Taitus 1:3 - Kamano

³ Hianagi Agra hunte'nea kna efore higeno, ke'amo eama higeno, mono ke hu'zana nagri hunantege'na, Anumza Tzahu ne'mofo (Savior) kasege'afi nehue.

Anumzamofo Routage Avantafere

³ Hianagi Agrama hunte'nea kna efore higeno, ke'amo eama higeno, mono ke hu'zana nagri hunantege'na, Anumza Tazahu ne'mofo (Savior) kasege'afi nehue.

Taitus 1:3 Iomraidhean Croise

Maki 1:15

Anumzamo'ma huhampri'nea kna hago eforehie. Anumzamofo kumamo'a hago eravao hie. Tamagu'a rukrahe huta knare musenkere tamentinti hiho.

Maki 13:10

Hanki esera maka mopane mopanena vahe'mo'za knare musenkea huama hanageno antahi vgaretesageno'e.

Maki 16:15

Anage huteno, maka moparega vutma knare musenkea ome huama hutma, hakare vahera zmasamiho.

Luku 1:47

nagri avamunimo'a naguvazi Anumzamofo agafa huno muse huntene.

Aposol 10:36

Nagra antah'inoe, tamagra ko knare musenkema Israeli vahe'ma zamasmi'neana antahi'naze. Anumzamofo rimpa fruzana Jisasi Kraisimpi efore hu'ne, Agra mika zamofo Rane.

Aposol 17:26

Magoke vahepinti Agra maka kaziga kuma ante'za manisaza vahera tro hu'ne. Mopafi manivitesazegu nehuno, manisnaza kna'a nenteno, kumama manisaza kumara, kankamu zamino e'ire manigahaze huno huzmantetere hu'ne.

Romu 15:19

Ruotge Avamumofo hankavefine, avame'zane, ruzahu ruzahu'za kaguvaza erifore hu'zamofo hanavere, Kraisi musenkea Jerusaleti huama hu'na Ilirikium kaziga (Masedonia-Italy) ome huvgare'noe.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

Romu 16:26

Hianagi manivava Anumzamo huzamantege'za, kasnampa vahe'mo'za avontafepina krente'naze. Ama ana kemo'a megi'a vahete eama hige'za, maka kaziga vahe'mo'za negaze. Hu'negu zamagranena nege'za zamentinti nehu'za amage antesazegure.

Romu 5:6

Tagrati'a taza hugara osu'nonkeno, Kraisi'a kumitigura kna fatgo'are efri'ne.

1 Korinti 9:17

Nagra navesite knare musenkemofonte miza e'ori eri'za erisu'na, mizama'a me'neanki'na erigahue. Hianagi navesite'ma e'norinuna, Anumzamo antahinamino, kegva huo hunante'nea eri'zanki'na e'nerue.

Galesia 4:4

Hianagi humante'nea kna fatgoma egeno'a, Anumzamo Mofavre'a huntegeno, a'mo ana Mofavre kasentegeno, kasegemofo agorga efore hu'ne.

Efesasi 1:10

Anumzamo ofenka'ati mago knama esia zupa, monane mopane eri mago huno, maka Kraisi kvafi antenaku antahi'neane,

Efesasi 2:17

Agra eno rimpa fruzana afete'ma mani'naza vahera mono ke huzmasmi'ne, hagi tva'onte mani'naza vahera arimpa fru huzmante'ne.

Filipai 1:13

E'ina hu'negu, Kraisi eri'zante kina hu'noa agafare, maka kinimofo avufare kva nehaza vahe'mo'zane, maka vahe'mo'za nentahize.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Kolosi 1:6

Ana knare musenkemo'a tamagrite e'neankino, miko kokankoka ama ana knare musenkemo'a hageno raga'a renente. Tamagrama ese knazupa ana knare musenkema nentahitma, Anumzamofo asunkuzana tamage hutma antahi ama hu'naze.

1 Tesalonaika 2:4

Hianagi anahukna huno Anumzamo'a tagrira tageno antahino huteno, knare musenkema huama hu erizana, taminegeta e'nerunanki, vahe'mo'za muse hurantesazegura nosunankino, Anumzamo Agra'a tagu'afina refko huno nerage.

1 Timoti 1:1

Nagra Poli'na, Krais Jisasi eri'za ne'mo'na Anumza Tzahu ne'ene Krais Jisasike humanantenate, emema tvaresigu Rantimofo avega nentoa aposol ne'mona,

1 Timoti 1:11

msa'nentake konarari'ane knare musenke'afi (gospol) asomu'ane Anumzamo, huzamasmio huno huhamprinante'ne.

1 Timoti 2:3

E'inahu zamo'a Anumza Tzahu ne'mofo (Savior) avufina knare nehigeno musena nehie.

1 Timoti 4:10

Amana zante amuho huta eri'zana enerita mragu'za netune, na'ankure kasefa huno mani'nea Anumzamo'ma esnigu tagra tamentinti nehune, mika zamentinti nehza vahe zamahokehe nere. (Savior)

2 Timoti 4:17

Hianagi Ra Anumzamo onatreno nagrane mani'neno hanave nami'ne, ana higeno nagrama nehua nanekemo'a ama hnige'za, maka zamufga tga osu vahe'mo'za antahigahaze. Ananku huno nagrira nahoke aheno laionimofo agipintira navzu hutre'ne.

Taitus 2:10

mago'zazamia kumzana oseho. Hagi eri'zana antahizami'are erifatgo nehnageno, e'i anazamo Anumza tzahu ne'mofo mani'za huzmerisage'za nege'za, mono nontahisaza kva vahe'mozane, megi'a vahe'mo'za zamagu'a rukrahe hugahaze.

Taitus 2:13

ana knama esigu avega anteneta muse nehune, tusi'a msa'afi efore hanigu, Ra Anumzantima, Tzahu ne' Kraisi Jisasi esigu avega ante'none.

Revalesen-Hufo Hu'ne 14:16

Anante efeke hampopima mni'nemo'a ananke fagagino asane'nea kazi erino, maka mopafima nenahu'nea hoza hamare'ne.