Romu 8:9 - Kamano

⁹ Hu'neanagi kagrira kumi kavukavazamo'a kava hunogante. Hagi Anumzamofo Avamumo kva hunegante. Tamage huno Anumzamofo Avamu'mo tamagu'afima mani'nenketa, Avamumofo kvafi manigahaze. Antahiho, Kraisi Avamumo zamagu'afima omani'nenimo'za, Kraisi vahera omani'naze.

Anumzamofo Routage Avantafere

⁹ Hu'neanagi tagrira kumi tamavutama zamo'a kava huoramanteno. Hagi Anumzamofo Avamumo kva huneramante. Tamage huno Anumzamofo Avamu'mo'ma tamagu'afima mani'nenketa, Avamumofo kvafi manigahaze. Antahiho, Kraisi Avamumo zamagu'afima omani'nenimo'za, Kraisi vahera omani'naze.

Romu 8:9 Iomraidhean Croise

Luku 11:13

Hanki tamagra havizama nehzamota, tamagra antahinaze. Knare museza mofavretmia nezamize. Mago'ane monafi mani'nea Neramafa'a, Ruotge Avamuku'ma antahigaza vahera zamigahie!

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 3:34

Na'ankure Agrira Anumzamo huntege'no e'neankino, Anumzamofo keaga nehie. Na'ankure Agra refko osuga'are Avamura aviteno ami'ne.

Joni 3:6

Mopafi vahe'mo ksente'nesiana vahere. Hanki Ruotge Avamu'mo eri fore hu'nesiazana avamure.

Aposol 16:7

Zamagrama Misia kaziga ete'za, Bitania kaziga vunaku hu'nazanagi, Jisasi Avamu'mo zamatrege'za ovu'naze.

Romu 7:5

Kumi tavutavamo kegva hurantenegeno'a, kumima hu' tavesizamo'a tagu'afina efore nehie. Hagi kasegemo'a havi tavutvamofo avesiza azeri otigeta, kumira hunkeno frizana avreno ne-e.

Romu 8:1

Ana hu'negu menina Krais Jisasi'ene hagerfi'naza vahera, havi vahere huozamantegosie.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Romu 8:2

Na'ankure Jisas Kraisimpi asimuma ami Avamumofo kasegemo, kumimofone fri'zamofo kasegefintira kazuferamantene.

1 Korinti 15:23

Hu'neanagi mago magomofona fripinti'ma azeri oti'siana kankamuma'a metere hu'ne. Esera Kraisi oti'neankino anantera, Agrama ete esnia knafina, Kraisi naga'moza otigahaze.

1 Korinti 3:16

Tamagra Anumzamofo mono no mani'nageno, Anumzamofo Avamu'mo'ma tamagu'afima mani'neana ontahi'nazo?

1 Korinti 6:17

Hianagi mago'moma Ramo'ene hagerafino manisimo'a, avamupina znagra magoke Agranena hu'ke mani'na'e.

1 Korinti 6:19

Tmavufamo'a Ruotage Avamumofo mono no me'negeno, Ruotge Avamuma Anumzamo'ma tmagri'ma tmi'nea avamumo'ma anampinkama mni'neana tamagra ontahi'nazo? E'ina hu'negu tamagra 'a su'ana omni'naze.

2 Korinti 10:7

Tamagra mago'amota amega avufgage negeta agu'afina nonkaze. Hagi Kraisi vahe mani'noe huno hanave antahintahi nentahinimo'a, atregeno agra'a agu'afi refko huno negeno, nagra Kraisi vahe mani'noe huno nentahina, tagra'enena Kraisi vahe mni'none hugahune.

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

Galesia 4:6

Na'ankure tamagra mofavre'a mani'nageno, Anumzamo Mofavre'amofo Avamu huntegeno, tagu'afi emani'neno tazeri otino, Aba, Nafa'o huno nehie.

Galesia 5:24

Hagi Krais Jisasimpi mani'namo'za, zamufamofo avu'avazane, zmesi'zanena rugeka zafare ahe fri'naze.

Efesasi 1:13

Tamagranena tamage kema Kraisimpinti ko antahitetma, manivava tamasimu eri'zanku Knare MusenKe'are tamentinti nehazageno, Agra Ruotge Avamu'anu azanko avona kreno huhampri (seal) tamanteno tamamine.

Efesasi 2:22

Tamagra ana nonkna hutma mani'nazageno, Anumzamo'ene Avamu'amo'a ana nompina mani'ne.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Filipai 1:19

Na'ankure nagra antahi'noe, kina nompi mani'nogetma, nunamu nehaza zamo'ene, Jisasi Kraisi Avamu'mo naza huno nazeri atregahie.

2 Timoti 1:14

Ruotge Avamu'ma tagu'afi maninemo kza nehanigenka, antahi kamino kami'nea kmentinti'a kegva huo.

1 Pita 1:11

Kraisi Avamumo zamagripi mni'neno, Kraisi'ma atama eriteno, ra agima erisia zankura zmasamine. Ana nehige'za zmagra Kraisi'a inankna Ne'mo, ina zupa efore hugahie hu'za hu'naze.

1 Joni 3:24

Mago vahe'mo'ma Anumzamofo kasegema antahino avaririmo'a Anumzane manigeno, Anumzamo'a agrane nemanie. Anumzamo Avamu'ma tami'nea Avamuteti antahita, Anumzamo'a tagrane mani'ne huta hugahune.

1 Joni 4:13

E'ina'ma hanuta tagra antahita keta huta Anumzamo'ene mani'none hanunkeno, Agra tagrane nemanie. Na'ankure Agra'a Avamura tamigeno tagrane mani'ne.

1 Joni 4:4

Mofavre naganimote Anumzamofo mofavre mani'naze. Mani'nageno tamagu'afima mani'nea Avamu'mo'a, mopafima mani'nea havige avamura agatere'ne.

Revalesen-Hufo Hu'ne 13:8

Maka ama mopafi mni'naza vahe'ma, ahe'naza Sipisipi Anentamofo asimu eri avontafepi zmagima, monane mopanema tro'ma osu'neno kre ontenesia vahe'mo'za, ana afi zgarera monora huntegahaze.

Revalesen-Hufo Hu'ne 20:15

Hanki izano agima asimu eri avontafepima kre ontenesimofona, mate vuno teve tirupi atregahie.