Matiu 2:16 - Kamano

¹⁶ Anante Heroti'ma keama, antahi'zane vahe'mo'za revatga hzageno'a, agra tusi'a rimpa he'ne. Agra vahe huzmanteno, Betrehemi kumapinti ene, ana tva'onte me'nea kumapinti, zgegfu'zmimo tare zgekafureti urami'nea mofavre'zga ome zamahe friho huno antahi'zane vahe'mo'za ofugu'ma asmi'za, e'inahu'zana fore hugahie hazageno antahi'nea knagu anage huno zamasmi'ne.

Anumzamofo Routage Avantafere

¹⁶ Anante Heroti'ma keama, antahi'zane vahe'mo'za revatgama hazageno'a, agra tusi'a rimpa he'ne. Agra vahe huzmanteno, Betlehemi kumapinti ene, ana tva'onte me'nea kumapinti, zagegafu'zmimo tare zagekafureti urami'nea mofavre'zaga ome zamahe friho huno antahi'zane vahe'mo'za ofugu'ma asami'za, e'inahu'zana fore hugahie hazageno antahi'nea knagu anage hunora zamasami'ne.

Matiu 2:16 Iomraidhean Croise

Jenesis 39:14

ana a'mo noma'afi eri'za eneriza vahe ke hige'za eme atru hzageno, Keho, Hibru ne'ma avrenoma eme ante'nea ne'mo nagri zokago renantenaku ege'na krafa hu'noe.

Jenesis 39:17

Anante Potifa egeno, nenaro amanage huno asmi'ne, miza e'ori kazo kazo Hibru eri'za ne' avrenka eme tmi'nana ne'mo, nagrite eno zokago renantenaku nehige'na,

Jenesis 49:7

Tanarimpa he'zantera tusi huneranantoe, na'ankure tnarimpa hezamo'a arava ohegahie. Tanarimpa nehena, hazenke vahe manigaha'e. Jekopu'na nagri'pintira znatufe atra'nena, Israeli mopafi arure arure hu'za manigahaze.

Proveps-Knare Nomaniza 28:15

Kefo avu'avama nehia kva vahe'mo'a, zamunte'ma omane vahe'mokizmia, laionimo vahe aheno nenaku krafa hiankna nehigeno, beamo'ma vahe'ma aheno nenaku arotago nehianka nehie.

Proveps-Knare Nomaniza 28:17

Mago vahe'ma ahefri'nesia ne'moma, vahe'ma ahe fri'nesia antahintahimo'ma knama neminkeno, nontema mani so'e osu vanoma nehina, aza osu atrenkeno frino.

Matiu 2:1

Jisasi'ma Betrehem Judia kaziga mopare, Heroti'ma kini hu'nea knafi fore'ma hige'za, zge hanatitegati antahi'zane vahe'mo'za Jerusalem ehanati'za, anage hu'naze,

Matiu 2:17

Anante korapa mago kasnampa ne' Jeremaia Anumzamo asmigeno kre'nea kemofo nena'a fore hu'ne,

Matiu 2:7

Heroti'a frakino oku'a antahi'zane vahera zamagenoka huno nankna ana ofumo'a fore hu'ne huno zamantahige'ne.

Revalesen-Hufo Hu'ne 12:4

Hanki risonamo'a tagufa kevu hanafi monafi me'nefinti, mago kevu hanafira mopafi ruharfi huzmatrene. Ana osifavemo, a'mo'ma mofavrema kasentenaku'ma nehia avuga otine. Anama hu'neana ana mofavre kasentenkeno aheno asga hunakrinaku otine.

Revalesen-Hufo Hu'ne 17:6

Hanki negogeno ana a'mo'a Anumzamofo nagamokizmi korane, Jisasi agi agenkema huamama nehza nagamokizmi korana ne'neno neginagi nehigena, negena nagra tusiza hu'na antri hu'noe.