Romu 2:12 - Kamano

¹² Na'ankure megi'a vahe'mo'za Anumzamofo kasege krenteneana ontahine'za kumira hugahazanagi, zamahe fanene hugahie. Jiu vahe'mo'za Anumzamofo kasege eri'naza vahe'mozama kumi'ma hanazana, ana kasegereti refkoa huzmanteno knazana zamigahie.

Anumzamofo Routage Avantafere

¹² Na'ankure megi'a vahe'mo'za Anumzamofo kasege krenteneana ontahine'za kumira hugahazanagi, zamahe fanene hugahie. Jiu vahe'mo'za Anumzamofo kasege eri'naza vahe'mo'zama kumi'ma hanazana, ana kasegereti refkoa huzmanteno knazana zamigahie.

Romu 2:12 Iomraidhean Croise

Matiu 11:22

Tamage hu'na neramasamue, Taia vahe'mo'zane, Saidon vahe'mo'za Anumzamoma vahema refakoma huknare osi'a knaza erigahazanki, tamagra rama'a knaza zamagareta erigahaze.

Matiu 11:24

Tamage hu'na neramasmue, vahema refakohu knarera, Sodomu mopafi vahe'mo'za erisaza knazana, agateretma ra knaza erigahaze.

Joni 19:11

Jisasi ke nona'a asmi'ne, Kagra Anumzamoma hanavema onkamiasina, Nagri'ma kegva hunantega hanavea e'orintesine, hagi monafinkati ne'mo hanigenka anara hugahane. Na'ankure navreno kzampima eme ante'nemo'a, kagrira kagatereno tusi'a kumi hu'ne.

Aposol 2:23

Ama ana nera, Anumzamo antahino ahegahaze huno korapa retro hu'nea kante antetma, tamagra avaretma megi'a vahe zamazampi antage'za, keka zafare hanto ahegeno fri'ne.

Romu 1:32

Zamagra ko Anumzamofo kasegemo'ma fatgo osu zmavu'zmavama hanaza vahe'mo'za frigahaze hu'nea kea antahinazanagi, ana kesegea amage nonte'za, ana kefo avu'avazana nehu'za, mago'ane rumokizmia hiho hu'za antahintahia zamizage'za nehaze.

Romu 4:15

Hu'negu kasege'mo'a arimpahe'za avreno ne-e. Hianagi kasegema omneresina kasegema rutagre'zana omanesine.

Romu 8:3

Mosese kasegemo'a tazahugara osu'ne, na'ankure amega tavufgamo kumike hianagi, Anumzamo'a tazahunaku ru kankamu retro huno Agra'a Mofavre tamigeno mopafi avufga erino tagrikna hu'neanagi, Anumzamo Agra'a Mofavre museza tamigeno kumimofo hankavea ahe fanane hu'ne.

1 Korinti 9:21

Kasegema e'ori namokizmi zmavrenakura, kasege e'ori vahe kna hu'na mni'ne'na nezmavaroe. Nagra Anumzamofo kasegema avariri zantera mni'noanagi, nagra Kraisi kasegemofo agorga'a mni'nena, kasegemofo agorga'a omni'namokizmi nezmavroe.

Galesia 3:10

Na'ankure kasegema avaririzante Anumzamo'a muse hunantegahie hanimo'a, kazusifi mani'ne. Anumzamofo avontafepina anage hu'ne, mika vahe'mo'za mika kasegema amage'ma ontesnamo'za kazusifi manigahaze hu'ne. (Diu-Kas 27:26)

Galesia 3:22

Hianagi Anumzamofo avontafemo'a anage hu'ne, Kumi'mo'a maka vahera kina huzmante'negu, Anumzamo'ma huvempa hu'neazama erisazana magoke kana, Jisasi Kraisinte zamentinti hanamo'za erigahaze.

Jemisi 2:10

Na'ankure, aza'o ana mika kasege amage'nenteno, anampinti Anumzamofoma magoke kasege'a ruhantagisiana, ana mika kasege ruhantagigahie.