1 Amadapụ 1:10 - FỊAFỊA BAỊBỤLỤ

¹⁰ Kụma ori na gbọrụ iyingiḅọ-a tẹ gbọrụ ḍaḅọ iyi wararị Sọlọmọnị ḅe, anịanịa Netanị ịkịankoroḅọ ḅe, anịanịa Bẹnaya, anịanịa amadaḅọ ḅe ḅụụ-ḍikiḍiki apụ ma ḅụụ, gbọrụḅọ-sọ ọ̀ sịn-a.

1 Amadapụ 1:10 Iomraidhean Croise

2 Samụẹlị 12:24

Anịtẹso Devidi ọ̀ ta Batisẹba ḅiokpọmam, tẹ mẹnjị-so á ḍọkụma-mu, tẹ árị na gbolomam; tẹ á gbọrụ owiḅọtụḅọ iyim, tẹ ọ̀ nwẹnị Sọlọmọnị kẹ ẹrẹ kẹ ò korom. KỊNỊNYANAḄỌ ḅe nwẹnị ọ̀ ḅẹlẹma,

1 Amadapụ 1:11

Anịtẹso Netanị nwẹnị Sọlọmọnị iyingi Batisẹba ḍọkụma-mu tẹ á gbela, “Amụ ị́ naa-a mịnẹ Agiti owiḅọtụḅọ Adonịja amịna ḅụụ kẹ amadaḅọ mịẹ tẹ ḅara? Tẹ Amadaḅọ Devidi sọ anị gbolomaye nimi-a!

1 Amadapụ 1:19

Ọ̀ tọnwa owi-nambulo na, anana na pịkị ḅẹlẹkị sụa tẹ asambịrịma nambulo na kẹ agba mịẹ tẹẹ, tẹ nwẹnị ị́ owiapụ-awọmẹ ma na, Abịyata, agbamịẹḅọ ḅe na, pịkị ḅẹrẹtọn ị́ ọmụ-ogbo mẹ pịrịarị ḅọ Johabụ na sịn kopini fịye mẹ suku mum, kụma í owiḅọtụḅọ Sọlọmọnị ori ọ̀ sịn-a.

1 Amadapụ 1:26

Kụma Sịḅịdaḅọ, yẹrị ori ị̀ sịn-a, anịanịa Zadọkụ agbamịẹḅọ ḅe, anịanịa Bẹnaya anịanịa Sọlọmọnị sọ.

1 Amadapụ 1:8

Kụma Zadọkụ, agbamịẹḅọ ḅe na, Bẹnaya, Jehohada owiḅọtụḅọ ḅe na, Netanị ịkịankoroḅọ ḅe na, Simeyi na, Rehi na pịkị Devidi ḅụụ-ḍikiḍiki apụ ma na ini Adonịja ḅụ ofori.

1 Amadapụ 2:13

Anịtẹso Adonịja ò iyingi Agiti nwẹnị Sọlọmọnị iyingi Batisẹba ḍọkụma-mu. Á nwẹnị gbela, “Ikia ḅara kẹ í ḅọ toluma ì ḍiki ḅẹ ḅọ mọ?” Ọ̀ nwẹnị pakịrị, “Ọkọọ,”

1 Amadapụ 4:5

Ḅẹrẹtọn kẹ tomi kpọma pịrịarị apụ ma sịḅịdaḅọ anie: Azaraya, Netanị owiḅọtụḅọ. Nimi ẹkwẹn kọn amadaḅọ ḅe pịrịarị-ḅọ anie: Zabudu, Netanị owiḅọtụḅọ.