Romu 11:18 - Kamano

¹⁸ Hu'negu tamagra azankuna'a mni'none hutma rantmagia e'oriho. Na'ankure tamagra rafunamofona aza nosazanki, arfunafinti tmaza hu'zana enerize.

Anumzamofo Routage Avantafere

¹⁸ Hu'negu tamagra azankuna'a mani'none hutma rantmagia e'oriho. Na'ankure tamagra rafunamofona aza nosazanki, arfunafinti tamaza hu'zana enerize.

Romu 11:18 Iomraidhean Croise

Proveps-Knare Nomaniza 16:18

Kavufga rahu zamo'a, kazeri haviza hugahie. Kagra kavufga husgama hu'zamo'a, kazeri tnafakofa hugahie.

Matiu 26:33

Pita'a kenona huno, mikamo'za kagrite'ma fore'ma hania zankura katre'za fre vgaregahaze. Hianagi nagra onkatretfa hugahue.

Joni 10:16

Ruga'a sipisipini'a ama kegina agu'afina omni'naze, Nagra anahu kna hu'na zamaresuge'za, nagerura nentahi'za, zamagra magoke afu kevu hu'za mani'nageno, magoke afu kva vahe manigahie.

Joni 4:22

Tamagra ontahi'naza zante monora nehaze, tagra antahi'nona zante monora nehune. Na'ankure vahe'ma zamaguvazizana Jiu vahe'motafi me'ne.

Aposol 25:7

Poli'ma ehanatige'za, Jerusaleti e'naza Jiu vahe'mo'za, azeri amunompi ante'za otigagine'za, rama'a hampo'nanentake kea huntaza kemofona agafa omane tfa hu'ne.

Romu 11:20

E'i tamage, Jiu vahe'mo'za zmentinti osazagu hantgi nezmatreno, megi'a vahe'mota tamentinti hzagu tmazeri rukamre rmantene. Tamagra'agura antahisga osutma, Anumzamofonku koro hunteho.

Romu 3:27

Tagra naza hunonkeno Anumzamo'a tavrenegu tavufga erisaga hugahune? Kasegema amage'ma ante avu'avazamopi? Knare erizama e'nerunazamo'o? I'o. Tamentintima hu'zamo tavufama erisga hu'zana agaterene.

Romu 4:16

E'ina hu'negu Anumzamo huvempa huzmante'neazana zmentinti haza vahe'mo'za enerize. E'i ana musezana Mosese kasege amage nentesio, nontesio Abrahamuma hu'neankna amentintima hanimo erigahie. Hu'negu Abrahamu'a ana miko zamentini vahe'mokizimi nezamafa'e.

1 Korinti 10:12

Kagrama oti hanaveti'noe hunka nentahisunka, traka hu'zanku kva huo!

Galesia 3:29

Hagi tamagrama Kraisi vahe'ma mni'nenuta, tamagra Abrahamu negehogata mni'neta, erisanti haregahazema huno Anumzamo huvempa hunte'nea vahera manigahaze.