Romu 1:1 - Kamano

¹ Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Anumzamofo Routage Avantafere

¹ Hagi nagra Poli'na, Krais Jisasi kazokzo eri'za ne'mo'na, Anumzamo aposol eri'za erio huno huhamprinanteno, Knare Musenke'a huama hanugu nazeri ruotge hunantene.

Romu 1:1 Iomraidhean Croise

Maki 1:14

Jonima kina huntageno, Jisasi'a ana knafi Galili vuno Anumzamofo knare so'e naneke huama huno,

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Joni 15:15

Nagra ru'ene kazokzo eri'za vahe'ni'e hu'na tmagrikura osugahue, na'ankure kazokzo eri'za vahe'mo'a kva'amo'ma hiazana ontahi'ne. Hianagi Nagra rone'nimote hu'na tmagrikura nehue, na'ankure Nenfantegati maka'zama Nagrama antahuazana, tmagrira neramasmue.

Joni 15:20

Ko'ma tmasmi'noa kegu tamagesa antahiho, kazokzo eri'za ne'amo'a, kva vahe'a knara osu'ne. Nagri'ma nazanva ante'nesu'za, tamagri enena anahu kna hu'za tmazanva antegahaze, ke'ni'a amage antenare'sina, tmagri kea ana zanke hu'za antahizasine.

Aposol 13:9

Hu'neanagi Solina, mago agi'a Poli'e, Ruotge Avamumo'a agu'afi avinetegeno avua kefatago huno negeno,

Aposol 20:24

Hu'neanagi navufagura nagesa nontahue, tusi'a zana eri'zani'a erivaga nere'na, Ra Jisasi'ma eri'zama namino vahe'ma zamasmio hu'nea eri'za eri'na Anumzamofo asunku zankura knare nanekea vahera zamasmigahue.

Aposol 21:40

Ana sondia kva ne'mo knareki kea huo higeno, Poli'a latare oti'neno azanu avame hige'za keresoma nehazazana eri taganageno, antahi'naza Aramu (Hibru) kefinti, anage huno zamasmi'ne.

Aposol 22:21

Anante Ramo'a anage huno nasami'ne. Vuo! Na'ankure afete hugante'nugenka megi'a vahepi ke'ni'a erinka ome zamasmigahane hu'ne.

Aposol 22:7

Anante nagra traka hu'na mopafi evuramugeno, mago ageru nentahugeno anage huno nagriku hu'ne, Sol, Sol, na'a higenka Nagrira nazeri havizana nehane?

Aposol 26:1

Agripa'a, Polinku huno knarere hugantoanki naneke ka'a huama hugahane higeno, Poli'a azana ometre emetre nehuno ahoke'ma ahekeaga agafa huno hu'ne.

Aposol 26:14

Ana higeta ana mika'mota traka huta mopafima nemsonkeno, mago kezamo'a Aramu (Hibru) kefinti antahugeno anage hu'ne, Sol, Sol, na'a higenka Nagrira nenahane? Nagri'ma nenahanana, kagra ka'a agonazante tarunehane.

Aposol 27:23

Na'ankure meni keragera nagrama Agri vahe mani'nena erizama'a erinentoa Anumzamofo ankeromo'a navuga eme otino,

Aposol 9:15

Hianagi Ramo'a anage huno agrira asami'ne, Vuo, na'ankure agrira ko huhampri ante'noakino, Nagri eri'za ne' manigahie. Hagi Nagri nagi nagenkea erino megi'a vahete'ene, kini vahete'ene, Israeli vahetera vugahie.

Romu 1:16

Na'ankure Kraisi knare musenkegura nagazea nosue. Na'ankure e'i Anumzamofo hanave'a anampina me'neankino, iza'zo zamentintima hanamokizmia zmahonekeno, Jiu vahe esera zamavreteno, anante megi'a vahera zamavregahie.

Romu 1:5

Jisas Kraisi azampi Anumzamo'a asunku huranteno, Agri agifi Anumzamo'a aposol eri'zama miko megi'a vahetema erisunku huhampritantene. E'ina hu'negu zmagra Agri Agifina amagera nente'za zamentintia hugahaze.

Romu 1:9

Na'ankure Anumzamofoma nagra maka nagu'aretima eri'zama'a erinentena, Nemofo knare musenkema huama nehumo, tamagriku'ma nentahi'na nunamuma nehuazana, nageno antahino nehie.

Romu 11:13

Ana maka kema nehuana, megi'a vahe'mota tamagriku nehue. Anumzamo'a megi'a vahe'mokizmi aposol manio huno huhampri'nantenegu ama ana eri'zamo'a nagripina kota eri'zani'a me'ne.

Romu 15:16

Kraisi Jisasi eri'za erina megi'a vahetega prisi vahe' kna hu'na, Anumzamofo knare musenke huama nehue. Ana hanige'za megi'a vahe'mokizmia Ruotge Avamumo zmazeri ruotage hu'nige'za, Anumzamo muse huno eneria kre sramnagna hugahaze.

Romu 15:29

Nagra antahinoe tmagritegama esu'na, Kraisi asomumo avitenenkena egahue.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

1 Korinti 1:1

Poli'na nagra, Anumzamo Agra'a avesite Kraisi Jisasi aposol eri'za vahere hu'nemo'na nerafu Sostenesi'ene.

1 Korinti 9:1

Nagra kina vahe omani'nofi? Nagra Jisasi aposol eri'za vahera omni'nofi? Jisasina Rantimofona onke'nofi? Tamagra Ramofonte eri'za eri'noa rga'a omni'nazafi?

2 Korinti 1:1

Ama avona Poli'na Anumzamo, Kraisi Jisasi aposol eri'za vahe manio huno huhamprinante ne'mo'nane, Timoti nerafu'ene kreneramu'e. Ama ana avona, Korinti mono nagate'ene ana miko Akai (Greece) kaziga Anumzamofo mono naga'ma mni'narega kreneramu'e.

2 Korinti 11:5

Ana hankave aposol eri'zama e'neriza vahe'mokizmia, nagra zamagri zmagorga'a omni'noankiza, zamagra nagateore'naze.

2 Korinti 11:7

Nagrania anteneramina, tamagrama knare hnazegu mizama'a omne Anumzamofo Knare Musenke tamasamua zamo'a, kefoza hu'na kumi nehufi?

2 Korinti 12:11

Tamagra nagrira knare hu'ne hutma nazeri ante'ama hugaragi, netreta nagrira nazeri neginagi vahekna nehaza zankura, nagra navufga ra nehue. Na'ankure nagra amneza mani'noanagi, ugota aposol vahepina henkarfana omani'noe.

2 Korinti 2:12

Nagrama Troasi kumate Kraisi knare musenke huama hunaku uhnatugeno'a, Ramo'a kankamuna erinaginantene.

2 Korinti 4:5

Na'ankure tagra'a nanekea huama nosunanki, Jisas Kraisi'a Ra mani'negeta, tagra Jisas Kraisinku huta tamagri kazokzo eriza vahe mani'none.

Galesia 1:1

Nagra Poli'na aposol ne'mo'na, ama eri'zana mago'a vahe'mo hunantege, mago'a naga'mo'za erio hazagena e'norue. Hianagi Anumza Nafatimo Jisas Kraisi fri'nefinti azeri otinemo'ene,

Efesasi 1:1

Poli'na, Krais Jisasi aposol eri'za ne'mo'na Anumzamo Agra'a avesite huhampri nantenege'na, Efesasi kumate zmentinti nehaza naga'ma (Saints) mani'ne'za, Krais Jisasinte tamage zamentinti nehu'za amage' nentaza vahetega ama avona kre netroe.

Efesasi 1:13

Tamagranena tamage kema Kraisimpinti ko antahitetma, manivava tamasimu eri'zanku Knare MusenKe'are tamentinti nehazageno, Agra Ruotge Avamu'anu azanko avona kreno huhampri (seal) tamanteno tamamine.

Efesasi 4:11

Mago'a nagara Agra aposol eri'za nezmino, mago'a nagara kasnampa eri'za nezmino, mago'a nagara mono ke huamahu eri'za nezmino, mago'a nagara mono kevu kegva kri eriza nezmino, mago'a nagara rempi huzmi eriza zami'ne.

Filipai 1:1

Poli'nane, Timoti'ene Krais Jisasi kazokzo eri'zampi tragoteta kina hu'neta, Filipai kumate Anumzamofo naga Krais Jisasinte tamentinti nehaza vahe'ene mono kva nagamotane, eri'za tamaza hu'za eneriza naga'motma kre neramu'e.

Filipai 2:11

Ana nehnigeno maka vahe'mo'za Jisas Kraisi'a Rane hu'za zamagiteti huama nehu'za, Anumza Nerfa'a hanave'afi mani'ne hugahaze.

Kolosi 1:1

Nagra Poli'na, Anumzamo Agra'a avesizante Jisas Kraisi aposol manio hu'nemo'nane, Timoti nerafu'ene ama avona kreneramu'e.

Kolosi 1:25

Nagrama vahetema kegvahu eri'za vahe'ama mani'noana, tamagrama tamaza huzama erisagu hunantege'na, ana miko Anumzamofo nanekea huama nehue.

1 Tesalonaika 2:2

Tagri'ma Filipai kumate'ma tazeri haviza nehu'za, nerahe'za hu'nazazana, tamagra antahi'naze. Hianagi Anumzamo'ma tazeri hanavetigeta, Agri knare musenkea huama huta tamagri'enena neramasamunkeno, maka vahe'mo'za ha'rerante'naze. (Apo 16:19-24, 17:1-9)

1 Tesalonaika 2:8

Tagra razampi tamagrira tamavesi neramanteta, Anumzamofo Knare Musenkegera noramasamunanki, tagrati tavufganena neramamune. Na'ankure tamagra raza tagri tavurera mani'naze.

1 Tesalonaika 2:9

Nenafugata tamagra antahi'naze, kenage'ene feru'enema tamuna nehagegeta maraguzatita tagrima taza haniazanku erizana e'nerita, Anumzamofo Knare Musenkea huama nehunana, magomofo knaza eri amisunegu anara nosune.

1 Timoti 1:1

Nagra Poli'na, Krais Jisasi eri'za ne'mo'na Anumza Tzahu ne'ene Krais Jisasike humanantenate, emema tvaresigu Rantimofo avega nentoa aposol ne'mona,

1 Timoti 2:7

Ana zanteku huno nagrira nazeri oti'ne, Anumzamofo mono naneke zamasmi'nena antahisnagu, nazeri oti'nea aposol ne'mo'na, nagra tamage nehue, havigea nosue. Zamufga tga osu vahe (gentiles) rempi huzminena zamentinti hu'za tamage nanekea antahihogu huama nehue.

2 Timoti 1:11

Ananku huno Anumzamo'a huhamprinantenege'na ke'a huama nehuna, aposol eri'zana e'nerina, vahera knare musenkea rempia hunezmue.

Taitus 1:1

Anumzamofo eri'zampi nagra Poli'na kina hu'nena, Jisas Kraisi aposol ne'mo'na, Anumzamo huhampri zamante'nea vahe zamentinti zamazeri hampo'na nehanuge'za tamage antahi'zamofo amage'nente'za, anumzamofo (godly) avu'avapi fatgo hu'za mani'nesageno,

Hibru 5:4

Ama ana eri'zana mago vahe'mo'a agra'a e'norianki, Aronima huntegeno eri'neaza huno, Anumzamo huzamantege'za e'nerize.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.

Jemisi 1:1

Jemisi'na Anumzamofone Ranti Jisas Kraisi kazokzo eri'za ne'mo'na, 12fu'a naga'nofi'ma mopa atretma kokankokama umani emani hu'naza nagamotarega, ama avona kreneramue.

1 Pita 4:17

Na'ankure Anumzamo'ma vahe'ma refko hania kna hago neankino, esera Anumzamo'a Agri'a nagamota refko hugahie. Hanki tagritema agafama huno refkoma hanuno'a, knare musenkerema zamentintima nosaza vahetera, inankna hugahie.

2 Pita 1:1

Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.

Revalesen-Hufo Hu'ne 1:1

Anumzamo'a eri'za vahe'araminte kofta huno fore'ma haniazana, oku'a me'nea ke Jisasi'a ankero ne'a amino huntegeno, eriza ne'are Joninte emeri ama hu'ne.

Revalesen-Hufo Hu'ne 22:6

Hanki anante ana ankeromo anage huno nasmi'ne, ama nanekemo'a tamage hu'neankino maka vahe'mo'za zmentinti hugahaze. Kasnampa vahe'mokizmi avamuzmimofona, Ra Anumzamo ankeroma'a huntegeno, Agri kazokazo eri'za vahera maka'zama ame huno efore'ma haniaza eme zmaveri hu'ne.

Revalesen-Hufo Hu'ne 22:9

Hianagi ana ankeromo anage huno nasamine, e'inahura osuo, Nagrane kagranena magozahu huta Anumzamofo eriza vahe manineno'e. Kasnampa negafu'zane, ama avontafepima me'nea nanekema nentahiza amage'ma nentaza vahe'enena eri'za vaheke mni'none. Hanki Anumzamofonke monora hunto huno hu'ne.