Romu 6:2 - Kamano

² I'o anara osutfa hugahie. Tagra kumi'ma huzampina ko fri'none, nahigeta kumipina manita neone?

Anumzamofo Routage Avantafere

² I'o anara osutfa hugahie. Tagra kumi'ma huzampina ko fri'none, nahanigeta kumipina manita neone?

Romu 6:2 Iomraidhean Croise

Jenesis 39:9

Mago agtere'sa nera ama nompina omni'ne, nagrakere, mago'zane huno refite onante'ne kagra'akere na'ankure kagra nenaroga mani'nane. Inankna huna nagra tusi'a kefo'zana erifore hu'na kumira Anumzamofo avufina hugahue?

Luku 20:16

Hoza nefa'a Agra eno ana vahera eme zmahe nefrino, ana waini hoza rumokizmi hanare zamigahie. Jisasima ana kema hige'za nentahiza, anahura osugahie hu'za zamagra hu'naze!

Romu 5:11

Hu'negu Rantimofo Jisasi Kraisimpi Anumzamofona musena huntegahune. Na'ankure Rantimofo Jisas Kraisimpi ete mago'ane, Anumzamo'a tazeri mago hu'ne.

Romu 6:15

Mago'ene kasegemofo kvafina omni'none. Anumzamofo asunku'zamo taza hu'ne. Ana hu'negu mago'ene kumira hugahumpi? A'o, ana osugahune.

Romu 7:4

E'ina hu'negu, nafuhetane nasaraheta tamagra Jisasi'ene tragotaza zamo'a ko Jisasi'ene frita, kasegemofo agorga omni'naze. Hagi menina Jisasi'ma ko fripintima azeri otinemo'ene erimago huta Anumzamo'ma avenesia avu'ava zana hugahune.

Romu 7:6

Hu'neanagi tagra ko kasegemofo kinafintira katuferantegeta fru huta mni'none. Na'ankure Kraisi'ene frunkeno mago'ene kasegemofo kinafintira tavre'ne. Hianagi menina amne Anumzamofo erizana erinenteta, korapa tavutva huta kasegefima krente'naza kemofo amage' antezanopage, Avamumofo kasefa kante vugahune.

Galesia 2:19

Na'ankure kasegemo'a fri kante navrentege'na, kasegefina ko fri'noanagi, menina ama kanteti Anumzanena nasimu eri'na mani'noe. Nagrira Kraisi'ene rugeka zafare nahe'za hantizage'na, Agrane ko fri'noe.

Galesia 6:14

Hianagi nagra mago'zantere hu'na navufga erisaga osugahuanki, Rantimo Jisasi Kraisi nagriku huno rugeka zafare fri'nea zankuke navufga ra nehanugeno, Rugeka zafare'ma Kraisima eri'nea eri'zanteti ama mopafi kefo navu'nava'zamo'a ko nagripintira frigena, nagranena ama mopafi avu'ava zampina ko fri'noe.

Kolosi 2:20

Tamagra Kraisi'ene frizageno, Agra ama mopafi havi Avamumofo hankavefintira kazufe tamantegetma fru hutma mani'nazagu, nahigetma ama mopafi tra keramintera amagera antevava nehaze.

Kolosi 3:3

Tamagra frizageno, tamasimumo'a Kraisi ene frakino Anumzamofompi me'ne.

1 Pita 1:14

Ke amage'ante mofavremoza nehazaza nehutma, koma ontahinetma hu'naza tamavutamavamofo avesizana ovaririho.

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

1 Joni 3:9

Maka vahe'mo'za Anumzamofo mofavre nagapima efore hu'za mani'naza vahe'mo'za kumira nosaze. Na'ankure Anumzamofo avu'ava zamagripi me'neankiza, kumira mago'enena osugahaze. Na'ankure ko Anumzamofo mofavre mani'naze.