Romu 12:10 - Kamano

¹⁰ Tamagra tamage hutma ovesinte avesinte nehuta, tamagra tamavufga anteneramitama, arumokizmi husga huzamanteho.

Anumzamofo Routage Avantafere

¹⁰ Tamagra tamage hutma ovesinte avesinte nehuta, tamagra tamavufga anteneramita arumokizmi husga huzamanteho.

Romu 12:10 Iomraidhean Croise

Jenesis 13:9

rama'a mopa me'neanki kagra kavesite vanuema hnana kaziga vuo, kagrama hoga kaziga vugahue hnanke'na, nagra tamaga kaziga vugahue. Hanki kagrama tamaga kaziga vugahue hnankena, nagra hoga kaziga vugahue.

Matiu 20:26

Tamagripina amanahu'zana omneno. Hagi iza'o tamagripinti ugagota hugahue hanimo'a, atregeno eriza vahe manino.

Luku 14:10

Tamagima hanigetma vanutma henka trate umani'nenkeno, tamagima higeta vu'nazamo'ma esuno'a, anage huno hugahie. Ronenimota, enagagateho hanigetma, maka trate'ma mani'naza vahe zmufina ra tmagia erigahaze.

Joni 15:17

Nagra ama kasege neramasmue, tmararuna ovesinte avesinte hiho.

Joni 17:21

ana hanuge'za zamagra maka'mo'za magoke hu'za, Nenfaga, Nagrane mago huta mani'no'a kna hu'za, Tagra ene mago hu'za zamagra mani'nesage'za, kokankokati vahe'mo'za nege'za, Kagra huntankeno e'ne hu'za zamentinti hugahaze.

Aposol 4:32

Jisasinte zamentinti nehaza vahe'mo'za raru hu'za mago zamarimpare ene antahintahire nemni'za, tagri' zane hu'za osu'za havia mika'zana omiami nehu'za mani'naze.

Romu 13:7

Ana miko vahe'mokizmi zama eri'nesanazana etenka zamio, takisi zagoma amio hunesizana neminka, fenoma mizasenante takesi miza huo hanigenka miza nehunka, kore huzmanteho hu'nesaza vahera, kore hunezmanteta, ragi zmagi zmiho hunesia vahera, ra agi zamiho.

Galesia 5:13

Tamagra nenafugata Anumzamo'ma tamagima hu'neana kinafintira katufeta manisazegegu kea hu'ne. Ru tamagra antahita hago kinafintira katufeta mni'none nehuta, korapa tamarimpamofo avu'ava hanagi, anara osugahaze. Tamagra ovesinte avesinte hu avu'ava zampinti oza aza hiho.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Filipai 2:3

Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho.

Kolosi 1:4

Na'ankure tamagrama Jisas Kraisinte'ma tamentintima nehutma, Anumzamofo nagaku'ma tamavesi nezmantaza zamofo tamagenke nentahuna zanku hu'none.

1 Tesalonaika 4:9

Nenfugta avesintezamofona mago'ene avona kreta, ovesinte avesinte hiho huta osugahunanki, Anumzamo ovesinte avesinte hu'zana ko rempi huramine.

2 Tesalonaika 1:3

Nenfugata maka knama tamagriku'ma tagesa nentahita Anumzamofona susu hunentonazamo'a, e'i knare'zantfa hu'ne. Na'ankure tamagri tamentintimo'a rura huno nevigetma, magoke magokemotma ovesinte avesintema nehaza zamo'a hageno ra nehie.

Hibru 13:1

Mono nagamota ovesinte avesitema hu avu'ava'zantamimo'a meno vino.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.

1 Pita 2:17

Maka vaheku husga hunezmantetma, maka zamentintima nehaza tamafuhe'ina zmavesinezmantetma, Anumzamofonku kore hunentetma, kini vahe'mokizmi zmagorga maniho.

1 Pita 5:5

Kahefa vahe'mota, anahukna hutma ugagota huramantenesaza ra vahe'mokizmi naneke antahizmita zamage anteho. Makamotma anterami tamavutamavara kukena hiaza nehutma, rumokizmi zmagorga umani emani hiho. Tamage huno avontafemo'a anage hu'ne, zmagra zmavufgama erisaga haza vahera Anumzamo'a ha'renezamanteno, zmavufgama anteramiza mni'naza vahera knare hunezmante. (Pro-Knr 3:34)

2 Pita 1:7

Anumzamofo avu'avazantetira, neramafuna knare tamavutmava hunezmanteta ovesinte avesinte hiho.

1 Joni 4:11

Ronenimote, Anumzamo'ma tagrima avesi rante'nenigeta, anazanke huta rumokizmia tagra ovesinte avesinte hugahune.

1 Joni 4:20

Hagi mago'mo huno, Anumzamofo navesinentoe nehuno, amentintima nehia nefuma avesi ontesuno'a, havige vahe mani'ne. Na'ankure mago'mo amentinti nehia nefuma negemofama avesi ontesuno'a, Anumzana nonkemofona avesi ontegahie.