1 Amadapụ 1:12 - FỊAFỊA BAỊBỤLỤ

¹² Ị́ nwẹnị í ḍumo na í owiḅọtụḅọ Sọlọmọnị ḍumo na ḅọrọma ḅẹ-ḅiiarị ḅẹḅẹ, à ḅeri nụnụ ẹkwẹn kọn ị́ pịrị ḅa

1 Amadapụ 1:12 Iomraidhean Croise

Suku-saakị 19:17

Ini ịn pakama-ḅo tẹso, gbọrụḅọ nwẹnị ḅẹẹ, “Ọmịnị ọmịna ḍumo-mangị kọn; ọ́ tọrụ pịkị ọḅụ ḍikima, anịanịa tụndụ ogboku mẹ ḅụ gbọrụ anga daasịẹ; ó ḍumo-mangị kọn tụndụ ma da-muu, anieofori ó ḅofa dọkị faa.”

1 Amadapụ 1:13

mịnẹ mị gbọrụ sakị so Amadaḅọ Devidi ḍọkụma-mu tẹ ò gbela, ‘yei Gburo-gburo Opuḅọ, ị́ tẹmẹ-la ḅara kẹ ị̀ karịmaa mịnẹ ì owiḅọtụḅọ Sọlọmọnị mie í kiri ọkị ḅarịye amada-kụlọ ḅụ? Tọ-ḅara mịẹ kụma Adonịja pịkị ḅo amadaḅọ mịẹarị?’ ”

1 Amadapụ 1:21

Ị́ nwẹnị ọkọ mịẹ-a ḅẹḅẹ, ị́ fịị gbọrụ sakị yẹrị na ì owiḅọtụḅọ Sọlọmọnị na ama-dẹrịapụ mịẹ ḅara mie ịn kẹ wa mịẹ ḅarị ḅara.”

2 Amadapụ 11:1

Ahazaya iyingi Atalaya árị owiḅọtụḅọ fịị tẹ ẹrị tẹso, á nwẹnị tọn ịn mu amada-furo ḅẹ apụ mamgba ḅaa.

2 Paka-aị 21:4

Jehoramụ ọ̀ ḍa emine mẹ kpọlị tẹ ini ọ̀ mịẹ pakama tẹso, ọ̀ nwẹnị okologie kẹ ori amịnapụ owiapụ mamgba ḅaa fama, pịkị Izirẹlị ḅẹ sịḅịdapụ ma ḅẹ ja apụ sọ kẹ sụa ḅaa.

2 Paka-aị 22:10

Mịọkụ Atalaya, Ahazaya iyingi ma árị owiḅọtụḅọ fịị tẹ mẹ ẹrị tẹso, á nwẹnị saakị tẹ Juda warị mẹ ḅẹ amada-furo mẹmgba ḅaa fama.

Egberima-Ẹkwẹn 11:14

Daa-karakarama nyana-a sịẹ ḅịkị ḅa. Tọnwa ḅẹrẹ ḍuko-toluma fiearị paka ḅẹ ye ofori.

Egberima-Ẹkwẹn 15:22

Í inetẹ nyana ḅẹ iḅi toluma ẹkwẹn goyegoye daa-ọkị, tẹ ye ị́ na iḅi ḅa; ọkọ-a kụma ị́ papaa ḅara ọlọ ḅa.

Egberima-Ẹkwẹn 20:18

Iḅi toluma karakarama ẹkwẹn nyana, anịsakị ye ị́ na iḅi ḅa; ye kẹ ọrụtọn-a ḅara kẹ sakị-paka mu ọmụ gbin ma.

Egberima-Ẹkwẹn 27:9

Sẹntị na kụnụ-olo na ị́ mịẹ tẹ í ḅioḅẹlẹ tarị ḅara nẹngịarị, kụma ḅụụ-fụka ḅo tẹ í kuroma ḅẹ dein mẹ kan-siin-arị.

Jerimaya 38:15

À nwẹnị pakịrị, “À karakara mẹ ḍuko ị́ pịrị kụma ị́ ị̀ ḅaa ḅa, tẹ à ḅẹrẹ ḍuko í toluma kụma kẹlẹ-sọ ị́ kẹ ye sịn ḅịa.”

Matiyo 21:38

Kụma ḍụọ mẹ ọkọ-apụ ma tụḅọ ḅe ẹrị sakị ini ịna aḅụụ ḅẹẹm, ‘Ḅieḅe anie ye mẹ nyanaḅọ tụḅọ ḅe; ó ḅoo, yee wa ọ̀ ḅaa, anịsakị ye mẹ wamịna nye sọ ḅa!’

Fịrịmẹnjịapụ 27:31

Pọlụ nwẹnị ọmụ-alaḅọ ḅe na ọmụapụ ma na ḅẹẹ, “Arụ asawọ ma arụ mẹ koroma som ḅẹḅẹ gbọrụḅọ-sọ ḅọrọ ḅịa.”

Ḅẹrẹkọn-apụ 9:5

Ọ̀ nwẹnị Ọfara ḅụ ọ̀ ḍa warị mu, tẹ gbọrụ ḍụḅarị ọgọnọ ḅụ Jerubalị owiapụ-awọmẹ kịnị atesi oyi finji ma ḅaa; kụma Jotamụ furo pẹlẹ owiḅọtụḅọ ḅe nwẹnị kọn, gbala ori ọ̀ ḅụụ ḅọịm ẹrẹsị.