Romu 11:11 - Kamano

¹¹ Mago'ane zmantahinegoe, Israeli vahe'mo'zama tanafa hu'za traka hu'nazana ete oraotinaku traka hu'nazafi? I'o trakama hu'nazana otigahaze. Hu'neanagi Anumzamofo zmefi humiza nona'a, Anumzamo'a megia vahe'mokizmia havi avu'ava'zampintira zmaresige'za, Israeli vahe'mo'za megi'a vahera knive rezmantegahaze.

Anumzamofo Routage Avantafere

¹¹ Hagi mago'ane zmantahinegoe, Israeli vahe'mo'zama tanafa hu'za traka hu'nazana ete oraotinaku traka hu'nazafi? I'o trakama hu'nazana otigahaze. Hu'neanagi Anumzamofo zmefi humiza nona'a, Anumzamo'a megia vahe'mokizmia havi avu'ava'zampintira zmaresige'za, Israeli vahe'mo'za megi'a vahera kanive rezmantegahaze.

Romu 11:11 Iomraidhean Croise

Luku 20:16

Hoza nefa'a Agra eno ana vahera eme zmahe nefrino, ana waini hoza rumokizmi hanare zamigahie. Jisasima ana kema hige'za nentahiza, anahura osugahie hu'za zamagra hu'naze!

Aposol 13:42

Anage huteke Poli'ene Banabasike atineramikeno, vahe'mo'za ama ana nanekea ru mni fruhu kna (sabat) zupa knare eme tasmigaha'o, hu'za zanasmi'naze.

Aposol 18:6

Ana nehigezama ha'ma rente'za krunagema huntaza vahera anakre ku'a (saket) zafino kugusopa rupopo nehuno anage huno zamasmi'ne, tamagri kora kumimo'a tamagritami tamasenire megahie! Nagripina mago knazani'a omane'tfa hugahie. Amareti agafa huno vaniana, Jiu vahe'rompage megi'a vahete vugahue.

Romu 10:19

Mago'ane nagra tamantahinegoe, Israeli vahe'mo'za antahinira osu'nazafi? Kotazana Mosese'a amanage huno hu'ne, Nagra megi'a vahekuke hanugenka knive regahane. Antahizazmi omnenea vahekuke hanena, krimpa hegahie hu'ne. (Diu-Kas 32:21)

Romu 11:1

Hagi amanage hu'na nehue, Anumzamo'a Agra'a vahera avesra huzmantenefi? I'o anara osugahie. Na'ankure nagranena Israeli nere, Benjamini nagapinti Abrahamu negehone.

Romu 11:12

Hagi Israeli vahe'mo'za kumi'ma hu'nazazamo, kokankoka vahetega marerisa asomura vu'ne. Trakama hu'naza zamo'a marerisa asomura megi'a vahe'mokizmia huzmantene. Hu'neanagi Israeli vahe'mo'za Anumzamofoma zmefima huomizasina, inanknahu asomu kokankoka vahe'mo'za erizasine.

Romu 11:14

Mago'a kankamumpinti megi'a vahe'mota tamagripi eri'zani'a enerisugeno, Jiu vahe'nimo'za kniveneresageno, zmahoke ahesiegu nehue.

Romu 11:31

Ana hu'negu Jiu vahe'mo'za Anumzamofo kea amagera ontazageno, Anumzamofo rimpa fruzamo'a megi'a vahe'mota tmagrite e'neankino, ana hukna huno tamagritera ete vugahie.