Matiu 2:12 - Kamano

¹² Anumzamo'ma ava'nafi zamasmino Herotintera oviho hunoma hu'nea kea nentahiza, antahi'zane vahe'mo'za oti'za rugantegati mopa zamirega vu'naze.

Anumzamofo Routage Avantafere

¹² Anumzamo'ma ava'nafi zamasmino Herotintera oviho huno'ma hu'nea kea nentahiza, antahi'zane vahe'mo'za oti'za rugantegati mopa zamirega vu'naze.

Matiu 2:12 Iomraidhean Croise

Jenesis 31:24

Hianagi Anumzamo Labani Arameani ne' kenage ava'nafi eno asmi'ne, Kva huo, Jekopuna magore hunka so'e kefi havigea huonto huno avanafina asamine.

Matiu 1:20

Hianagi ana antahintahima retro nehigeno'a, mago Ramofo ankeromo ava'nafi eno anage huno asmi'ne, Josefe, Devit nemofoge, korera osunka Mariana aka'agi avro, na'ankure agri rimpafima mani'neana, Ruotge Avamu'mofo mofavre mani'ne.

Matiu 2:13

Antahi'zane vahe'ma vzageno, Ra Anumzamofo ankeromo Josefena ava'nafi efore huno asmi'ne, Otio! Mofavrene, nerera'nena znavrenka Isipi frenka vuo, anantega umani'nege'na Nagrama kasmisugenka eno, na'ankure Heroti'a ana Mofavre hakreno azeri haviza hugahie huno asmi'ne.

Matiu 2:19

Heroti'ma fritegeno, mago Ra Anumzamofo ankeromo Josefena avanafi e'no Isipi eme asmi'ne,

Matiu 2:22

Hianagi, Heroti nemofo Akelasi, nefa no erino Judia kaziga kegva hie kema nentahino'a, ana kaziga vuzanku koro hu'ne. Anumzamo ava'nafima asmi'nea kante anteno, agra (Josefe) atreno Galili kaziga vu'ne.

Matiu 27:19

Paeroti'a ke refakohu tra'are'ma mani'negeno'a, nenaro'a ke atregeno vu'ne. Meni kenagera mse'ne'na Agrite'ma ke'noa avanamo'a tusi ngogofe'ne. E'i Nera fatgo ne' mani'neanki, mago zana huonto.

Luku 2:26

Ruotge Avamumo korapa averi huno, ofri mani'nenka, Ra Anumzamo taza hania ne' Kraisina huntena fore hinkenka ketenka frigahne, huno asami'negeno antahino mani'ne.

Aposol 10:22

Hige'za zamagra anage hu'naze, mago sondia vahe kva nera, Koniliasi'e megi'a ne'mo fatgo huno Anumzamofonku kore nehia nekino, mika Jiu vahe krerafamo knare nere hu'za nehaza ne'mofo Ruotge hu'nea ankeromo asamigeno, kagriku noniarega eno keaga eme nasminkena antahineno huno hurantegeta e'none.

Aposol 4:19

Hianagi Pitake Jonikea, anage huke ke nona zamire hu'na'e, Anumzamofo avurera knare, tmagri ke antahisupi, Anumzamofo ke antahigahu'e, tamagra tmi fako huta antahiho.

Aposol 5:29

Hu'neanagi Pita'ene ruga'a aposol nagamo'za kenona zamire anage hu'naze, Anumzamofo ke'age nentahita ama mopafi vahe'mofonkea ontahigahune.

1 Korinti 3:19

Na'ankure ama mopafi knare antahi'zamo'a neginagi avu'ava Anumzamofo avufina me'ne. Hanki anage huno Anumzamofo avontafepina krente'ne, knare antahi'zane vahe'mo'za knare antahi'za zmireti, vahe rezmatga hunaku hazana, Anumzamo'a zmazenerie. (Jop 5:13)

Hibru 11:7

Anumzamo'a Noana asamigeno amentinti ana kegura nehuno, amageanteno tima hagesifima naga'a zamagu vazisigura ventea tro hu'ne. Fore'ma osu'nea knaza fore hugahie huno Anumzamo'a asamine. Noama amentinti hu'neazamo, ama mopafi vahe'mofo kefo avu'avazazmia eriama nehigeno, Anumzamo'a fatgo nere huno huntene. (Jen-Agf 12:1-8)

Hibru 8:5

E'i ama mopafi mono nompi kresramana vu eri'zama enerizana, monafinkama tamazama me'nea zamofo avame'za me'ne. Na'ankure Mosese'ma seri mono noma kinakuma retro nehigeno'a, Anumzamo'a Mosesena hanave ke asamino, e'sema ama agonare mikozama kaveri hu'noa kante antenka, seri nona kio huno huntene. (Ekso-Uti 25:40)