Romu 16:7 - Kamano

⁷ Nagri'a nagapinti Antronikasi ene Juniake, nagrane magoka kina hu'namokizni musenke huznantene hiho. Aposol nagamo'za ke'za antahiza hu'naza netrene. Znagra kota Kraisintera znagu'a rukrehe hutakena, nagra henka nagu'a rukrehe hu'noe.

Anumzamofo Routage Avantafere

⁷ Nagri'a nagapinti Antronikasi ene Juniake, nagrane magoka kina hu'namokizni musenke huznantene hiho. Aposol naga'mo'za zanage'za antahiza hu'naza netrene. Zanagra kota Kraisintera zanagu'a rukrehe hutake'na, nagra henka nagu'a rukrehe hu'noe.

Romu 16:7 Iomraidhean Croise

Joni 14:20

E'i ana knazupa, tamagra antahigahaze Nagra Nenfana agu'afi mnugeta, tamagra Nagri nagu'afi manisagena, Nagra tmagri tmagu'afi manigahue.

Joni 15:2

Hakare azankuna'amo Nagripi me'neno rga reontesimofona, Agra akafri netreno, hakare azankuna'amo rga rentesiana, mago'ene traga huno eri fatgo hanigeno, aguheno rga rentegahie.

Joni 6:56

Mago'mo Nagri navufa neneno, Nagri korama nesnimo'a, agra Nagripi manige'na, Nagra agripi nemnue.

Romu 16:10

Kraisi eri'za tamage huno eneria ne' Apelesi musenke hunentena, Aristobulusi nompi nemniza nagara, musenkea huzmantoe.

Romu 16:11

Nagri nagapinti ne' Herotionina musenke hugantene hutma asamiho. Nasisusi nompi, Ramofonte mni'nazana nagakura musenke huramante huta zmasamiho.

Romu 16:21

Magoka eri'za eneru'a ne'mo Timoti musenke atreramante. Anahukna hu'za nagri nagamo'za, Lusiusima, Jesonima Sosipeta'zanena musenke hurmantaze.

Romu 16:3

Krais Jisasimpima magokama eri'zama e'nerunamokiznia Prisirane Akuilakizania muse keni'a znasamiho.

Romu 16:6

Maria tamagriku huno hanavetino eri'zama eneria a'mofona musenke hugantene hutma asamiho.

Romu 16:8

Ampliatusina, Ramofompi navesinentua ronenimofona musenke hunteho.

Romu 16:9

Magoka Kraisi eri'za e'neruna ne' Ubanusina musenke hunentena, knare roneni'a Stekisina musenke huntoe.

Romu 8:1

Ana hu'negu menina Krais Jisasi'ene hagerfi'naza vahera, havi vahere huozamantegosie.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Romu 9:3

Na'ankure, nagrima navesiana Anumzamo'a Jekopu nagara zmavresiegu navenesie, Kraisima nagri navesima avaririnigena, nagra nunamuna hanenkeno Agra'a vahepintira nahe natitrena, nenafu'za nagri nona erigahaze.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

2 Korinti 11:23

Zamagra Kraisi eriza vahepi? Ama nanekema hanuana neginagi vahe'mo'za nehazankna nehue. Nagra zamagterena tusiza hu'na Anumzamofo eri'za e'nerina, zamagterena kina nompina rama'a zupa manina, rama'a zupa kanonutira nahetere hazage'na frikante vu'noe.

2 Korinti 12:2

Nagra antahi'noe, 14ni'a kafu evunefina Kraisi ene hagerafi'nea ne'mo, nampa 3 monafinka (mareri agatere kumate) marerineana amega avufgarero, avamupino manineno mreri'neo nagra ontahi'noe, Anumzamoke antahine.

2 Korinti 5:17

E'ina hu'negu mago'mo'ma Kraisimpima manisimofona Anumzamo'a azeri kasefa vahe fore nehie. Antahi ani huo, korapa avu'avamo'a fnane nehigeno, kasefa avu'ava fore nehie.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Galesia 1:22

Judia kazigama mono nagama Kraisimpi mni'namo'za, nagrira navufina onage'naze.

Galesia 2:2

E'inama hu'noana na'ankure oku'a fraki'nea nanekea, Anumzamo nagri naveri hu'nea naneke megi'a vahepi huama hu'noa kea ome zmasami'noe. Menima e'nerua erizamo'ene, ko'ma eri'noa eri'zamo'a amnezanknara osinogu kva vahe zamagrike ome zamasami'noe.

Galesia 2:6

Hianagi ra zmagima eri'naza vahe'mokizmia, ra zmagima eri'nazo, ra zmagi e'ori'nazo nagra ana zankura nontahue. Anumzamo'enena ra zmagigura nontahie. Ana zmagima me'nea vahe'mo'za mago kea nagri kerera osu'naze.

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Galesia 6:15

Na'ankure avufama tga hanio, avufama tga osniana razana omnene, hianagi agu'a rukrehe huno kasefa'ma huno mani'zamo tamagezana me'ne.

Efesasi 2:10

Na'ankure tagrira, Agra'a tro hurante'ne, Krais Jisasimpi knare eri'za erisnunku, Anumzamo korapa ana kana retro hunte'neankita, knare eri'za enerita ana kantera vugahune.

Kolosi 4:10

Aristakusi'a nagrane kina huta kina nompi manino'a ne'mo musenke atreneramantegeno, anazanke huno Banabasina nefu, Maki'a musenke huramante. Ko'ma agri agenkea tamasmi'noa nekino, tamagritega esigetma muse hutma avreho.

Falimoni 1:23

Kraisi Jisasi erizanku hu'za magoka kina hurante'naza ne'mo, Epafrasi'a musenkea atregante.

1 Joni 4:13

E'ina'ma hanuta tagra antahita keta huta Anumzamo'ene mani'none hanunkeno, Agra tagrane nemanie. Na'ankure Agra'a Avamura tamigeno tagrane mani'ne.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

Revalesen-Hufo Hu'ne 1:9

Nagra Joni'na neramafu'na Anumzamofo kumaku'ma knama enerita Jisasinte'ma kazigazi huta magoka nevumo'na, navre'za ti amunompi Patmosie nehaza mopa, me'nere ome nante'naze. Na'ankure Anumzamofo kereku'ene, Jisasi agenkema huama'ma nehua zanku anara hu'naze.