Matiu 7:15 - Kamano

¹⁵ Kva hiho havige kasnampa vahekura, sipisipimofo avufa erihankre'za egahzanagi, zamagu'afinka afi kra egahaze.

Anumzamofo Routage Avantafere

¹⁵ Kva hiho havige kasnampa vahekura, sipisipimofo avufa eri hankre'za egahazanagi, zamagu'afinka afi kra egahaze.

Matiu 7:15 Iomraidhean Croise

Matiu 10:17

Hu'neanagi vahekura kvahiho, na'ankure kanisol vahete zamagra tamavre'za vuza keaga hunermante'za, osi mono nompi omermante'za sefukno tamigahaze.

Matiu 16:11

Inankna huta keta antahita nosaze, Nagra bretigura nosue? Hianagi Farisi vahe'ene Sadusi vahe'mokizmi zistigura kva hiho.

Matiu 16:6

Kvahiho Farisi vahe'ene Sadusi vahe'mokizmi yistigura huno Jisasi'a zmasmi'ne.

Matiu 24:11

hakare havi kasnampa vahetami fore hu'za mika vahera havigante zmarentegahaze.

Matiu 7:14

Ana hianagi asimu eri kumate vu'nea kafamo'a osi higeno, ana kamo'a kakanino amuho hu'nege'no, osi'amoza ana kana nege'za nevaririze.

Luku 12:15

Anante amanage huno zamasmi'ne, Kva hiho! Maka'a ruzahu ruzahu agraguke antahizamofona ha' renenteta, kva huta maniho, vahe'mofo mni'zana fenoma erizampina omnene.

Luku 6:26

Mika vahe'mo'za knare vahe mani'naze hu'za tmagriku'ma nehza vahe'mota ranknazampi manigahaze. Na'ankure zamagri nezmageho'za havige kasnampa vahetera anahukna huzmante'naze.

Joni 10:12

Zgo erinakuma avrema antesigeno erizama erisia ne'mo'a, sipisipi kva omnino sipisipi nefa'a omni'neankino, kesigeno afi krama esigeno'a, sipisipia atreno fresigeno, afi' kramo (wulf) zamagene reno zamahe panani hugahie.

Aposol 13:40

Ana hu'negu tamagra kava hu'nenkeno, kasnampa vahe'mo'za hu'naza nanekemo'a tmagritera fore osino.

Aposol 13:6

Zamagrama maka ti amunompi kumatami agatere'za nevu'za Pafosi uhanati'za zago nereno Jiu vahepi havige kasnampa nera, Bar Jisasi'e nehaza nera mani'negeke ke'na'e.

Galesia 2:4

Hianagi havige mono nerafu'za mono vahekna hu'za atrumahumpi enefre'za, Kraisi Jisasimpi fruhuta mni'nonazana tavre'za korapa avu'avazampi kinarerante'naku efre'naze.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

Efesasi 5:6

Atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

Filipai 3:2

Kragna vahekura kva hiho, havi mono eri'za vahekura kva hiho, havige hu'za zamufa tga nehaza vahe'kura kva hiho,

Kolosi 2:8

Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

2 Timoti 4:3

Na'ankure mago knama enke'za vahe'mo'za knare kema antahizankura zamesra nehu'za, zamagra zamesiza nevariri'za zamesisia nanekema hanaza vahe zamage antegahaze.

2 Pita 3:17

Hagi ronenimote, e'inahuzana fore hugahie huna ko tamasami'noe! E'ina hanigeta havi vahe'mofo zamavuzmava'zamo tamavareno havi kante vuzankura kva hu'netma, traka huzankura oti hanavetiho.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

Juti 1:4

Na'ankure mago'a mono ontahi vahe'mo'za onkazageno, ko rerakaure'za amuno tamifi efre'naze. Ana vahe'mo'za amanage hugahaze, Anumzamo'a kumira atre'nezamantea zanku amane havi avu'avara hugahune hu'za nehaze. E'inahukna vahe'mo'za inankna henka hugahaze, korapa refako huzamantene. Na'ankure Kva netimofo Ranti Jisas Kraisina ha'rentegahaze.

Revalesen-Hufo Hu'ne 16:13

Ana higena kogeno agaza hunte osifavene, afi zgamofo agipinti'ene, havige kasnampa ne'mofo agipintira, 3'a agru osu avamutamina hogakna hu'naza atirami'naze.

Revalesen-Hufo Hu'ne 17:6

Hanki negogeno ana a'mo'a Anumzamofo nagamokizmi korane, Jisasi agi agenkema huamama nehza nagamokizmi korana ne'neno neginagi nehigena, negena nagra tusiza hu'na antri hu'noe.

Revalesen-Hufo Hu'ne 19:20

Ana nehazageno ana afi zgane, havige kasnampa vahe'ene zanazerino kina reznante'ne. Ana kasnampa vahe'mo'a, afi zgamofo avure ruzahu ruzahu avame'za eri fore nehuno, ana afi zgamofo nampama eri'naza vahe'ene, afi zgamofo amema'are mono hunentaza vahe'ene rezmataga hu'ne. E'ima rezmatga hu'nea kasnampa vahe'ene ana afi zgane mani'nakeno havere tevava nehia teve tirupi znavre atrenigeke manigaha'e.

Revalesen-Hufo Hu'ne 20:10

Hagi rezmatga hu'nea hankromofone, afi zgane, havige kasnampa ne'ma matevu zmatreniana salfa havere nerea teve tirupi mate vuzmatrena, zamagra anampina manine'za hanine zgena zmata erivava hugahaze.