Romu 2:27 - Kamano

²⁷ Tamage amega avufga tga osu, megi'a vahepinti iza'o Anumzamofo kasege amagema antesimo, Jiu vahe oku tamavufga tga hu'nesaza vahe'mota Anumzamofo kasege amage nontesaza vahe'motagu keagafi manigahaze hu'za hurmantegahaze.

Anumzamofo Routage Avantafere

²⁷ Tamage amega avufga taga osu, megi'a vahepinti iza'o Anumzamofo kasege amagema antesimo, Jiu vahe oku tamavufga taga hu'nesaza vahe'mota Anumzamofo kasege amage nontesaza vahe'motagu keagafi manigahaze hu'za hurmantegahaze.

Romu 2:27 Iomraidhean Croise

Matiu 3:15

Hianagi Jisasi ke nona'a Jonina asmi'no, Menina amne fre nantegahane, na'ankure tagrati'a e'inama hanu'ana fatgo avu'avaza hugahue, higeno Joni'a Agri ke antahino,

Aposol 13:22

Anumzamo'a kini Solina azeri netreno, Deviti azeri otigeno kini manino kva huzmante'ne. Agra anage huno Devitinkura hu'ne, Nagra kogeno Jesi nemofo Deviti'a, Nagri'ma nagu'afima navenesia'zana agra nevaririno, maka'zama huo hanuazana hugahie. (Sam-Zga 89:20, 1 Sam 13:14)

Romu 13:10

Tva'ontema mni'namokizmi avesintezamo'a havizana omnene. E'i ana hu'negu vahe'ma zmesintezamo'a kasege eriknare nehaze.

Romu 2:15

E'inahuma hazazamo zamagrira Anumzamofo kasegema zamagu'afi krenteneana erinteama nehaze. Ana hu'negu zamagra zamagu'afi nentahizageno, antahintahiza'zmimo zmasamino, knare'za nehazanki haviza nehaze huno nezmasamie.

Romu 2:20

Tamagra tamagesama antahizana vahe'mo'zama neginagi avu'avaza nehaza vahe'mokizmi kana zamaveri nehune nehuta, mofavremokizmi Anumzamofo kana rempi hunezamune huta nehaze. Na'ankure Anumzamofo kasegefina, knare antahizane tamage'zana antahi vgare'none huta nentahize.

Romu 2:25

Na'ankure Jiu vahe'motma tavufga tgahu tamavutamava zamoma knarema hanie hanutma, kasegemofo amagema antesageno'e. Hianagi kasegema rutagrenageno'a tamavufga taga nehaza tamavutamavazamo'a amne'zankna hugahie.

Romu 2:26

Hagi megia vahe'mo'za zamavufga taga osune'za, Anumzamofo kasegema amagema'antesazana, zamufga taga osu'naza zamo'a zamufga tgahu vahekna hugahaze.

Romu 2:29

Tamage Jiu vahema mni'nakuma hanuza, kasegemofo amage antegahaze. Tamage oku avufgama tga huzana agu'afi tumo'amofo Anumzamofo Avamumo erifore hugahianki, amega avufgare erifore osugahie. E'inama nehaza vahe'mo'za vahe'mofo tegatirompage, Anumzamofontegati ra zmagima erisaza zanku nehakaze.

Romu 3:30

Zamufga taga hu'naza vahe'ene, zamufa taga osu vahe'mofona, Magoke Anumzanke mani'neankino, zamentintima haza vaheku fatgo vahe mani'naze nehie.

Romu 8:4

Fatgo huta kasegemo hu'neankante manisunegu Anumzamo'a anazana hurantene. Higeta menina tagra ko'ma kefozama nehunazana netreta, Ruotge Avamumofo avesizante nevune.

1 Korinti 7:19

Avufgama taga hu'zane, avufgama tga osu'zamo'a amane'za me'ne. Hianagi Anumzamofo kasegema amage ante'za razana me'ne.

2 Korinti 3:6

Agra anazanke huno tagrira huranteno hankave tamigeta kasefa hagerafi kea hu'nea zamofo kegva hu'neta erizana e'nerune. Avompima krentenea zankura nosunanki, avamupi zanku nehune. Na'ankure Avompima krente zamo'a zamahe nefrie. Hianagi avamumo'a, zmasimu nezamie.

Galesia 5:14

Na'ankure maka kasegemo'a magoke kasegefi eri knare hu'ne, anagemo'a anage hu'ne, Tavaonkarema mani'nesamokizmia, kagragu'ma kavesintanaza hunka zmavesintegahane hu'ne. (Lev-Pri 19:18)

Efesasi 2:11

E'i zanku tamagra tamagesa antahiho, korapara tamagra megi'a vahere huta mani'nazane (Gentiles), tamagima ante'nazana, zamufa tga osu vahere nehu'za, zamufama tga nehaza vahe'mo'za, (Jiu) e'i zamazanu zamufa azeri'ne'za tga nehaze.

2 Timoti 3:15

Osi'moka otage avon tafepima me'nea nanekea antahime enka e'nane, e'i ana nanekemo knare kagukagesa negamina kmentinti nehunka, Krais Jisasipinti kahokeno kagu'vazizana erigahane.

Hibru 11:3

Tamentinti nehunku, Anumzamo'a ke'areti ama mopane, monanena trohune huta antahi amara nehune. Ana hu'negu menima tavuma negona zana, Anumzamo'a nonkona zanteti tro hu'ne. (Jen-Agf 4:3-10)