Romu 6:22 - Kamano

²² Hu'neanagi menina kumimo'a kina reoramantegetma Anumzamofo kazokzo eri'za vahe'a mani'nazageno, e'i ana avu'avazampinti tamazahu'zana enerizageno, sese huramanteno tamazeri ruotage huno, manivava tamasimu tamamigahie.

Anumzamofo Routage Avantafere

²² Hu'neanagi menina kumimo'a kina reoramantegetma, Anumzamofo kazokzo eri'za vahe'a mani'nazageno, e'i ana avu'avazampinti tamazahu'zana enerizageno, sese huramanteno tamazeri ruotage nehiankino, manivava tamasimu tamamigahie.

Romu 6:22 Iomraidhean Croise

Jenesis 50:17

anage huta Josefena asmiho, narena rena muse (plis) hugantoanki, kase hagutere'za haviza hugante'nazana kumi zamia atrezmanto. Menina muse (plis) hugantoanki, negfa Anumzamofo eri'za vahe'mota kase hagutenone. Ana kema nentahino'a Josefe zvi ate'ne.

Matiu 13:40

Havi traza eri tru hu'za tevereti kre'nazana anahu hu'ne, vgaresia knarera tevefi kregahie.

Matiu 13:43

Anama hanige'za fatgo vahe'mo'za nezmafa kumapina zgemo remsa hiankna hu'za manigahaze. Iza'o agesama me'nenigeno'a, ama naneke antahise hino. (Dan 12:3)

Matiu 19:29

Hagi azago, nonka'o, kafuhe'mofono, ksarahehe mofono, negafano, negrerano, mofavre'kao, hoza'ka'ama Nagri'kuma hunka atresamoka, 100ti'a rugaterenka ama knafina enerinka, henka esia knafina manivava kasimu erigahane.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Joni 15:16

Tamagra, Nagrira huhampri'onante'naze, hianagi Nagra, tmagrira huhampritamantena, tmazeri oti'noe, vuta nena rga'a ome rentesageno, ana rgamo me'nena, na'ankuro Nagri nagifi Nenfama antahigesageno'a, Agra amne tmigahie.

Joni 15:2

Hakare azankuna'amo Nagripi me'neno rga reontesimofona, Agra akafri netreno, hakare azankuna'amo rga rentesiana, mago'ene traga huno eri fatgo hanigeno, aguheno rga rentegahie.

Joni 4:36

Ana ne'zama hamre'namo'za hago mizazamia knare hu'za eri'naze. Hagi ana rga'ama hamre'nazana manivava mani'zante vahera zamare'za vu'naze, ana nehina aza'o hozama hankresnimo'ene, hozama hamresi'mokea, znagu'a musena magoka hugaha'e.

Joni 8:32

Ana nehutma tamagra tamage naneke antahisnageno, ana tamage nanekemo katufe tmantegahie.

Romu 6:14

Na'ankure kasegemofo agorga'a omni'naze. Hagi Anumzamofo asuntgi zamofo agorga'a mni'nazagu, kumimo'a kva huormantegahie.

Romu 6:18

Menina kumimofo kazokzoma hu' kinafina omani'naze. Hagi tamagra fatgo zamofo kazokzo eri'za vahe mani'naze.

Romu 6:21

E'ina hu'negu nankna tamazahuza erinaze? Ko'ma hu'naza tamavutamava zamo'a menina tamagaze nehie. Ana avu'avazamo'a friza erifore nehie.

Romu 7:25

Nagra Jisas Kraisi Rantimofompi Anumzamofona muse huntoe, Anumzamofo kasege antahintahiniareti amage nentuanagi, amega navufgamo'a kumimofo kazokzo eri'za e'nerie.

Romu 7:4

E'ina hu'negu, nafuhetane nasaraheta tamagra Jisasi'ene tragotaza zamo'a ko Jisasi'ene frita, kasegemofo agorga omni'naze. Hagi menina Jisasi'ma ko fripintima azeri otinemo'ene erimago huta Anumzamo'ma avenesia avu'ava zana hugahune.

Romu 8:2

Na'ankure Jisas Kraisimpi asimuma ami Avamumofo kasegemo, kumimofone fri'zamofo kasegefintira kazuferamantene.

1 Korinti 7:22

Hu'negu i'zano, kazokzo eri'za vahe mani'nesigeno, Ramo agi hu'nesimo'a, Ramofompina kina vahera omnigahie. Anankanteke kina vahe'ma omni'nenigeno agi hunesimo'a, Kraisi kazakzo eri'za vahe manigahie.

2 Korinti 3:17

Ana hu'negu Ramo'a Avamukino, Ramofo Avamuma me'nesirega, kinarente'zana omanegahie.

Galesia 1:10

Na'ankure nagrama e'inagema nehuana, vahe'mo'za antahi so'e hunantege, Anumzamo antahi so'e hunantenogu nehufi? Hifi nagrama mraguzamanetuana vahe'mo'za antahi muse hunantehogupi? Nagrama vahe'mo'za antahi muse hunante'nazegu'ma nehanuna, Nagra Kraisi kazokzo eri'za vahera omni'noe.

Galesia 5:13

Tamagra nenafugata Anumzamo'ma tamagima hu'neana kinafintira katufeta manisazegegu kea hu'ne. Ru tamagra antahita hago kinafintira katufeta mni'none nehuta, korapa tamarimpamofo avu'ava hanagi, anara osugahaze. Tamagra ovesinte avesinte hu avu'ava zampinti oza aza hiho.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Efesasi 5:9

Na'ankure msazamofo raga'a, knare'zama hu'zane, fatgozama hu'zane, tamage kema hu'za fore nehie.

Filipai 1:11

Fatgo avu'ava'zama Jisas Kraisima eri fore'ma nehiazamo tagripi avinete'na, vahe'mo'za nege'za Anumzamofona ra agi nemiza, agi'a erisaga hugahaze.

Filipai 4:17

Ama kema nehuana mago museza namihogu meme huna tamantahinogoe, hagi veva'ma hu'nare, Anumzamoma henka mizama tamamisigu nehue.

Kolosi 1:10

Ana nehutma tamagra hakare'zama hanaza zamo'a, Ramofo avurera knare nehuno, Ramofona ragi amisageno, ana miko knare erizantimo'a rga renentenkeno, Anumzamofo knare antahizampi hageta mrerigahaze.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

Taitus 1:1

Anumzamofo eri'zampi nagra Poli'na kina hu'nena, Jisas Kraisi aposol ne'mo'na, Anumzamo huhampri zamante'nea vahe zamentinti zamazeri hampo'na nehanuge'za tamage antahi'zamofo amage'nente'za, anumzamofo (godly) avu'avapi fatgo hu'za mani'nesageno,

Hibru 12:14

Miko vahe'enena hanavetinka karimpa fru hunka nemaninka, mani ruotage nehunka, agru hunka manio. Na'ankure mni ruotage osunesimo'a Ramofona onkegahie.

Jemisi 1:1

Jemisi'na Anumzamofone Ranti Jisas Kraisi kazokzo eri'za ne'mo'na, 12fu'a naga'nofi'ma mopa atretma kokankokama umani emani hu'naza nagamotarega, ama avona kreneramue.

1 Pita 1:9

Tamagrama tamentintima hanaza zamofo mizama'a, Anumzamo'a tamagu tamamena tamagu vazigahie.

1 Pita 2:16

Kina vahera omi'nazanki, fru huta mni'nagu, fru huta mni'none nehutma, ana fru tamavutamava zampina antegafita, kefo avu'avazana osutma, Anumzamofo kazokzo eriza vahe maniho.

Revalesen-Hufo Hu'ne 7:13

Anante 24'a ugagota kva vahepinti mago'mo nantahigeno, amama efeke zaza kukenama hu'nazana, zamagra iza'za mni'ne'za, igati zmagra e'naze? Hige'na,