Matiu 5:29 - Kamano

²⁹ Tamaga kavurgamo kazeri kumipi katre'na, eri tagitinka mate vuo, na'ankure ru maka kavufa tevefi (hell) vu'zankura, mago kvufamo fnane hani'ana, knare hugahie.

Anumzamofo Routage Avantafere

²⁹ Tamaga kavurgamo kazeri kumipi katre'na, eri tagitinka mate vuo, na'ankure ru maka kavufa tevefi (hell) vu'zankura, mago kvufamo fanane hani'ana, knare hugahie.

Matiu 5:29 Iomraidhean Croise

Matiu 10:28

Tamufama tamahe fri vahekura korera osiho. Hianagi tamagu'a ahe ofrigahie. Anazanku kore'ma huntesanana, kagu'ane kavufane teve tirupima kre fanane hanimofo Anumzamofonku korera hunteho.

Matiu 11:6

Hanki iza'o Nagrama huazankuma amentintima ataresigeno uoramisimofona, Anumzamo asomu huzamantegahie hutma ome asamiho.

Matiu 16:26

Mago'mo mika mopafiza eri tru nehuno, agra'a agu amema atre'siana, na'a azahu'za erigahie? Hifi agu amemofo nona huno na'a amigahie?

Matiu 17:27

Hianagi ana hu'negu tagra zmarimpa kna eri ozmisunanki, tirute vunka huku nofi ome atrenka ese'ma avazu hanana nozara agi eri aka hunka mago zgo me'nena kegahane. Ana zgo erinka Nagrite'ene kagra re'enena ome miza hugahane.

Matiu 19:12

Na'ankure kse zmantetegati zmufamo knare huozmante'nesamo'za arave osugahaze. Hagi mago'amo'za zmagonkna'za hari'naza vahe'mo'za arave avu'ava zana osugahaze, mago'amo'za arave osu'za mona kumaku nentahize. Inamo'ma ama rempima humiazama erisimofona atregeno erino.

Matiu 23:15

Kva hiho, kasere ugagota hu'naza vahe'ene, Farisi vahera, tamagiri hutma tavre vahe mni'naze. Mago'mo agu'a akarahe hinogura, tamagra mopafina vanohutma, hagerina taka nehaze. Anama hutma mago'ma nevretma, anamofona tamagra mni'naza avamena ageteretma tarezupa tevemofo mofavre azerinesaze.

Matiu 23:33

Tamagra osifave, tamagra ha' osifavemofo mofavre zge. Inankna hutma tevefima vugahaze huno huramante'neana maniho hugahaze?

Matiu 5:22

Hianagi Nagra anage nehue, iza'o nefuma rimpa kna huntesimo'a, agra keagare otigahie. Aza'o mago nefuma huhaviza hunte'simofona, avare'za kansol kva vahete (Sanhedrin) vugahaze. Hagi iza'o neginagi ke nehie huno hanimofona, tusi'a tevefi avare tregahaze.

Matiu 5:30

Kzantmaga'amo kumipi kavrentena, taga hunka matevu atro. Ru mika kavufamo tevefi vu'zankura, mago kavufa atresanana, e'i knare'za hugahie.

Maki 8:36

Mago vahe'mo'ma ama mopafi fenoza eri atruma nehanigeno, agu amema'a fnanema haniana, nankna aza hu'za erigahie?

Luku 12:5

Hu'neanagi Nagra kore kea huneramantoe, anahukna huno tamaheno teve kampi kresimofo korera huntegahaze. Tamagri'ma tamahe frino hanave'areti tevefima tamasga hu'tresimofo korora hunteho. Nagra neramasamue, Agri korera hunteho!

Romu 6:6

Tagra antahinone kumi tavutavazana Jisasi'ene rugeka zafare hantigeno, kumimofo hankavea tagripintira eritrene. Tagra mago'ane kumimofo kazokzo eri'za vahera omani'none.

Romu 8:13

Hu'negu tamagrama kumimofo avesi avariritma manisnuta frigahaze. Hu'neanagi Avamumofo hanaverema kumi tamavutmavazamofo ahefrisuta, tamasimu erita manigahaze.

1 Korinti 9:27

Vahe'mokizmi mono ke zmasamite'na, ru nagrani'a miza e'orizanku, nagrani'a navufga hanaveti'na amasagugeno, nagri navesi'za nevaririe.

Galesia 5:24

Hagi Krais Jisasimpi mani'namo'za, zamufamofo avu'avazane, zmesi'zanena rugeka zafare ahe fri'naze.

Kolosi 3:5

Tamagripima ama mopafi kefo tamavutamava me'nesiana ahefriho. Ana avu'avara monko avu'avazama, agru osu avu'avazama, rumofo zantema kenunu hu'zama, havi agu'agesa antahizama, agraguke antahi avu'avazama, e'inahu avu'avazamo'a havi anumzante mono hunteakna hu'neanki atreho.