Matiu 13:21 - Kamano

²¹ Ana hianagi rafu'na uorminegeno, osi'a knafi mni'negeno ana nanekemofonte rehe'za egeno'a, ana nanekea ame huno atreno traka nehie.

Anumzamofo Routage Avantafere

²¹ Ana hianagi rafu'na uorminegeno, osi'a kna mani'negeno ana nanekemofonte rehe'za egeno'a, ana nanekea ame huno atreno traka nehie.

Matiu 13:21 Iomraidhean Croise

Proveps-Knare Nomaniza 12:12

Kefo zamavu'zamavama nehaza vahe'mo'za, kefo zamavu'zamava hu'za eriza vahe'mokizmi zante ke zmanunu nehaze. Hianagi fatgo vahe'mo'za, arafuna rene'za raga rentegahaze.

Proveps-Knare Nomaniza 12:3

Kefozama hanaza zantetira mani'zazmia retrora osugahaze. Hianagi fatgo zmavu'zmavazama hanazana, arafunare'za mani'nageno, vahe'mo'za eri tasagira osugahaze.

Matiu 10:22

Hakare vahe'moza Nagri nagima hesaza'zanku ha'reramantegahaze. Hianagi aza'o oti hanavetino refare'ma vanimofona agu'vazigahie.

Matiu 11:6

Hanki iza'o Nagrama huazankuma amentintima ataresigeno uoramisimofona, Anumzamo asomu huzamantegahie hutma ome asamiho.

Matiu 13:20

Mago avimazamo have mopafi evurami'neana, amanahu kna vaheku hu'noe. Anumzamofo naneke nentahino, ame'ama huno muse hu'ne.

Matiu 13:57

Nehu'za antahi haviza hunentageno, Jisasi anage huno zmasmi'ne, kasnampa vahe'mofona Agri kumate vahe'mo'zane, maka naga amo'za ra agi nomize.

Matiu 13:6

Hianagi zgemo hanatino mrerino temagi atre'ne, na'ankure rafu'namo krakaka kigeno, zgemo te osapare'ne.

Matiu 24:13

Hu'neanagi aza'o amentintifima oti hampo'nama huno atupare'ma vanimofona aguvazigahie.

Matiu 26:31

Jisasi'a amanage huno zmasmi'ne, meni kenegetfa Nagrite'ma fore'ma hania zanku natretma fregahaze. Na'ankure ko avontafepina krente'no, Nagra sipsipi kva ne' ahesuge'za sipisipi kevumo'za panini hu'za ufre efre hugahaze hu'ne. (Zek 13:7)

Matiu 26:33

Pita'a kenona huno, mikamo'za kagrite'ma fore'ma hania zankura katre'za fre vgaregahaze. Hianagi nagra onkatretfa hugahue.

Maki 4:17

Hianagi zmagu'afina rafuna ore'nazanki'za oti hanave otinazankiza, anante'ma Anumzamofo kegu hu'za hazenke zano, zmazeri haviza huzama fore hige'za, ame hu'za atre'za nevaze.

Luku 8:13

Hanki mago'a avimazana havege mopafi evurami'neana, Anumzamofo kema nentahi'za muse huza eri'nazanagi, rafuna ore'naze. Osi'a knafi zmentinti nehu'za, rezmatga'zama ege'za traka hu'za atre'za nevaze.

Joni 6:26

Jisasi'a kenonazmia anage huno zamasmi'ne, Tamage hu'na Nagra neramasmue, tamagra Nagriku nehakra'zana, kaguvazma hua zantekura nohakraze. Hagi tamagra bretima nazageno tmu'ma hia zanteku nehakraze.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Galesia 6:12

Zamagrama tamavufgama tga hiho hu'za tutu hunermantaza vahe'mo'za, tagra knare hu'none hu'za nehu'za, Kraisi keka zafagu'ma huama nehu'za, knazama eri'zankura zmave'nosige'za anara nehaze.

Galesia 6:15

Na'ankure avufama tga hanio, avufama tga osniana razana omnene, hianagi agu'a rukrehe huno kasefa'ma huno mani'zamo tamagezana me'ne.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Filipai 1:6

Na'ankure nagra antahi'noe, Anumzamo tamagripi knare eri'zama erigafa hu'nea eri'za erime nevnageno, Krais Jisasi esnia knare eri vgaregahie.

2 Timoti 1:15

Kagra antahi'nane maka Esia kaziga mani'naza vahe'mo'za natre'za uvu evuma hu'nazana, ana agu'afina Figelusi ene Hemogenesi'ke natrena'e.

2 Timoti 4:10

Na'ankure Demasi'a, ama mopafi zanku avenesigeno, nagrira natreno Tesalonaika kumate vu'ne. Kreseni'a Galesia kumate vigeno, Taitusi'a Dalmatia kumatega vu'ne.

Jemisi 3:2

Na'ankure rama'a zampi havizana nehune. Hagi iza'o agrama kema hanifima fatgo osu kegaga huzanku'ma kva'ma hanimo'a, agra soe ne'kino amne mika avufgamofona kvahu so'e nehie.

1 Pita 1:5

Tamagra Anumzamofonte tamentinti hazageno, Anumzamo'a hanave'areti kegva huramante'neankita, so'e hutma manigahaze. Tamagri tamahokeno tamaza hunaku retro huntegeno me'neankino, e'i anazama haniana mona mopa vgamare'nea knazupa eama hugahie.

Revalesen-Hufo Hu'ne 2:13

Nagra antahi'noe, Sata'ma kini tra anteno mani'nea kumate mani'nenka, Nagri nagima azeri hanavema'tinanana, Sata'ma mani'nere'ma mni'nankeno, Nagri naneke huama nehia ne'ma, Antipasina tamagri amu'nompinti avare'za ahe'naze. Ana hazanagi tamagra Nagrite'ma tamamentintima hu'naza zana otretfa hu'naze.