Romu 6:12 - Kamano

¹² E'ina hu'negu atrenkeno amega tmavufgamofona kumimo'a kvagrioramantena, tavufgamofo havi avesizana ovaririho.

Anumzamofo Routage Avantafere

¹² E'ina hu'negu atrenkeno amega tamavufgamofona kumimo'a kvagrioramantena, tavufgamofo havi avesizana ovaririho.

Romu 6:12 Iomraidhean Croise

Jenesis 4:7

Hianagi kagra'ma knare'za hnanke'na, Nagra muse hugantegahue. Hanki kagrama havizama hnankeno'a, kumimo'a kazeri kagaterega hianagi kagra hankavetinka mani'nenka kumira azeri agatero.

Romu 13:14

Hu'neanagi atrenkeno, Ramo, Jisas Kraisi tamagripina mani'neno, kefozama hu tavesizana eri atreno.

Romu 2:8

Hu'neanagi Agra rimpa he'zana rukaha hutresigeno, iza'zoma zamagraguke nentahiza, tamage ke'mofo amage'ante zanku zamagena hunemiza, kefo avu'ava nehanaza vahete egahie.

Romu 5:21

Ana hukna huno kumimo miko vahera kegva hu'neno fri'zana avrezamigeno, menina Anumzamofo knare asunku'zamo fatgo avu'avazana eritamisigeno, Jisas Kraisi Rantimofompinti manivava asimura erigahune.

Romu 6:14

Na'ankure kasegemofo agorga'a omni'naze. Hagi Anumzamofo asuntgi zamofo agorga'a mni'nazagu, kumimo'a kva huormantegahie.

Romu 6:16

Tamagra amage antegahune hanaza zamofo kazokzo eri'za vahe'ma mni'nazana ontahi'nazo? Tamagra amne kumimofo kazokzo eri'za vahera manigahazanagi, ana zamo fri kante tamavreno vugahie. Anumzamofo amage antesutma fatgo nomaniza erigahaze.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Romu 8:13

Hu'negu tamagrama kumimofo avesi avariritma manisnuta frigahaze. Hu'neanagi Avamumofo hanaverema kumi tamavutmavazamofo ahefrisuta, tamasimu erita manigahaze.

2 Korinti 4:11

Na'ankure tasimu'ma erita mani'nomota Jisasi fri'zankuma huama hunazanku, hakare zupa fri kantera tavrenenteankino, Jisasi nomani'zana, ama amega tavufgare eama hanige'za kegahaze.

2 Korinti 5:4

Tagrama ama mopafi tavufgare'ma mani'neta tusiza huta kragira nerune. Na'akure tagra tavufa tavapako omnita kukena hunaku nehune. Hianagi monare kukena antaninunkeno asimuma erino manizamo fri tavufga ahe fanane hanigeta, mevava tavufga erigahune.

Galesia 5:16

Hianagi anage hu'na neramasamue, Avamu'ene kama vanoma hanazana, tamavufgamofo avesi'zana amagera ontegahaze.

Galesia 5:24

Hagi Krais Jisasimpi mani'namo'za, zamufamofo avu'avazane, zmesi'zanena rugeka zafare ahe fri'naze.

Efesasi 2:3

Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne.

Efesasi 4:22

Korapa ama mopafi kasri avu'avaza mani'zantamifi me'neane, maka havi tamagu tamagesa me'neane, havige avu'ava'zanena atreho.

1 Tesalonaika 4:5

Tamagra havi tamagu tamagesamofona kazokzo vahe'agnara nosutma, Anumzamofo keno antahino osu vahe'mo'za nehaza zana osiho.

2 Timoti 2:22

Menia kahefa vahe'mo'za kefo avu'avazanku zamagesa nentahizankna osunka atrenka fro, fatgo zamofo nevaririnka, kmentinti nehunka, vaheku kvesinezmantenka fru hunka manio. Iza'o fatgo huno nemnino, Ra Anumzamofo agihanta nevzisia vahe'ene manio.

Taitus 2:12

Tagri rempi huramino mono ontahi avu'avazane, ama mopafi zanku avesi'zanena atreho nehuno, hagi tmufa kva huta, fatgo huta anumza (godly) avu'avate ama kna'afina maniho,

Taitus 3:3

Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

1 Pita 1:14

Ke amage'ante mofavremoza nehazaza nehutma, koma ontahinetma hu'naza tamavutamavamofo avesizana ovaririho.

1 Pita 2:11

Navesima neramantoa nenafugta, tamagra zoka vahe mopazmi omne vahekna hutma ama mopafina mni'naze. E'ina hu'negu, tamavufamofo havi avesizamo'ma ha'ma reneramantea zampina uofreho hu'na nagra huneramasamue.

Juti 1:16

Zamagra zamarimpa knage nehu'za, nazinke nehantage'za, kefozama hu'naku'ma hanazaza hugahaze. Zamagra rankege nehu'za ru'mozama zamigima zamizankuke hu vahe manigahaze.

Juti 1:18

henka vagare knafina hunte'za kiza zokago ke hunte vahe fore nehu'za Anumzamofoma zamage'na hunemi'za, kefo zamavuzamava hanaza vahe manigahaze.