1 Amadapụ 1:16 - FỊAFỊA BAỊBỤLỤ

¹⁶ Batisẹba nwẹnị amadaḅọ ḅe tọrọkọ á sịḅị-tuu iderima, tẹ ọ̀ nwẹnị á gbela, “Í tiye ḅiiarị?”

1 Amadapụ 1:16 Iomraidhean Croise

1 Amadapụ 1:15

Anieḅụ Batisẹba nwẹnị amadaḅọ ḅe mono-ḅio ḅụ sọ ori na ẹrị-a ḅẹ mu. Ori omongi lama tẹẹ, anịsakị Abisagị Sunemu ḅẹ ẹrẹḅọtụḅọ ma mie ò ḍikiḍikiarị ye.

1 Amadapụ 1:17

Á nwẹnị pakịrị, “Gburo-gburo Opuḅọ, ị́ kọkọ tẹmẹ la ḅara kẹ ị̀ karịma KỊNỊNYANAḄỌ ị́ Tamụnọ ḅe ẹrẹ ḅụ mịnẹ ì owiḅọtụḅọ Sọlọmọnị ḅe mie ama-da ḅarịye ị́ ḅọrọ tẹso ọkụma.

1 Amadapụ 1:23

Ịn nwẹnị ḍuko amadaḅọ ḅe pịrị mịnẹ ịkịankoroḅọ ḅe anị yọ ḅụ emi, tẹ Netanị nwẹnị mẹnjị sọ-mu tẹ amadaḅọ ḅe tọrọkọ ḅụ sịḅị-tuu iderima.

1 Amadapụ 2:20

Á nwẹnị ḅẹẹ, “Àrị ị́ ḅara ḅụ boowa gbọrụ ḍiki-ḅụụjịrị ḅii ḅẹ ḍọkịarị; sisi anị mịẹ ị̀ pịrị mẹ sịkị ma.” Ọ̀ nwẹnị gbela, “Anie tiye, iyingiḅọ? Anị mịẹ ị́ pịrị mẹ à sịkị ḅịa.”

Ẹsịta 7:2

Maaịn karama ene mẹ ḅụ ịn pịkị iru ḅuuarị ogbo, amadaḅọ ḅe nwẹnị siin Ẹsịta gbela, “Amadaḅọ Ta Ẹsịta, í tiye ḅiiarị? Àrị anị kẹ ị́ pịrị ḅa. Í tiye ḅiiarị? Ị̀ ama-da kụlọ mẹ laa ḅara kẹ maa anga ḍiya ḅẹ gbọrụ anga ḅii sọ, à kẹ ị́ pịrị ḅa.”

Matiyo 20:21

Jizọsị nwẹnị á gbela, “Í tiye ḅiiarị?” Á nwẹnị pakịrị, “Minini ị̀ pịrị mịnẹ, mịna ị̀ maa owiapụ-awọmẹ ma, í ḅo Amadaḅọ sọ sakị, gbọrụḅọ ị́ ama-ḅara anga, osi ḅọ í ere-ḅara anga lẹgị ḅa.”

Matiyo 20:32

Jizọsị nwẹnị daasịẹ tẹ ịn sịn tẹ ịn gbela, “Ó ḅiiarị à tiye mịẹ ọ́ pịrị?”

1 Samụẹlị 20:41

Tẹ owiḅọtụḅọ ḅe paa so gbọrụ sakị, Devidi nwẹnị kpoli wararị aḍụḅarị ma akaka ḅụ saakị, tẹ ọ̀ tọrụkuḅu kẹ kiri-ḅio ḅịkị-koro, tẹ tẹra asakị kẹ sịḅị-tuu, tẹ in nwẹnị ḅẹlẹma ḅara ḅụ ekpe kẹ jụmọ-jụmọ fịnama, tẹ tẹmẹ-la ḅara kẹ owu gbolomam, nwenii Devidi siin amịna ḅụụ kẹ ḅiokoromam.

1 Samụẹlị 24:8

Anịtẹrẹmẹ Devidi so nwẹnị saakị, tẹ fukuru mẹ ḅio mẹnjị paka, tẹ nwẹnị Sọlụ sịn, “Ị̀ nyana amadaḅọ ḅe!” Tẹ Sọlụ tọrụ-pịkị ori ọḅụjụ ḍiki tẹso, Devidi nwẹnị sịḅị-tuu mu kiri mẹ lama tẹ kụn kẹ ọ̀ pịrị.

1 Samụẹlị 25:23

Abigẹlị, Devidi ẹrị tẹso, á nwẹnị fọnya mịẹ, tẹ yedogi-nama mẹ ọgọnọ koro, tẹ nwẹnị á tọrụkuḅu kẹ Devidi tọrọkọ ḅịkị, tẹ sịḅị-tuu mu kiri lama.