Romu 2:16 - Kamano

¹⁶ Hagi mago kna ne-enkino Anumzamo'a Jisas Kraisimpi ana miko vahe'mofo oku'a antahintahizmia refko hugahie. Ama knare musenkemo hu'nea kante neramasamue.

Anumzamofo Routage Avantafere

¹⁶ Hagi mago kna ne-enkino Anumzamo'a Jisas Kraisimpi ana miko vahe'mofo oku'a antahintahizmia refko hugahie. Ama Knare Musenkemo hu'nea kante neramasamue.

Romu 2:16 Iomraidhean Croise

Jenesis 18:25

E'i kagri kavu kvara omne'ne, havi vahe'ene, ftago vahe'enema ahe fnane hankeno, havi vahe'ene, fatgo vahe'ene mago'zahu knazana e'origahaze. Mika mopafi vahe'mota refko nehana nemoka mago'zanke hunka refko nehane.

Matiu 16:27

Vahe'mofo mofavremo ankero tmima'ane, Nfa'amofo hanavefi esuno'a, Agra magoke magoke'moma hu'nenia avu'avate anteno mizana amigahie.

Luku 8:17

Na'ankure mago'zamo'a fraoki'nigeno, oku'ama me'nesiazamo'a magore huno frara kino omne'nenige'za onkegahaze. Hanki eama masare hanige'za maka vahe'mo'za kegahaze.

Joni 12:48

Iza'o Nagri nenatreno, ke'ni'a ontahisimofona, e'i anamofona refko'ma haniana, ama nanekema nehua nanekemo maka'za vgare knare, henka'a refko huntegahie.

Aposol 10:42

Mono kea vahera ome zamasmiho huno huhanavetino huranteno, kore ke huzmanteta, Anumzamo azeri antesga huno fri vahete'ene mani vahetera keaga Jisasi'ke refko huzmantegahie.

Aposol 17:31

Na'ankure ama mopama Agrama refako hania kna, agra'a fatgo avu'ava zampi ko huhampri tegeno me'ne. Mago ne' huhampri ante'neana miko vahera amate huzameri huno fri'nefinti azeri oti'ne.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

Romu 2:5

Hianagi krimpa'mo hankavetigenka kumimofoma kamagena humizankura kavenosie. E'i kagra'a, kefoza huno havizantfa hu'nea mizama erisana mizanka'a eri atru nehane. Na'ankure Anumzamo'a rimpahe kna ne-enkino fatgo refakozama'a erinte'ama hugahie.

Romu 3:6

I'o, Anumzamo'ma fatgoma osu'nesuno'a mopafi vahe'ene mikozana refko huga osu'neankino, inankna huno refko hugahie?

1 Korinti 15:1

Hanki nenfugatane nasarehegata Anumzamofo knare musenke ko tmasamugeta eri'neta, oti hanavetita anankere tamentinti hu'naza naneke hurmagesa hunaku nehue.

1 Korinti 4:5

E'ina hu'negu refko osuta atreta avega ante'nenkeno, huhamprinte'nea knama Ramo'ma esuno'a, Agra hanimpi oku'a frakino vahe'mofo tumopi me'neasizana, emeri ama nehuno, vahe'mofo agu'afi me'nesiazana eriama hugahie. E'i anankna magoke magoke'mofona, Anumzamo huzmasga huzmantegahie.

2 Korinti 5:10

Na'ankure tagra ana miko'mota Kraisi avuga keaga refkohu trate otisunkeno, magoke magokemota ama tavufgare mani'neta, knare'zano havizano hu'nesuna avamente anteno, mizana tamitere hugahie.

Galesia 1:11

Na'ankure nenafugata nagri'ma navesiana, knare musenkema huama nehuana, vahe'mofo antahintahireti hunoramie huta antahi ama hnazegu nehue.

1 Timoti 1:11

msa'nentake konarari'ane knare musenke'afi (gospol) asomu'ane Anumzamo, huzamasmio huno huhamprinante'ne.

2 Timoti 2:8

Jisas Kraisinku kagesa are'are huo, fripinti eteno oti'ne, Daviti negeho'e, knare musenke (gospol) huama nehue.

2 Timoti 4:1

Timotiga Anumzamofo avufine, Kraisi Jisasima kasefa huza mani'naza vahe'ene, fri' vahe'ene refko huzmantesia ne'mofo avufi, Agra'ama eama nehinkeno, Agri'a mona kumamo efore hania knagura,

2 Timoti 4:8

Henka tagenoka hania zupa, fatgo avu'avazamofo kini fetori antani nantesiana antenante'ne. E'i Ra Anumzama fatgo huno naneke fgagohu ne'mo, ana knama ehnatisia zupa namigahie, nagrikera onmigahie. Hagi maka veama avesi nente'za eama hanigu Agri avegamanentaza nagamozane erigahaze.

Hibru 9:27

Hu'negu vahe'mofonku'ma hunteneana, magoke zupa fritesuno'a kegagarera otigahie huno huntene.

1 Pita 4:5

Hianagi zamagra keagama refkoma hu Jasi nemofonte oti'za, nankna zmavu'zmava hu'nenazana nesamisage'za, fri vahe ene kasefa hu'za mni'naza vahe'enena refko huno keaga huzmantegahie.

2 Pita 2:9

Hankino e'i Anumzamofo fatgo avu'avama nehaza vahema, zamagu'mavazi'nea kankamuna antahineankino, hazenke zampintira zmagu nevazino, havi zmavu'zmavama hanaza vahe'mo'za menintetira knazampi manime vu'za, vahe'ma refkoma huzmante knarera uhnatigahaze.