́yẹrị Amada-opu-nyanaḅọ, mininii wa gbọrụ iriawọ-tụḅọ ḍọkị-ḅo tẹ á sime tẹ í ḍikiḍiki. Árị ị́ akaka ḅụ monotẹ í oju ọfịrịma ḅa.”

1 Amadapụ 1:2 Iomraidhean Croise

Suku-saakị 16:5

Anịtẹso Sẹrayị nwẹnị Ebiramụ ḅẹẹ, “Yee ị̀ laarị kura-a mịẹye mẹ ị́ ọgọnọ gbana! Àrị ị̀ fịrịmẹnjị-ẹrẹḅọtụḅọ saakị ị́ pịrị ị́ ekpe kẹ á lamam, tẹ á ḅo ẹrị tẹso, mịnẹ á fura tẹ, á nwẹnị ḍiki-sima tọrụ kẹ ì ḍiki. Yee KỊNỊNYANAḄỌ ḅe kọọn ị́yẹrị na, yẹrị na pịrị!”

2 Samụẹlị 12:3

kụma igoinḅọ ḅe gbọrụ kala anana tẹ ọ̀ fẹ ye mie ọ̀ nyana yee. Ọ̀ nwẹnị ò ḍikiḍiki ḍụḅama, tẹ ori na, ori awọmẹ na ḅụụ sọ tẹ ḍụḅa paka-ḅo; ò fịye kalịye mẹ ḅụ mie ò fịye kẹ ọ̀ pịrị fị-fị yee, tẹ ò minji-ḅuuye ḅio minji ḅuuarị, ọ̀ ḅụọ-ẹtẹnẹ ḅụ ò monom, tẹ ori ọ̀ ḅụụ ḅụ ori iyi ẹrẹḅọtụḅọ sime-ḅara simem.

1 Amadapụ 1:1

Mị sakị mẹ Amadaḅọ Devidi ori omongi lama tẹ, tẹ ori afịrịmẹnjịapụ ḅụụ gbaịn bịlangịdị kẹ ọ̀ gbaịn sọ, anị ḅarị ori oju ọfịrịmaa.

1 Amadapụ 1:3

Ịn nwẹnị iḅi ẹrẹḅọtụḅọ ḍọkị Izirẹlị mẹmgba ikelema-koro ḅụ, tẹ nwẹnị Sunemu ḅụ ịn ḍọkịarị ẹrẹḅọtụḅọ ḅara ẹrị, árị ẹrẹ Abisagị, tẹ árị ọkị-ḅo tẹ kẹ amadaḅọ ḅe pịrịm.

2 Paka-aị 29:11

Ì owiapụ-awọmẹ, mịọkụ ọ́ ḅarị fịrị-sụgba ma, kẹ gotẹ ọkọ ḅẹẹarị, KỊNỊNYANAḄỌ ḅe ọ́ sẹlẹ-ọkị tẹ ọmịnị ọ̀ tọrọkọ sịẹ, tẹ fịrị mẹnjị ọ̀ pịrị ḅe ḅara, anịsakị ọmịnị ori afịrịmẹnjịapụ sọ tẹ kụnụaị dọkịma-dọkịma ọ̀ pịrị ḅa.”

Ẹsịta 2:2

Anịtẹso amadaḅọ ḅe afịrịmẹnjịapụ tẹ ori na sime tẹ fịrịmẹnjị ọ̀ pịrịarị apụ nwẹnị ḅẹẹ, “Yee ini iḅi-fịtẹ ḅụụ-gboloa eremịna-awọmẹ ḍọkị pakama-ḅo amadaḅọ ḅe pịrị.

Nimi Tolumaḅọ 4:11

Maa apụ gbọrụ anga mono-mono, ịn jụmọ-jụmọ oju mẹmẹmam, kụma gbọrụḅọ ngẹrị tọ-ḅara mono tẹ mḅọ oju mẹmẹma ḅẹ?

Mayịka 7:5

Ḅarị ḅioḅẹngbọ kẹ mịnaḅọ ọgọnọ gbana ma, ḅarị ikiaḅọ ḅụụ ḅiokpọ nyana ma; árịma tẹ í ekpe ọgọnọ simearị ḅọ ma sọ, ị́ ẹkwẹn kọn á pịrị ḅẹ ḅara nimii.

Ditẹrọnọmị 10:8

Anị sakị ḅụ mie KỊNỊNYANAḄỌ ḅe Livayị furo mẹ sikima KỊNỊNYANAḄỌ ḅe Ọḅọkụ-Igbe mẹ dogi pịrị ye, KỊNỊNYANAḄỌ ḅe tọrọkọ sịẹsime tẹ fịrịmẹnjị ọ̀ pịrị, tẹ ori ẹrẹ ḅụ ye boma ḅo mịmgba lam.

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;