Romu 8:10 - Kamano

¹⁰ Kumimo amega tamavufga tamahe frigahianagi, Kraisima tamagu'afima maninesnigeta tamasimu erita fatgo vahe manigahaze. Na'ankure Anumzamo tamavrene.

Anumzamofo Routage Avantafere

¹⁰ Kumimo amega tamavufga tamahe frigahianagi, Kraisima tamagu'afima mani'nesnigeta tamasimu erita fatgo vahe manigahaze. Na'ankure Anumzamo tamavrene.

Romu 8:10 Iomraidhean Croise

Joni 14:23

Jisasi'a ana kenona'a anage huno zamasmi'ne, iza'o Nagri'ma avesi nantesimo'a, ke'nia amage antesigeno, Nenfa'a avesintena tagra, agrane emanigahune.

Joni 15:5

Nagra waini zafa mani'nogeta, tamagra azankuna'a mani'naze. Iza'o Nagripi manige'na agripi mani'nomo'a, rama'a rga renente, Nagri'ma natresuta mago'zana osu'tfa hugahaze.

Joni 17:23

Nagra zamagripi manugenka, Kagra, Nagripi mani'nane, hanige'za zamagra magoke zamarimpa hu'za manigahaze. Ana hananke'za ama mopafi vahe'mo'za nege'za, Kagra huntankeno ama mopafina e'ne hu'za nentahi sagenka, Nagri'ma kvesi nante'nana kna hunka, zamavesi zamantegahane.

Joni 4:14

Hianagi izano Nagrama amisua tima nesuno'a, mago'ene tinkura ave'osigahie. Hianagi Nagrama aminaku nehua timo'a, kampu'i timo hiaza huno agu'afi me'neno, evava nehuno manivava asimu amigahie.

Joni 6:54

Mago'mo, Nagri navufa neneno, Nagri kora nesimo'a manivava asimu erisanige'na, Nagra vgare knazupa azeri otigahue.

Joni 6:56

Mago'mo Nagri navufa neneno, Nagri korama nesnimo'a, agra Nagripi manige'na, Nagra agripi nemnue.

Romu 5:12

E'ina hu'negu magoke ne'mo kumi higeno, ama mopafina kumimo'a efre'ne. Kumimo'a friza avareno egeno, frizamo'a ra huno maka vahetera vuno eno hu'ne. Hu'negu maka vahera kumi vahe mni'none. (Jen-Agf 3)

Romu 5:21

Ana hukna huno kumimo miko vahera kegva hu'neno fri'zana avrezamigeno, menina Anumzamofo knare asunku'zamo fatgo avu'avazana eritamisigeno, Jisas Kraisi Rantimofompinti manivava asimura erigahune.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

1 Korinti 15:45

Anumzamofo avontafepi anage huno krente'ne, Ese nera Adamu tro higeno, asimura erino mani'ne. (Jen-Agf 2:7) Hagi henka fore hu'nea Ada'a zamasimu zami Avamu efore hu'ne.

2 Korinti 13:5

Tamagratmi'a avame antetma tamagu'a refko huta keho, tamentintifi maninazafi? Hifi tamagra'a tamaguafina refko huta nonkazafi, Jisas Kraisima tamaguafima mni'neana, Agrira keta antahita nosaze.

2 Korinti 4:11

Na'ankure tasimu'ma erita mani'nomota Jisasi fri'zankuma huama hunazanku, hakare zupa fri kantera tavrenenteankino, Jisasi nomani'zana, ama amega tavufgare eama hanige'za kegahaze.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Galesia 2:20

Nagra Kraisi'ene keka zafare ko fri'noankina, menima mni'noana nagra'a omani'noanki, Kraisi nagu'afina mani'negena, nagrama ama navufare'ma mani'noana, Anumzamofo Nemofonte namentinti nehu'na Agra'a avesinanteno asimu'a nami'nemofonte mani'noe.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Filipai 1:23

Hianagi tarega kazigati e'nea zamo navazu huno rentrako hu'nenante, na'ankure fri'nama Kraisi'ene umani'snua zamo'a knare zantfa hugahie.

Filipai 3:9

Agra'ene tragote'na mani'ne'na, nagra'ni'a kasege avarurua kanteti fatgoa osu'noe. Hianagi Kraisinte tamentinti nehunkeno, Anumzamo fatgo vahere hunerante.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

1 Tesalonaika 4:16

Ramo'a Agra'a monafinti eneramino, hanavege huno kezanke nehanigeno, ugota ankeromo'a ageru nerinkeno, Anumzamofo ufemo krafa nehanigeno, vahe'mo'za Kraisinte zamentinti hute'za frinesaza vahe'mo'za kote'za kerifintira otigahaze.

Hibru 12:23

Kagra Anumzamofo zage mofavremokizmi zamagi'a monafinka krentenege'za atru hu'nafi e'nane. Kagra Anumzamofonte mika vahe refko nehia Nete e'nane. Miza sezamantege'za fatgo huza agru huza mni'naza vahe'mofo avamuzmimo mni'nea kumate kagra e'nane.

Hibru 9:27

Hu'negu vahe'mofonku'ma hunteneana, magoke zupa fritesuno'a kegagarera otigahie huno huntene.

Revalesen-Hufo Hu'ne 14:13

Anante mago ageru monafinti arigena nentahugeno anage hu'ne, avona krento, Ramofompi mni'ne'za frinamo'za, menintetima agafa huno vaniana muse hugahaze! Ozo huno Avamumo'a hu'ne. Zamagrama mraguzati'za e'naza zana manifru hugahaze. Na'ankure zamagrama knare zmavu'zamavama hu'zama e'naza zmavuzmavamo'a, zamagrane magoka zamage zmavaririno ne-e.