Romu 7:14 - Kamano

¹⁴ Hu'negu, kasegefina hazenkea omanene, na'ankure mopare navufga erina maninogu kumimofo kazokzo eri'za vahe' mizante atreankna nehie.

Anumzamofo Routage Avantafere

¹⁴ Hu'negu kasegefina hazenkea omane'ne, na'ankure mopare navufga eri'na mani'nogu kumimofo kazokzo eri'za vahe' mizante atreankna nehue.

Romu 7:14 Iomraidhean Croise

Jenesis 37:27

Enketa tagra mizante Ismaeli vahete Josefena atramneno, tagra agrira ohesune, agra tagri kora manine. Nefu'za ana naneke antahi'naze.

Jenesis 37:36

Ana hige'za Midiani vahe'mo'za Josefena, mizante atrazageno, Isipi ne' Fero avate kva nemo Potifa miza se'ne.

Jenesis 40:15

Na'ankure nagrira tamage huza musufa ase'za, Hibru vahe mopafinti navre'za eme nantenage'na, amafima ema mani'nofina magore huna antahi'na kena osu'noa zante navre'za mopa agu'afina hanimoke hu'nefina eme kina hunante'naze.

Proveps-Knare Nomaniza 30:2

Tamage nagra mago'a vahe'mo'zama nehaza havizana agaterena havizantfa nehu'na, vahe'mozama antahi ama'ma nehazaza hu'na antahiamara nosue.

Proveps-Knare Nomaniza 30:5

Anumzamofo kema maka ke'za antahizama hu'nazana tamage ke me'ne. Agra mika zamagu vazinoguma Agritema neaza vahe'mokizmia hankogna hu'neno zamagu nevazie.

Matiu 16:23

Hianagi Jisasi'a rukrahe huno Pitankura anage hu'ne, maniganenka namefi evuo Sataga! Nagri kana rehiza nehane, na'ankure kagra Anumzamofo antahintahi e'norine, vahe'mofo antahi'za e'nerine.

Matiu 18:25

Na'ankure ana ne'mo'a nofima hu'neana ovaknegeno, ramo hamponage ana ne'ku huno, a'mofavre'ane mika tuzampaza ante'neazana zgore ome atrenka, nofima hu'neama'a etenka vaknento higeno,

Matiu 5:22

Hianagi Nagra anage nehue, iza'o nefuma rimpa kna huntesimo'a, agra keagare otigahie. Aza'o mago nefuma huhaviza hunte'simofona, avare'za kansol kva vahete (Sanhedrin) vugahaze. Hagi iza'o neginagi ke nehie huno hanimofona, tusi'a tevefi avare tregahaze.

Matiu 5:28

Hianagi Nagra neramasmue, aza'o mago a' negeno kesane hanimo'a, hago ana a'ene monko'za agu'afina hu'ne.

Luku 5:8

Hianagi Saimon Pita'a negeno'a, Jisasi agafi renareno anage hu'ne, Ramoka nagri navatetira ogantua vuo. Na'ankure nagra kumimo avite'nea ne'tfa mani'noe!

Luku 7:6

Jisasi'a magoka zamagrane vuno, no tva'onte uravao nehigeno, ana sondia kva ne'mo rone'amokizimi huzmantege'za Jisasinte vu'za, huzmante'nea kea ome asami'naze. Ramoka nagri nontegama ezankura amuho osuo. Na'ankure nagri nontega kagrama e'arera knarera osu'noe. E'ina hu'nogu, Kagrite'ma esuana knare osu'noe.

Romu 3:9

Na'ane huta hugahune, tagra Jiu vahe'mota mago'a nagara zamagetereta knare hu'none hugahumpi? I'o, na'ankure tagra ko ana miko Jiu vahero, megi'a vahera kumimofo hankavemo refitezmantenegeta zamageta antahita hu'none. Hagi Jiu vahe'mota ru vahera zmageterenompi?

Romu 6:6

Tagra antahinone kumi tavutavazana Jisasi'ene rugeka zafare hantigeno, kumimofo hankavea tagripintira eritrene. Tagra mago'ane kumimofo kazokzo eri'za vahera omani'none.

Romu 7:18

Higena nagra antahi'noe, knare zana nagu'afina omanene. Knare zana hu'nakure huna nentahuanagi anazana hugara nosue.

Galesia 4:3

Anahukna kante tagranena mofavrema mni'neta, ama mopama kegva hu'naza avamutamimofo zmagorga'a mni'neta kazokzo hu'nonane.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

Hibru 4:12

Na'ankure Anumzamofo kemo'a kasefa huno me'neno, eri'za enerino, tarega kaziga asanenea kazimofo asenezama'a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi'nefine, zaferinamofo asinu'afi ufreno tga nehuno, tavutavazane tagutagesamofo avesizana refko nehie.