Matiu 9:15 - Kamano

¹⁵ Jisasi'a zamagriku anage hu'ne, Aravema hute'ma kenaku eme atruma hu'naza vahe'mo'za, aravema husia ne'ma zamagranema maninesige'za zamasunkura osugahaze, tamagefi? Hu'neanagi mago kna ne'eankiza aravema hunaku'ma hania nera, zamagripintira avaretrete'za, anante zamagra nezana a'o hugahaze.

Anumzamofo Routage Avantafere

¹⁵ Hazageno Jisasi'a zamagrikura anage hu'ne, Aravema hute'ma kenaku eme atruma hu'naza vahe'mo'za, aravema husia ne'ma zamagranema mani'nesige'za zamasunkura osugahaze, tamagefi? Hu'neanagi mago kna ne'eankiza aravema hunaku'ma hania nera, zamagripintira avaretrete'za, anante zamagra ne'zana a'o hugahaze.

Matiu 9:15 Iomraidhean Croise

Matiu 9:14

Hianagi Jonima amage nentaza disaipol naga'mo'za Jisasinte e'za, nahigeta tagrane, Farisi vahe enena ne'za a'o nehunke'za, Kagri kamage'ma nentaza disaipol nagamo'za, ne'zana a'o osu'a nenaze? hu'za antahige'naze.

Matiu 9:16

Mago'mo'a kahefa tvarave korapa kenarera erinteno ohatigahie. Anama antenoma hatisia kenamo'a ampimpi huno eri tagato hura hugahie.

Maki 2:19

Jisasi'a anage huno zmasami'ne, aravema hunakuma hirema etruma hu'naza nagamo'za aravema hunaku hu'nesia ne'ma zamagri enema mani'nenige'za ne'zana a'o hugahazafi? Aravema hu'naku hu'nesia ne'ma mani'nenigeno'a, ne'zana a'o osugahaze.

Maki 2:20

Hianagi mago'a kna ne-eankino, aravema hunaku hania ne'ma avare'za vutesageno, ana knafi ne'zana a'o hugahaze.

Luku 17:22

Anage nehuno, amagema nentaza disaipol naga'a zmasamino, mago kna ne-eankino, ana knarera Vahe'mofo Mofavre kenaku hanazanagi, tamagra onketfa hugahaze.

Luku 5:34

Anage hazageno Jisasi'a kenona anage zamagriku hu'ne, Tamagra, mago ne'moma aravema hukuma mni'nenigeta, ana ne'mofo rune'amofonkura, nezana a'o huta maniho hugahazo? Ana ne'ma maninenigeta anara osugahaze.

Luku 5:35

Hianagi mago kna ne-eankino, aravema huku'ma hunesimofoma zamagripinti avretesigeza, e'i ana knafina nezana a'o hugahaze.

Joni 16:6

Hianagi vugahue hu'na Nagrama tamasmua kemo, tamagri tamagu'a erigna nehie.

Joni 3:29

Mago vemo'ma a'ma erinaku nehigeno rone'amo oti'neno antahi nemino, aravema huku hia vahe'mofo ageruku muse nehie, e'ina higu nagrira muse zamo'a avite'ne.

Aposol 14:23

Ana nehuke, mono kva vahe (elda) mago'a mono nonte zamazeri onetike ne'zana a'o huneke nunamu nehune, zanamentintima neha'a Ramofo azampi zamante'na'e.

1 Korinti 7:5

Tanavufa eri mago huzankura i'o osi'o. Hianagi mago tanarimpa hutna mago'a kna amne mani'neta, nunamu hanu'e hanuta'a, amne anara hugaha'e. Hianagi anama hutesutna ete ko eme tragoteta mani'o. E'i ana hutna tanavufamofo avesizana kegva nehnakeno, Sata'ma retanaheno ke'niana, evu oramigaha'e.

2 Korinti 11:27

Amuho hu'na tusi'a eriza e'nerina, mago'a kenagera navura ovase'noe. Nezane tine omnegena nagazanku nehugeno, tinku enena navesine. Kukenani'a omanegeno zasimo enena nazeri haviza hu'ne.

Revalesen-Hufo Hu'ne 19:9

Anantera ankeromo'a anage huno nasamine, Sipisipi anentamo'ma aravema hania nezantema agima hu'nemo'a muse hino hunka krento, mago'ane anage huno nasamine, Ama'i tamage Anumzamofo naneke

Revalesen-Hufo Hu'ne 21:2

Anantera kogeno Ruotge hu'nea rankumara e'i kasefa Jerusalemo, Anumzamofontegati mona atreno eramino, a'mo'ma vema erinaku'ma retro'ma huno eaza huno e'ne.