Romu 12:3 - Kamano

³ Na'ankure Anumzamo'ma asunkuzama'areti asumaraginantenereti, maka motarega amanage nehue, tamagratmigura antahinkeno rana osenketa, vahe'mo'za nemaniza kante maniho. Tamagra'a tamavutamava refako hutma negeta, Anumzamo tamami'nea tamentintireti, tamagra ina avamente maninafi refko hutma keho.

Anumzamofo Routage Avantafere

³ Na'ankure Anumzamo'ma asunkuzama'areti asumaraginantenereti, maka motarega amanage nehue, tamagratmigura antahinkeno rana osenketa, vahe'mo'za nemaniza kante maniho. Tamagra'a tamavutamava refako hutma negeta, Anumzamo tamami'nea tamentintireti, tamagra ina avamente mani'nafi refko hutma keho.

Romu 12:3 Iomraidhean Croise

Proveps-Knare Nomaniza 25:27

Vahe'mo'ma ra'ma'a tumerima ne'zamo'a, knarera osu'ne. Vahe'mo'ma agra'a ra agima erizanku'ma mraguzamati'zamo'a, knarera osu'ne.

Proveps-Knare Nomaniza 26:12

Neginagi vahe'mo'za amuhama hazazamo'a, ama' antahizane vahe'ma mani'none hu'za antahiza vahera zamagateneraze.

Luku 18:11

Farisi ne'mo'a otineno anage huno agra'agu nunamu hu'ne. Anumzamoka nagra susus huna muse nehue, mago'a vaheknama osu'na havige huno musufa nesea vaheknara nosuna, kefoza nehaza vahekna osu'na, arave netanaza vahekna nosuna, ama takesi zgo eneria ne'kna osu'noe.

Joni 3:34

Na'ankure Agrira Anumzamo huntege'no e'neankino, Anumzamofo keaga nehie. Na'ankure Agra refko osuga'are Avamura aviteno ami'ne.

Romu 1:5

Jisas Kraisi azampi Anumzamo'a asunku huranteno, Agri agifi Anumzamo'a aposol eri'zama miko megi'a vahetema erisunku huhampritantene. E'ina hu'negu zmagra Agri Agifina amagera nente'za zamentintia hugahaze.

Romu 11:20

E'i tamage, Jiu vahe'mo'za zmentinti osazagu hantgi nezmatreno, megi'a vahe'mota tamentinti hzagu tmazeri rukamre rmantene. Tamagra'agura antahisga osutma, Anumzamofonku koro hunteho.

Romu 11:25

Nafuhetane nasaraheta, ama oku kea antahini hnazegu nagrira nave'nesie. Antahi'zantmifina antahizane vahe' mni'none huta rantmagia e'oriho. Mago'a Israeli vahe'mokizmi zmarimpamo'a erigineankino, mani'nenageno Anumzamo'a megi'a vahera zmavregahie hu'neama'a efregahaze.

Romu 12:16

Ovesinte avesinte huta magoke avamente maniho. Tamagra tamavufga erisaga osiho, hianagi agi omane vahe'ene manizanku tamavesino. Tamagra ana miko'zana antahi'none huta osiho.

1 Korinti 15:10

Hu'neanagi Anumzamofo asunku'zanteti nagra amanahu kna hu'na mni'noe. Hagi nagri'ma asunku'ma hunante'neazamo'a amne zankanara osu'ne. Ete ana miko eri'za nagara zmagatere'na eri'zana mago'ane eri'noana nagra'niompage, Anumzamofo asunkuzamo'a nagrane me'nege'na eri'noe.

1 Korinti 3:10

Anumzamo'a asunku zama'areti nami'nea avamente, nogi antahi'zane vahekna hu'na nomagi trara eri agafa hunte'noge'za, mago'a vahe'mo'za anante negize. Hianagi magoke magokemo'a, nankna huno kinaku hanuno'a, kva hu'neno ana agofetura nona kino.

1 Korinti 7:17

Ra Anumzamo'a magoke magoke'mofoma inankna avamente mni'nesigeno, Anumzamo'ma agima hu'nesimo'a, ana avamente manino. Ama anahukna tra ke miko mono nopina nezamasamue.

2 Korinti 10:13

Hianagi tagra mni'nona avamena agatereta tavufa ra osugahune, hianagi Anumzamo'ma e'inahu huta erizana erita kegva huzmanteho huno hurante'nesia avamente mni'neta, kegva hurmantegahune.

2 Korinti 12:13

Na'ankure mago'zahu navunava ana miko mono nagapina nehuanagi, magoke'zama nagrama huoramante'noana tamagrama kva hunantesazeguma knama orami'nozamo'e. E'i kefozama hu'nesuana nasunku huanki kefozania atrenanteho.

2 Korinti 12:7

Na'ankure oku'ma me'nea knarezantafama Anumzamo naveri higena ke'noe. Hianagi e'inazante negena ra nagi erizankura, nekzagna zamo navufgafi nenreana, e'i Sata eriza vahe'mo nata nenamino, nazeri haviza nehiankina navufga ra osnugu anara nehie.

Galesia 6:3

Na'ankure mago'mo'ma agima omnenenimo, nagi me'ne huno agesama antahisiana, agra'a revatga hugahie.

Efesasi 3:2

Anumzamo asunku hurmanteno tamagritega naneke'ama huamahu eri'zama nami'neana tamagra ko antahinegahaze.

Efesasi 3:4

Kegahazema hu'na kre'noa avoma hamprisuta antahi'zaniafi oku'a me'nea antahi'zama Kraisinku'ma hu'noa kea tamagra antahi ama hugahaze.

Efesasi 4:16

Agripi miko avufamo omoni, emeni huno azeri hanavetisigeno, magoke magoke avufamo'a ruzahu ruzahu eri'za e'nerino, miko avufamo'a ra huno knare avesi'zampi hagegahie.

Filipai 2:13

Na'ankure Anumzamo tamagripi eri'za e'nerie, Agra tmagu'a tamazeri otigetma kezafa hutma eri'zama'a e'neriza zane, Agri avesi avariri hanave'a tami'ne.

Kolosi 1:29

E'ina hu'negu Kraisima maka hankavema naminereti tusi hankavetina eri'zana e'nerue.

Kolosi 2:13

Tamagrama kumipi frinetma, kumira otrenageno, Anumzamo'a Kraisi'ene magoka tamazeri kasefa nehuno, mika kefozantamia eri atreramante'ne.

1 Timoti 1:14

Ra Anumzamofo asunku zamo'a agtereno avite'ne, amentintine avesizanemo'a Krais Jisasimpi me'negeta negone.

1 Timoti 2:15

Hu'neanagi a'nemo'za mofavrema kse nezmante'za, zamentinti nehu'za, ovesinte avesinte nehu'za, mani ruotage hu'za nemni'za, zamagu'ane zamagi'ene, kva hanaza zamo knare mani'za erigahaze.

1 Timoti 2:9

Nagri'ma navesiana, anahu'kna a'nemo'za zamavasese hanafina hugahaze, kukena knare'za hu'za masigahaze, kukena hanazana vahe'mo'za kezmasane hu'zane, zamanu zamazoka hane'zane, kolire trohuntenaza avasase zane, hage rimpinti zane (pearl), marerisa kukena osiho.

Taitus 2:12

Tagri rempi huramino mono ontahi avu'avazane, ama mopafi zanku avesi'zanena atreho nehuno, hagi tmufa kva huta, fatgo huta anumza (godly) avu'avate ama kna'afina maniho,

Taitus 2:2

Ranra venenea rempi huzamige'za, fru kefinti kea antemse'za ranke osu'za, knare zmavuzmava nehu'za, knare zamagu'zamagesa antahiho. Hankave zamentinti nehu'za vaheku zamesi nezmante'za, kragogo onkiza hanaveti'za maniho.

Taitus 2:4

Ana nehu'za zamagra zahufa a'ne nagara zamumro antesage'za, ve' zmine, mofavre zaminena zamesi zmantegahaze.

Taitus 2:6

Anahu kna hunka nehazave nagara zamumro antege'za, kegva hu'za maniho.

Jemisi 4:6

Hu'neanagi agra razampi asuraginerante, e'ina agafare avontafe'mo'a anage hu'ne, Anumzamo'a zamufga antemareriza vahe ha'renezmanteno, zamufga anteneramiza vahera asuraginezmante.

1 Pita 1:13

E'ina hu'negu retro huta antahintahitamia nemanita, tamavufgamofo avesizana kegva negritma, ana miko amuha zantamia, Jisasi'ma eama hanigeno, Anumzamo'a tamaza hania asunkuzante anteho.

1 Pita 4:11

Magomo'ma Anumzamofo nanekema huamahu musezama eri'nenimo'a, huama nehina, mago'mo'ma vahe'ma azahu musezama eri'nenimo'a, Anumzamo'ma ami'nea hanavereti vahera aza nehinketa, makazama hanazana Anumzamofoma ra agima amizanke hiho. Na'ankure Jisas Kraisi'a masnentake huno hanave'ane mni'ne. Tamage.

1 Pita 4:7

Makazama vgaresia knamo'a, hago kofta hie, e'ina hu'negu antahintahia hu so'e nehutma, nunamuma hu tamavutamavamofo azeri hanavenetita, kazigazi hutma viho.

1 Pita 5:5

Kahefa vahe'mota, anahukna hutma ugagota huramantenesaza ra vahe'mokizmi naneke antahizmita zamage anteho. Makamotma anterami tamavutamavara kukena hiaza nehutma, rumokizmi zmagorga umani emani hiho. Tamage huno avontafemo'a anage hu'ne, zmagra zmavufgama erisaga haza vahera Anumzamo'a ha'renezamanteno, zmavufgama anteramiza mni'naza vahera knare hunezmante. (Pro-Knr 3:34)

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

3 Joni 1:9

Nagra mono naga'motmarega mago avona ko kre rami'noanagi, Diotrefesi'a zamagritera agra avesite ugagota huzmantenaku nehunokino, tagrira tageno antahino osu'ne.