Matiu 13:23 - Kamano

²³ Hianagi so'e mopafi kri'nea avimza avimo'a, amanahu vaheku hu'noe, naneke nentahino ana nanenkemofo agu'agesa'a ama nehuno, nena rga'a renteno mago'amo'a 100ti'a rentegeno, mago'amo 60ti'a rentegeno, mago'amo 30ti'a rente'ne.

Anumzamofo Routage Avantafere

²³ Hianagi so'e mopafi kri'nea avimza avimo'a, amanahu vaheku hu'noe, naneke nentahino ana nanenkemofo agu'agesa'a ama nehuno, nena raga'a renteno mago'amo'a 100'a rentegeno, mago'amo 60'a rentegeno, mago'amo 30'a rente'ne.

Matiu 13:23 Iomraidhean Croise

Matiu 12:33

Zafa azeri knare hanankeno, knare rga'a regahie. Hagi havi zafama azeri haviza hanankeno'a, rgamo'enena haviza hugahie. Na'ankure rgare negenka zafamofona ke'ankeregahane.

Matiu 13:8

Hu'neanagi mago'amo'a knare mopafi evurmino ne'za rente'ne. Mago'amo'a 100ti'a rentegeno, mago'amo'a 60ti'a rentegeno, mago'amo'a 30ti'a rente'ne.

Matiu 3:10

Meninena hago sasumemo'a mika zafa agafare kriri'neankino, hakare zafamo knare rgama reontesia zafa'rmina, antagino tevefi mate'vuno atregahie.

Matiu 3:8

Ana hu'nagu rga rentenkeno, tamagu'a rukrehe hunaze huno tamage'za sena,

Maki 10:15

Tamage hu'na neramasamue, iza'o Anumzamofo kumama mofavre'moma eneriaza huno e'orisimo'a, uofretfa hugahie.

Maki 4:20

Hianagi tima'ane mopafi rurani'nea avimazana, zamagra Anumzamofo kea antahi ankere'za, ana kea e'neri'za nena raga'a renentaze. Mago'mo'a 30'a rentegeno, mago'mo'a 60'a rentegeno, mago'mo'a 100ti'a renente.

Luku 13:9

rgama anaga'a kafufima renteniana, knare hugahie. Hanki raga'ama reontesigenka eme antagi atresane huno asami'ne.

Luku 8:15

Hianagi tima'ane mopafima rurani'nea avimzana, Anumzamofo kea e'i anamo'za antahite'za azeri antrako hu'za, tamage hu'za fatgo zmarimpareti nena raga'a rente'za kazigazi hu'za nevaze.

Luku 8:8

Hanki mago'a rima'ane mopafi evuramino hageno 100ti'a raga'a agatereno rente'ne. Anage huteno ranke huno, iza'o agesama me'nenigeno'a ama nanekema antahisimo'a antahise hino!

Joni 15:16

Tamagra, Nagrira huhampri'onante'naze, hianagi Nagra, tmagrira huhampritamantena, tmazeri oti'noe, vuta nena rga'a ome rentesageno, ana rgamo me'nena, na'ankuro Nagri nagifi Nenfama antahigesageno'a, Agra amne tmigahie.

Joni 8:47

Aza'o Anumzamofo naga mani'nenimo'a, Anumzamofo naneke nentahie, ama'na agafare tamagra nontahize. Na'ankure tamagra Anumzamofo nagara omni'naze.

Aposol 16:14

Mago ara agi'a Lidia'e nehaza a'mo knare konariri'ane fitu tavrave hatino zagore netrea a'mo, Taitaria rankumateti a' mani'neno Anumzamofonte mono hunentea a'mo kema hu'na kea antahi'ne. Anumzamo'a agu'a eri rukrehe higeno Poli'ma hiankea antahi'ne.

Aposol 17:11

Ana Jiu vahe'mo'za antahi'za zamimo'a knare huno ama hu'negu, Tesalonaikama nemaniza Jiu vahe'mo'za nehazaza osu'naze. Na'ankure mono kema ha'ana muse hu'za eneri'za, tamage amagemo'a hu'nefi hu'za maka zupa avon tafepi ke'ankere'naze.

2 Korinti 9:10

Anumzamo hozama kri vahe'mofona avimzana nezamino, bretia nezane huno nezamie. Anahukna huno avimzana veva huno erira nehina, fatgo avu'avazantamimo'a rga'a nerena, rama'a nevasageta mago'ane vahe'mofona zamaza hugahaze.

Filipai 1:11

Fatgo avu'ava'zama Jisas Kraisima eri fore'ma nehiazamo tagripi avinete'na, vahe'mo'za nege'za Anumzamofona ra agi nemiza, agi'a erisaga hugahaze.

Filipai 4:17

Ama kema nehuana mago museza namihogu meme huna tamantahinogoe, hagi veva'ma hu'nare, Anumzamoma henka mizama tamamisigu nehue.

Kolosi 1:10

Ana nehutma tamagra hakare'zama hanaza zamo'a, Ramofo avurera knare nehuno, Ramofona ragi amisageno, ana miko knare erizantimo'a rga renentenkeno, Anumzamofo knare antahizampi hageta mrerigahaze.

Kolosi 1:6

Ana knare musenkemo'a tamagrite e'neankino, miko kokankoka ama ana knare musenkemo'a hageno raga'a renente. Tamagrama ese knazupa ana knare musenkema nentahitma, Anumzamofo asunkuzana tamage hutma antahi ama hu'naze.

1 Tesalonaika 4:1

Nafu naganaheta Ramofo Jisasimpi mani'naza nagamota, rempima huraminona kante antetma manihogu tagra tutu huneramanteta, tamazeri hanavenetunanki, tamagrama nehazaza hutma, mago'ane hanavetita ana avu'avara hiho.

2 Tesalonaika 2:10

Anumzamo'a zamagu'ma vazisigu'ma tamage kema zami'neana, zamagra zamentintia osu atre'nazagu, Agra mika havige avu'ava zante'ma fananema hu kantema nevaza vahera rezamatga hugahie.

Hibru 4:2

Na'ankure koma Israeli vahe'tema knare musenkema huama hige'za antahi'nazaza hu'za huama hazageta nentahune. Hianagi anankema antahi'naza kemo'a zamaza osu'ne, na'ankure zmagra ana knare musenkerera zamentintia osu'nazageno'e.

Hibru 6:7

Ko'mo'ma mopafi runtegeno, avimzamo koti anivazu huno hageno nena rga'a retegeno Anumzamo ana mopa asomura hunenteno, hozama hankorino avimazama hankrenemofo aza nehie.

Hibru 8:10

Hianagi Israeli vahetera ama kasefa hagerafi huvempa ke Ramo huno, henka'a Nagra kasegea antahintahi zmifine zamagu'afine krenentena, Nagra zamagri Anumza maninenke'za zamagra nagri vahe manigahaze hu'ne.

2 Pita 3:18

Hianagi Ranti Taguvazi Ne' Jisasi Kraisi asunkuzane, Agri antahintahi zampi hageta ra hiho. Menine henkanena, Agra'a hihamu msa'afi ra agi'a erivava hugahie. Tamage.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.