Romu 1:12 - Kamano

¹² E'i ana zana, tamagri tamentinti azeri hankaveti ke neramasami'nena, nagri'enena ana zanke huta nazeri hanaveti kea nenasamisageta tamentintifina oti hanavetita manigahune.

Anumzamofo Routage Avantafere

¹² E'i ana zana, tamagri tamentintima azeri hankaveti ke neramasami'nena, nagri'enena ana zanke huta nazeri hanaveti kea nenasamisageta tamentintifina oti hanavetita manigahune.

Romu 1:12 Iomraidhean Croise

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Romu 1:11

Na'ankure tamagri'ma eme neramagena, Avamumofo musezama nagripi me'neazama nerami'nugeno, tamazeri hanavetisia zankura tusi'za huno navenesie.

Romu 1:13

Nafuhetane nasaraheta antahisazegu nehue. Nagra nantu eme antenermantena eri'za tamagripi enerisugeno, megi'a nagapi hu'neaza huno Avamumofo rga'a tamagripima efore hanigena kesua zankura, rama'a zupa antahintahini'a retro hu'noanagi mago'a zamo nazerigena, omena mani'nogeno menina ama knarera ehanatie.

Romu 15:24

Nagra Speini kumate vunaku antahintahia retro nehuankino, vanuna onsi'a kna tamagrane umaninena mono kea nehu'na, vunaku'ma hanugetma naza hanagena vugahue.

Romu 15:32

Hanigena Anumzamofo avesizama me'nena, nagra tamagritega muse hu'na egahue. Hanigeta tagra ozeri hankaveti azeri hankaveti hugahune

2 Korinti 7:13

E'i ana miko'za hazazamo'a, trimpa so'e nehie. Amama tarimpamo'ma so'ema hirema mago'ene musema huramantonana, Taitusima konkeno musema nehuno avamu'afima tamagripintima fruzama eriazankura muse hune.

Efesasi 4:5

Magoke Rantia manino, magoke tamentinti meno, magoke mono ti nefrone.

2 Timoti 1:4

Kavunu herfi'nana zanku nentahi'na mago kna kagesua nagesa nentahue. Anama hanugeno nagrira muse zamo'a avitegahie.

Taitus 1:4

Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.

2 Pita 1:1

Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

2 Joni 1:4

Nagra tusi muse hue, na'ankure nagrama ke'na erifore'ma huana, mago'a mofavre' naga kamo'za tamage kemo'ma hu'nea kante amage'ante fatgo hu'za nemani'za, Nerafa'ma kema humarante'nea kante ante'za avariri fatgo hu'naze.

Juti 1:3

Navesi neramantoa nafuheta, Anumzamo'ma tagu'mavazinia zankura huama nehu'na avoma kreramizankura antahintahinimo'a tusiza huno onetige'na retro nehue. Hianagi menina mago'azanku avona kreramisue hu'na huana, Knare Musenkema, Anumzamo'ma Agri'a ruotge hu'nea vahe'arema magoke zupa zmi'neazamo maka kna mevava nehina, tamage nanekere tamentintima nehunazanku, tamentinti otretma hanavetita azeri akona hnazegu tamasmiza nehue.