Romu 16:18 - Kamano

¹⁸ Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

Anumzamofo Routage Avantafere

¹⁸ Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zamireti, fatgo zamavu'zmava'ma nehaza nagara zamarevatga nehaze.

Romu 16:18 Iomraidhean Croise

Proveps-Knare Nomaniza 14:15

Osia antahintahima erinaza vahe'mo'za, maka zankura zamentinti nehaze. Hianagi knare antahizane vahe'mo'a, kama vu zama'afina kva nehie.

Proveps-Knare Nomaniza 22:3

Ankere antahizane vahe'mo'a, hazenke zama ne'esigeno negeno maniganesigeno agateregahianagi, knare antahizama omane vahe'mo'a, hazenkema fore'ma nehanigeno'a, negeno nevuno ana hazenkezana erigahie.

Proveps-Knare Nomaniza 8:5

Antahizantmi omane vahe'motma eta refakomahu antahizana emeriho, neginagi antahi'zane vahe'motma, eta antahi amahu antahi'zana emeriho.

Matiu 24:11

hakare havi kasnampa vahetami fore hu'za mika vahera havigante zmarentegahaze.

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Matiu 6:24

Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Matiu 7:15

Kva hiho havige kasnampa vahekura, sipisipimofo avufa erihankre'za egahzanagi, zamagu'afinka afi kra egahaze.

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Romu 14:18

Na'ankure iza'o Kraisima ama ana avu'avatetima avaririsimofona, Anumzamo'a muse hunetesigeno, vahe'mo'za nege'za hugnare huntegahaze.

Romu 16:19

Kema amage nentaza tamavutmavamofo nanekea maka vahe'mo'za antahivgare'naze. Hianagi tmagrikura musezanimo'a avite'ne. Hianagi nagri'ma navenesiana, knare antahintahizanteti tamagra knare'ma hu'nesia avu'ava nehutma kefozana osiho.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

2 Korinti 2:17

Mago'amo'za zgo erigahune, nehu'za Anumzamofo naneke huama nehzana, tagria Anumzamo hurantegeta fatgo huta huama nehune. Huama nehunana Kraisi'a tagu'afi nemanigeta Anumzamofo avure huama' nehune.

2 Korinti 4:2

Hianagi tagra agazegu huno oku'a huga avu'avara nosune, vahe'mokizmi rezmatga huta zmazeri havizahu avu'avazana nosuta, Anumzamofo kegaga eriruvahe huta vahe'mokizmia rezmatga nosune. Hianagi Anumzamofo avure ene vahe'mokizmi antahizampina, tagripina tamage'zamo eama hanigeza kegahaze.

Galesia 1:10

Na'ankure nagrama e'inagema nehuana, vahe'mo'za antahi so'e hunantege, Anumzamo antahi so'e hunantenogu nehufi? Hifi nagrama mraguzamanetuana vahe'mo'za antahi muse hunantehogupi? Nagrama vahe'mo'za antahi muse hunante'nazegu'ma nehanuna, Nagra Kraisi kazokzo eri'za vahera omni'noe.

Filipai 2:21

Na'ankure zamagra maka'mo'za zamagri'ma zamenesia zante kegva nehu'za, Kraisi Jisasi zana kegva nosaze.

Filipai 3:19

Zamagrama fri'snazana, ka vu'zazmimo'a havizantfa hugahie. Zamarimpamofo avesi'zamo oti oti huno anumza zamigna nehige'za, zamagaze osige'za, havi avu'ava zanku muse nehu'za, mopafi zankuke zamagra nentahize.

Kolosi 2:4

Ama kema neramasamuana mago'mo atrenkeno knare masevenke'afinti reramatga osino.

Kolosi 3:24

Kagra Ramofontegatima musezana erisintiharegahane hu'nea zana erisana zankura ko antahinane. E'i Ramofo Kraisi erizama enerinane.

2 Tesalonaika 2:10

Anumzamo'a zamagu'ma vazisigu'ma tamage kema zami'neana, zamagra zamentintia osu atre'nazagu, Agra mika havige avu'ava zante'ma fananema hu kantema nevaza vahera rezamatga hugahie.

1 Timoti 6:5

maka'zupa zamagu'amo knare osu'nea vahe ene fra nevziza, zamagu zamagesamo haviza hu'nea vahe'mo'za tamage kea nosaze. Zamagrama antahi'zana Anumzamofo nanekefintira feno erisanti haregahune nehaze.

Jemisi 1:1

Jemisi'na Anumzamofone Ranti Jisas Kraisi kazokzo eri'za ne'mo'na, 12fu'a naga'nofi'ma mopa atretma kokankokama umani emani hu'naza nagamotarega, ama avona kreneramue.

2 Pita 2:3

Anama nehaza vahera maka zanku kezmanunu hu vaheki'za, havi kereti tamazeri savri hugahaze. Hianagi Anumzamo'a korapa zmazeri haviza hunaku krunage vahera huhampri zmante'neankino, anama zmazeri havizama haniazamo'a ne-e.

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.

Juti 1:12

Hagi ana vahe'mo'za Ramofo avesizanku'ma muse huta ne'zama retro'ma hanafina zamagraguke nentahiza zmagazegura nosu'za tamagripima efresu'za, hagerimpi havemo me'neno ventema ahe haviza hiankna nehu'za, hampomo eri atru huteno ko'ma orienkna hu'za rama'a huvempa hugahazanagi, anama huvempa hu'nesazazana osugahaze. Zamagra rga'a tagi knafi rga reonte zafagna hu'naze. Hanki zafamofo rafu'na'aga tasagi hutreankna hanige'za magoke zupage ofrigosazanki, tare zupa frigahaze.

Juti 1:16

Zamagra zamarimpa knage nehu'za, nazinke nehantage'za, kefozama hu'naku'ma hanazaza hugahaze. Zamagra rankege nehu'za ru'mozama zamigima zamizankuke hu vahe manigahaze.

Revalesen-Hufo Hu'ne 1:1

Anumzamo'a eri'za vahe'araminte kofta huno fore'ma haniazana, oku'a me'nea ke Jisasi'a ankero ne'a amino huntegeno, eriza ne'are Joninte emeri ama hu'ne.