Romu 8:30 - Kamano

³⁰ Huhamprima nezamanteno'a, Agrite ehogu ke hu'ne, Agra'a fatgo vahere huno hunezmanteno, Agra'a zamazeri antesga huno ra zamagi zami'ne.

Anumzamofo Routage Avantafere

³⁰ Hagi huhamprima nezamanteno'a, Agrite ehogu ke hu'ne, Agra'a fatgo vahere huno hunezmanteno, Agra'a zamazeri antesga huno ra zamagia zami'ne.

Romu 8:30 Iomraidhean Croise

Joni 17:22

Kagrama hanavema Nagri nami'nana hanavea, Nagra zamagri zami'noe, ana hanuge'za zamagra mago hu'za manisaze. Tagrama mago huta mani'no'a kna hu'za manisazegu zami'noe.

Joni 17:24

Nenfaga, Nagri'ma nami'nana vahe'zga, Nagrama manisufi manisazegu navenesie, ana hu'ne'za Nagri'ma nami'nana hanavea kesaze, na'ankure Kagra korapa mopa omne'nea knafi, Nagrite kagu'a antenka hanavea nami'nane.

Joni 5:24

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Romu 1:6

Tamagranena Jisas Kraisi nagare hu'zama mani'naza nagapi mani'naze.

Romu 11:29

Na'ankure Anumzamo'ma muse'zama zmi'nea vahepintira, ete ana zana e'origahaze.

Romu 8:1

Ana hu'negu menina Krais Jisasi'ene hagerfi'naza vahera, havi vahere huozamantegosie.

Romu 8:21

Ama knare'zama fore hanige'za kesagu nentahize, havi'zama hu'za negasriza kinafintira kazufe'za Anumzamofo mofavre ramimofo mago'zamo kina re'ozmantege'za amne nemniza avasese kuma'afi ufregahze.

Romu 8:28

Tagra antahinone, Anumzamo'a Agri'ma aves'nentamokizmi so'eza zamigu maka zamapina erizana enerize. E'ina vahera Anumzamo'a Agri'a avesi avririhogu zamagi hu'ne.

1 Korinti 1:2

Korinti kumate nemniza Anumzamofo mono nagamotarega, Kraisi Jisasi'ma tmazeri avusese hurmantegeta ruotge (saints) huta mani'naza nagatega nevuno, mika vahe kokankoka mni'ne'za, tagri Rantie hu'za agi nehaza vahetegane, zamagri ene tagri ene Jisas Kraisi'a Rantimofo kea kreneramune.

1 Korinti 1:9

Anumzamo'a ke hunte'nere ana kemofo amage'ante Ne'mo, Agra'a Nemofo Jisas Kraisi Rantimo'ene trogoteta magopi manisunegu, tagia hu'ne.

1 Korinti 2:7

Tagrama nehunana Anumzamofo knare antahintahia, korapa oku'a retro huntegeno me'neazanku nehune. Ana antahintahizana mopa fore osu'negeno oku me'neana, e'i ana antahintahizana, menima tagrama knare hanunku retro hunte'ne.

1 Korinti 6:11

Mago'amota e'inahu vahe korapara mni'nazanagi, Anumzamo sese hurmanteno, tmazeri ruotge hu'ne. Na'ankure Ramofo Jisas Kraisi Agifine, Anumzantimofo Ruotage Avamupi higetma, tamagra Anumzamofo avufina fatgo vahe mni'naze.

2 Korinti 4:17

Hanki meni tagritema osi knazama fore nehiazamo'a, tagrira monafima umani vava hanunaza retro huneranteankita, knare huta monafi umani vava nehuta, knarezama omerisunazamo'a, makazana agateregahie.

Galesia 1:15

Hianagi nagra nenrera rimpafina forera osu'nogeno, korapa Anumzamo Agra'a asunkuzanteti huhamprinantenemo muse hunanteno,

Galesia 1:6

Nagra antri hue, Anumzamo'a Jisasi asunkuzanteti tamagi hu'nea nagamota netretma, ruzahu musenkemofo amage nentaze.

Galesia 5:8

Hagi anama ru antahintahi tamamino asevazinermante'nea vahera, tamagima hu'nea Anumzamo'a huonte'nea vahe'mo nehie.

Efesasi 1:11

korapa agafare Anumzamo Agra'a avesite ko antahino keno huteno, maka'zana Kraisinteti erisanti hare'snaze huno tvarenaku huhampri rante'ne.

Efesasi 1:5

Korapa Agra huhampri tanteno mofavreni'aza hugahaze huno Jisas Kraisinteti, tavreno Agrarega tante'ne, Agra'a so'e zanteti antahi ramino ana hu'ne,

Efesasi 2:6

Kraisimpi tazeri otino magopi mona kuma'are tantegeta, Agrane kini tra'are mani'none,

Efesasi 3:11

Ama'i korapa monane, mopane tro osu'neno, tro huntegeno me'nea antahintahi Krais Jisasi Rantimofompi eri ama hu'ne.

Efesasi 4:4

Tagra mika'mota magoke avufane, magoke Avamu me'neankino, e'ima tagi hu'neana magoke Anumzamofo naga fore hanunku tagi hu'ne.

Kolosi 3:4

Kraisi'a tagri tasimu maninemo eama hania zupa, tagranena Kraisi'ene hanavenetake masazama'afi e'ama hugahane.

1 Tesalonaika 2:12

Tagra ana nehanunketma tamagrama kama vnazana, Anumzamo'ma tamagi nehuno, Agri'a masanentake kuma erigahaze hu'nea Ne'mofo so'e kumapi vugahaze.

2 Timoti 2:11

Ama'i tamage naneke, Jisasi'ene fri'nomota, agrane ksefa huta manigahune.

Hibru 9:15

E'i ana agafare Kraisi'a vahe'mokizmine Anumzamofo amu'no nera kasefa hagerafi huvempa kea mani'ne. Ana hu'negu huhamprima zmantene'mo'za vahe'mo'za Anumzamo manivava maniza erisinti haregahaze hu'neazana erigahaze. Na'ankure Kraisi'a frino, kotema hagerafi kefi manine'za kumima hu'nazana kumizmia mizasezmanteno katufe zmante'ne.

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.

1 Pita 3:9

Vahe'mo'za havizama huramantesagetma, nona hutma haviza huozamanteho. Kema huhavizama huramantesageta, nona hutma kea huhavizana huozmanteta, tamagra Anumzamofo antahigenkeno asomu huzmanteno, Anumzamo'ma tamagima hu'neana, e'inahu hnazegu tamagi hu'neankitma, asomura tamagra erisanti haregahaze.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

2 Pita 1:10

E'ina hu'negu nenafugata, hakarezama hanafina, Anumzamo huhamprintanteno tagi hune hutma hanavetitma ketma antahitma nehutma, mani fatgo hiho. Na'ankure tamagrama e'inahu tamavutamavama hanutma trakara osugahaze.

Revalesen-Hufo Hu'ne 17:14

Ana kini vahe'mo'za Sipisipi Anentamofo ha' hunte'naku hugahazanagi, Sipisipi Anentamo'a zmaheno zmagateregahie. Na'ankure Agra ramokizmi, Ra mnineno, kini'mokizmi Kini manine. Agrama zamigi huno huhampri zmantege'za mni fatgo hu'namo'za, Agranena mnigahaze.

Revalesen-Hufo Hu'ne 19:9

Anantera ankeromo'a anage huno nasamine, Sipisipi anentamo'ma aravema hania nezantema agima hu'nemo'a muse hino hunka krento, mago'ane anage huno nasamine, Ama'i tamage Anumzamofo naneke