Romu 8:3 - Kamano

³ Mosese kasegemo'a tazahugara osu'ne, na'ankure amega tavufgamo kumike hianagi, Anumzamo'a tazahunaku ru kankamu retro huno Agra'a Mofavre tamigeno mopafi avufga erino tagrikna hu'neanagi, Anumzamo Agra'a Mofavre museza tamigeno kumimofo hankavea ahe fanane hu'ne.

Anumzamofo Routage Avantafere

³ Anumzamo'ma Mosesema ami'nea kasegemo'a tazahugara osu'ne, na'ankure amega tavufgamo kumike hianagi, Anumzamo'a tazahunaku ru kankamu retro huno Agra'a Mofavre tamigeno mopafi avufga erino tagrikna hu'neanagi, Anumzamo Agra'a Mofavre museza tamigeno kumimofo hankavea ahe fanane hu'ne.

Romu 8:3 Iomraidhean Croise

Maki 15:27

Ana nehu'za tare kumzafa netrena magoka znahe'za, magomofona azantmaga'a nehantiza, magomofona hoga'a hanti'naze.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Joni 9:24

Ete mago'ene, ko'ma avu asuhu'nea ne' agi hu'za asmi'naze, Anumzamofo avure tamage hunka huo, kavu eri hari hu'nea nera, kumi ne' mani'negeta tagra antahi'none.

Aposol 13:39

Ama ana nete'ma zamentinti hanu'za fatgo vahe manigahaze. Mosese kasegemo'a tamazeri fatgo osugahie.

Romu 3:20

Na'ankure kasegemo'ma hu'neazama avarari zampintira, Anumzamofo avufina mago vahe'mo'a fatgo vahe mani'noe huno osugahie. Na'ankure kasegemo, kumimofo keno antahino huzana erifore nehie.

Romu 6:6

Tagra antahinone kumi tavutavazana Jisasi'ene rugeka zafare hantigeno, kumimofo hankavea tagripintira eritrene. Tagra mago'ane kumimofo kazokzo eri'za vahera omani'none.

Romu 7:18

Higena nagra antahi'noe, knare zana nagu'afina omanene. Knare zana hu'nakure huna nentahuanagi anazana hugara nosue.

Romu 8:32

Anumzamo'a Nemofona aze'orino makamotagu huno tamineakino, hakarezana tamigahie.

Romu 9:3

Na'ankure, nagrima navesiana Anumzamo'a Jekopu nagara zmavresiegu navenesie, Kraisima nagri navesima avaririnigena, nagra nunamuna hanenkeno Agra'a vahepintira nahe natitrena, nenafu'za nagri nona erigahaze.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Galesia 3:13

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Galesia 3:21

Kasegemo'a Anumzamo huvempa hu'nea kene mago znarimpa osu'napi? A'o, anara osu'ne! Hagi maka kasegemo'ma kasefa tasimuma tamisiana, tagra ana kasegege amage'nenteta Anumzamofo avurera fatgo vahera manusine.

Filipai 2:7

Agra avufagura antahi amneza seno, agi omne kazokzo eri'za vahe kna huno, mopafi vahe avu'avate efore hu'ne.

Hibru 10:12

Hianagi tagri Ugagota Prisi nemo'a magoke zupa tagri knare zanku, Agra'a avufga Anumzamofo amigeno, kumitigura avufa agu'zarutegeno, Agra Anumzamofo azantamaga kaziga mani'ne. (Sam-Zga 110:1)

Hibru 10:14

Na'ankure magoke zupa avufga agu'za ru'nea zamo, zmazeri ruotge hu'naza nagamokizmia, miko zupa zamazeri knare'zantfa nehie.

Hibru 2:14

Mofavre'mo'za zamavufgane korane mani'nagu, Agranena zamagrikna huno ama avufare eme frino, fri'zamofo hankavema sata'ma kinama hurante'nea hanavea azeri amnezankna hu'ne.

Hibru 2:17

E'ina hu'negu Agri'a nefune nesaroma hunentea avu'ava huno mika'zampina nehuno, Agra Anumzamofo avurera asuragiranteno ke'are oti fatgohu prisi ne' nemanino, vahe'mokizmia kumizmi nona huno magoke zupa apasezmante ne' mani'ne.

Hibru 4:15

Hu'negu tagrima antahineramino, asunku'ma hurantega ugota prisi ne'tia mani'ne. Na'ankure miko tagrama unefrona rehe'zampina Agranena ufreneanagi, kumira osu'ne.

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.